Festzeit.ch Forum » Sonstiges » Ratschlag von Elektriker/in gesucht.
| Autor | Beitrag |
|---|---|
| IllIFr 9.9.11, 18:18 | Guete Obe. Ha hütte bi dr Swisscom für minni neu bezogeni Wohnig e Internetvertrag abgschlosse. Dr Kundeberater het mir gseit ich sött e Elektriker vrbie cho loh, wo ihne denne bekannt git welli "parzelle" oder "leitig" die richtigi isch für d' Wohnig, demit si s' Internet det druff chönne uffeschalte. Minni Frog isch jetzt, wie eifach isch dass? Cha me dass au als laie mache? Oder würdet dir lieber öber mit Fachkenntnis vrbie cho loh? Messi im Voruss. |
| SKILLFr 9.9.11, 18:43 | Sam  ? |
| derElchFr 9.9.11, 19:07 | I glaub dr Huuswart chönnt dir mit grosser wahrschiinlichkeit am schnellste hälfe ^^ |
| StefanRaabFr 9.9.11, 19:13 | Für das muesch du zuetritt zum UP vom hus ha. Wenn das e Wohnig isch: Finger wäg! Dört hesch du nix verlohre; usser elektriker und Telco Techniker dörfsch dört nix dra umebastle, do wirsch alwä eh sehr schnell verdächtigt du zapfsch eine ah oder so  Falls es e eignigs hus isch: Du kriesch vo de SC de UP KOntakt... Imne eifamiliehus hesch in de Regel max 2 UPK ^^ also chasch dört au sälber eifach umhänke wenns nid klappe würd... Mehrfamiliehüser händ zum Teil de UP nur in eim Teil vom Hus, also nid jede en eigene. Edit: Mitteile chasch dene de vorhänger wo dört inne gwohnt het, das längt... Bi unbekannt schaltet sis eifach uf en Kontakt im UP und guet isch. I würd amel nid vorgängig en elektriker lo cho vor de weisch was de UPK isch. PS: Für de Elektriker isch das e sach vo 5min wenn der de UP findet ^^ In ere Wohnig hingege hets 20 und meh Leitige im UP und du chasch ohni wärkzüg nid usefinde weles vo dene jetze dini zwei dröht sind wo ind wohnig gönd ^^ Also ebe: Finger wäg, suscht ischs chaos vorprogrammiert. Alles in allem: Wenn de nid irgend was Elektrischs glernt hesch würd ich en Elektriker lo cho (vilicht kennsch jo en Kolleg wo das macht...) De ärger wos git wenn nacher was nid lauft isch dütlich grösser (und türer) 1 mal bearbeitet, zuletzt Fr 9.9.11, 19:14 |
| HermesComSo 18.9.11, 18:29 | Wenn de scho ä Telefonaaschluss hesch in däre Wohnig, denn bruchsch kai Elektriker. Internet lauft über di gliich Läitig. |
| Kleopatra1983So 18.9.11, 18:52 | Ich ha au alles über d Telifonsteckdose. Festnetz/Internet/ und Swisscom Tv. Ha kei Elektriker brucht für das. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©