Festzeit.ch Forum » Liebe & Sex » Was haltet ihr vo Polyamory?
| Autor | Beitrag 1 - 15 |
|---|---|
| jerry2985Sa 13.11.10, 11:03 | Hey leuts würd gern wüsse was ihr devo haltet? chöntet ihr das? oder isch es nid vorstellbar? Was isch polyamory: (sehr e kurze beschrieb) - ist ein Oberbegriff für die Praxis, Liebesbeziehungen zu mehr als einem Menschen zur gleichen Zeit zu haben[1], dies in der Regel mit vollem Wissen und Einverständnis aller beteiligten Partner. Die angestrebten Beziehungen sind langfristig und vertrauensvoll angelegt und schließen normalerweise (aber nicht notwendigerweise) Verliebtheit, Zärtlichkeit und Sexualität mit ein. Menschen, die nicht-monogame Beziehungen bevorzugen oder führen, werden als „polyamor“, „polyamorös“ oder „polyamant“ bezeichnet. Es gibt jedoch sehr viele Menschen, auf welche eine solche Definition von Polyamory zwar zutrifft, die jedoch den Begriff nicht kennen, die Beziehungspraxis niemals als gedankliches Konzept aufgefasst haben, und nichts von derartigen Vernetzungen wissen.[2] Weltanschaulich stellt das polyamore Konzept die Vorstellung in Frage, dass Zweierbeziehungen die einzig erstrebenswerte oder mögliche Form des Zusammenlebens darstellen, und bejaht, dass ein Mensch mit mehreren Personen zur gleichen Zeit Liebesbeziehungen haben kann.[3] Für no Meh Infos gönd uf Wikipedia. http://de.wikipedia.org/wiki/Polyamory oder http://sc.tagesanzeiger.ch/dyn/news/vermischtes/712199.html 2 mal bearbeitet, zuletzt Sa 13.11.10, 13:45 |
| SookieStackhouseSo 14.11.10, 05:42 |  ich finds guet schatz |
| D0paminSo 14.11.10, 10:51 | tönt cool. |
| jerry2985Do 18.11.10, 14:41 | Scho luschtig das 300 lüt das a luege und niemrt was derzue seit. |
| EimerDo 18.11.10, 15:05 | was soll me do gross sage? die wos toll finde solles mache, für mi wärs definitiv nix. |
| SheepherdDo 18.11.10, 15:19 | i glaub isch doch immer e sach vo dr perspektive... stell dr vor hesch e fründin, bisch richtig vrliebt in sii, sii läbt abr nach dem poly zügs, du weisches, und muesch denn zueluege wie sii gliichzitig mit dir zämme isch, abr au no e andere vöglet, will si jo mehreri lüt cha liebe. d'sach isch die dass wenns um beziehige goht die meischte mensche will sich ebbe doch gfühl entwickle, ahfönge egoistisch zwärde bzw. bsitzahsprüch z'erhebe... makes sense odr?  zudem bestoht bi mehrere gschlächtspartner (i gang mol drvo us dass me sex het mit dene wo me liebt) natürli immer d'chance vomene chind und denn cha me dä läbensstil jo unmöglich witerhin fortsetze. und wohl am allerwichtigschte stichwort SICHERHEIT. binere monogame beziehig chasch dr (falls beidi persone keini STDs hei) s'kondom spare und chasch uf mittel wie pille zrugggriffe  in dr theorie jo ganz guet abr in dr praxis hauts nidt ahne wenns meh als nur e sexbeziehig isch würdi mol behaupte. zudem bietet die ihstellig nidt dr komfort vom blinde vrtraue. schlussändlich ischs jo abr immr e sach vo dr person. wenn du chasch isy zueluege wie 50 anderi dini chliini knalle denn isch guet... suscht eifach uf die "altmodischi" art ^^ |
| jerry2985Do 18.11.10, 16:14 | also 1.es git sehr wohl *familie* wo so e bezihig führe es git sogar kinderbücher damit es für chind nid komisch isch wens ufwachst das er *mehreri* berzugspersone het. (klar es git nur 1 vater nd mutter) 2. Wege d sicherheit wenn mehreri lüt so e bezihig hend den chame ja sich la teste, und den isch es e sach vo vertraue ob die andere au immer verhüete u.s.w. (isch ire monogamie bezihig ja au so, klar chan sie pille neh und so aber wen sie fremd gaht und ke gummi brucht chasch der genau sowas i fange. 3. und i sore bezihig bruchts meh vertraue als ire 2er. und zudem mini "chlini* knalle sicher nid 50 type den wer sie ja voll die bitch. hahaha e polyamory bezihig heist nid soviel sex mit so viel lüt ha wie es gaht! sondern me darf sex ha wen me öpper gfunde het wo me gern het. und au ire polyamory bezihig gits regle. und was was polyamory bezihge fasch nid chöne ha sind sache wie Fremdgha, betrüge, seitensprung, affaire oder schüsch unerfühlti wünsch. 2 mal bearbeitet, zuletzt Do 18.11.10, 17:49 |
| MandredTorgridsonDo 18.11.10, 18:30 | nee für mi wärs ganz klar nüt... ich mein wenns für alli okee isch wiso nit aber wie gseit ich bruchs nit |
| basel2010Do 18.11.10, 20:22 | ich denke wenn alle beteiligten damit umgehen können, kann es ein schöne sache sein |
| Arcan4Fr 24.12.10, 02:17 | also, ich han das schomol khaa udn es isch nit so tol wie me denkt... ich sag nur DOPPELTI ARBEIT -.- du bruuuchsch viiiil Ziit und muesch könne guet mit dere Situation umgoh also mir hets eimol glängt ^^ |
| dave92Fr 24.12.10, 07:13 | wenn en beziehig för dech arbet esch, machsch du oder ehr öppis falsch! |
| Arcan4Fr 24.12.10, 10:22 | Zitat: dave92 Eehm neiwenn en beziehig för dech arbet esch, machsch du oder ehr öppis falsch! E beziehiig isch nit nur eifach liebi lalal Do hesch au gwüssi pflichte ... Aber isch egal |
| dave92Fr 24.12.10, 15:46 | wenn du dech inre beziehig zo eeeeeeergendöppis verpflichtet fühlsch, nor well inre beziehig besch, tuesch mr mega leid! wenn di en beziehig au nor es beeeezelii iiängt, söttsch si beände! wenn inre monogame beziehig läbsch, söllsch ned met anderne fraue schlofe, well ned «dörfsch», sondern well du das so wotsch! ond wenn en beziehig dini freiheite au nor es bezelii beschniidet oder dech zo öppisem verpflichtet, hebt si ned uf langi sicht use… |
| jerry2985Fr 24.12.10, 18:13 | Ja Dave da muess ich dir absolut recht geh. gsehs genau so. und arbeit isch es sicher nid, fühlt sech emel nid so a |
| BloodyFr 24.12.10, 22:18 | Doch also i find au das e bezihig gwüssi pflichte /ischränkige mitsich bringt. I mein du machsches jo gern aber sobald du e mensch neu in dis lebe iplansch hesch du weniger zyt für ander resp. muesch umdenke/anderst dini zyt verplane.. Das isch aber ganz normal.. @ to topic: Wenn das für alli stimmt isch das sicher in ordnig.. aber sobalds öberem in dere Konstellation nümm passt wirds kompliziert und asträngend.. Aber ebe.. soll jede so lebe wie er wott  ich könnts (momentan) nid. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©