Festzeit.ch Forum » Sonstiges » Usbildig finanziere
| Autor | Beitrag 16 - 26 |
|---|---|
| ÄxLSa 6.11.10, 00:13 | Jo, und denn regt me sich uf... I kenns leider au. Wägedäm machi jetzt eifach mol alles, wenni d Chance drzue ha  Chame das eigentlich unbegränzt lang mache? Also chönntschs au no in 5 Joor no mache? Es isch jo au nit unbedingt eifacher e Job z finde, wemme das no wot näbebi mache... |
| Knutschi90Sa 6.11.10, 00:25 | jä i glaub das chönnti au no in 5 johr mache... aber i wills jo jetzt damit ich an d' FH in luzern cha  |
| ÄxLSa 6.11.10, 00:29 | Jo, dass es so bald wie möglich wotsch mache chani no vrstoh.. Wieso machsch sie denn Bruefsbegleitend? Choschtets glichviel, wenns nit Bruefbegleitend mache würdsch? Denn chönntsch jo e Joor spare und sie denn imene Joor durezieh, denn hesch erschtens s Problem glöst und bisch erschtno schnäller fertig. Muesch di halt denn eifach e Joor beherrsche |
| Knutschi90Sa 6.11.10, 09:26 | ach... wenns so eifach wär mit chli spare und guet isch... ich wohn scho siteme johr ellei, i cha mer das nit leischte nümm go schaffe. muess mieti und dr räschtlich läbensunterhalt zahle hehe... |
| ÄxLSa 6.11.10, 09:38 | Jo, ok... Isch jo nur e Idee gsi :< I bi gspannt ob no öpper e Lösig findet, i wüsst nütme :/ |
| CoupeDanemarkSa 6.11.10, 15:19 | Also, bi inere ähnlige Situation gsi... es git für so Fäll privati Stiftige wo di unterstütze, muesch aber je noch däm halt wieder zruggzahle (bi mr nid sicher). Uff dr Bruefsberootig hänn si e Lischte, wie komplett die isch, weiss i aber nid. Lauft über e Bewärbigsverfahre, soviel i weiss. Ansunschte gits no Ussbildigsdarlehe, do bechunnsch ebefalls dDifferänz wo no bruuchsch, aber halt au mit dr Option, dass es wieder muesch zruggzahle, wenn wieder voll schaffsch. Am beschte frogsch gliech mol wäge Stipändie aa, aigentlig söttsch becho, will du jo e Witerbildig willsch mache (für dErschtussbildig mien dEltere uffcho) und falls nid, hesch zumindescht mol e taugliche Aasprächpartner wo dr ev. no witeri Finanzierigsmöglichkeite cha zeige (die vo dr Bruefsberootig schiene mr nid viel Ahnig vo däm z'ha). Notfalls sicher mol e Budget-Plan mache, ev. e günschtigeri Wohnig sueche, mol chli luege wo viel ussgisch,.... -> wohn au elai und bi mit eme 50%-Job guet duurecho, ohni gross uff öbbis zverzichte (nid mol uff e Töff od. mol usswärts go ässe). |
| NunquamRetrorsumSa 6.11.10, 16:18 | wie wärs mit schnitzel vrchaufe? |
| Knutschi90So 7.11.10, 00:41 | Zitat: NunquamRetrorsum phalt dini doofe kommentär für di... wenn öbis hilfriichs weisch, chasch di gärn an dr unterhaltig beteilige...wie wärs mit schnitzel vrchaufe? @CoupeD.: Merci füre Tipp weg de Stiftige.. lüt am Mäntig grad dr Bruefsberotig ah und frog mol noche, öb die mir sowas chönne schicke... han ebe au scho devo ghört aber im netz nüt richtigs gfunde.. |
| ÄxLSo 7.11.10, 11:46 | E Kollegin vo mir het au mol so öppis ähnlichs welle vrsueche, die het vo irgendwo e Heftli mit so zimmli allne Stiftige vo Basel und Umgäbig becho, falls dr die bi dr Bruefsberotig nit chönne hälfe, chani si ko mol froge. |
| NunquamRetrorsumSo 7.11.10, 12:42 | also denn probier ich mol öpis konschtruktivs biizträge  ich würd d BM am stück in eim johr mache. gäld zämme spare, stipändie beaträge/ stiftige aschriebe. je nachdäm was füre bm du machsch, hesch no biz zit zum näbe dra schaffe. ich ha die technischi gmacht und dört het me kei zit. einewäg hanis finanziell in eim johr gschafft. muesch halt au biz zrug stecke und biz sparsam si. isch doch ätzend 3 johr lang dbm mache! find ich ämel. e schnitzel würdi dir aber trotzdäm abchaufe |
| Knutschi90So 7.11.10, 18:37 | also, ich mach d'BM nit in 3 johr, au nit in 2. willis übere privatschuel würd mache, wäres nur 1.5 johr, also 3 semester. dorum wird ich nit ufhöre schaffe für es johr.. weg dem halbe johr meh chunnts au nit druff ah und joo... wenni jemols, irgendwo würd goh schnitzel verticke, wirdis dir als erschts mitteile hehe |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©