Usserdem, wilsch du ernsthaft es Verhalte vomene Bevölkerigsteil bestüüre eifach damit mehr Geld ind Staatskasse fliesst?

öhm ... das isch jo s Grundprinzip vo jedere Stüür, oder nid?
Vo dem her isch das scho ernsthaft.

Nei das isches nid. Steuern chunt (wer häts denkt?) vom Verb "steuern" und sött eigentlich denne igsetzt werde wenn die frei Marktwirtschaft imene Berich nid fähig isch e sinnvolli Lösig z'produziere, deshalb wird mit monetäre Mittel zuesätzlich "gstüret" damit sich d'Akteure wie gwünscht verhalte. E Usnahm drbi isch wohl die gwöhnlichi Bundesstür wo jede Bürger zahlt, die isch drfür do dass dr Staat die notwendige Mittel het zum si Job z'erfülle (wobi denne dr Begriff "Steuer" nümm unbedingt konsequent agwendet wird.

Zwüsche dene zwei Fäll muesch würkli strikte trenne, süscht chan dr jede Politiker irgend e Scheiss-Stür ufdrücke und drmit d'Unfähigkeit vom Staat effizient z'handle überdecke. Im Moment isches jo fast an dr Tagesornig so Stüre z'erloh (wie du vorgschlage hesch) um drmit ineffizient gfüerti Budgets uf z'bessere. Dr Grund drfür isch relativ simpel: Es motzt nid die ganz Bevölkerig und d'Mehrheit seit Jo drzue, wird hingege d'Bundes-/Kantonsstüre erhobe mues sich dr Staat plötzlich drfür rechtfertige wofür me mehr Geld brucht. Wieso dass das lieber vermiede wird chasch dr jo vorstelle.

nette approach.. mit gnueg geld kamme s'gsetzt umgoh.. wo das wohl aneführt

d Beize sin nid in der Lag e vernüftigi Regelig ane z kriege dass sowohl Raucher als au Nichtraucher zfriede sind.

Guet, denn hämmer jetz mol en gmeinsame Nenner. Es goht also NID drum s'Rauche an sich z'bestüre sondern nur d'Restaurants drzue z'bringe Nichtraucherlokal z'eröffne. In dem Fall würdi säge dass die Stür durchus ihres Ziel würd erreiche, wär die Chance nid bereits dur es Rauch-VERBOT zunichte gmacht worde.

Das isch jetz abr nur dr eifachi Teil vo dr Politik gsi, jetz chunt die ganz Diskussion öb en Staat das überhaupt söll, öbs richtig isch die Veränderig so dure z'füere und dr ganz restlich politisch Schabernack.

Wenn me die jetzig Lag aluegt vermuet ich mol dass bi sonere Stür jedoch eifach die meiste Beize die zahle und alles bim alte blibt. Wieso? Dass s'momentane Rauchverbot überhaupt agno worde isch sött eigentlich zeige dass gnue Lüt gern in Rauchfreie lokal würde go esse. Wenn die Situation tatsächlich würd zuetreffe, denne würde einige Restaurants scho lang uf rauchfreie Betrieb wenigstens umd Mittagszit umstiege und e beträchtliche Kundezuelauf gniesse (scho nur weni ans Mittagesse in dr Stadt denk). Faktisch gseht me aber s'Gegeteil: Es git Gwünnibrüch in sone Spezialisierig lohnt sich überhaupt nid. Also, wo blibe die ganze Stimmbürger wo s'Rauchverbot hän wele? Ich vermuet dass de meiste wo drzue Jo gseit hän im konkrete Fall gar nid so vill Wert druf lege. Wenns ihne würkli wichtig wär hätte d'Wirte scho lang reagiert. Das isch NID e Marktversage, d'Nochfrog nach rauchfreie Restaurants isch schlicht nid so hoch wie eim gwüssi Politiker / Organisatione wänn weis mache, anderst chan ich mir die Situation nid erkläre. Wenn öpper e anderi Erklärig für das Phenomen het würd i die gern ghöre!

Ich glaub dass dr Grossteil vo dene Ja-Sager eifach mol drfür gsi isch will me selber jo eh nid raucht und me grad was für die "öffentlichi Gsundheit" chan mache und wenn me chönt wähle wäre d'Restaurants scho rauchfrei, nur gross interessiere duets eim nid. D'Situation vo de Raucher ignoriert me denn eifach mol, es betrifft eim selber jo nid. Möglicherwies isch nämli s'rauchfreie Lokal s'Privileg wo extra kostet, abr wend das wilsch mache interessierts den plötzli kei hungrige Gast me öb de nebedra raucht odr nid. Wenn mini Vermuetig stimmt denn müest die Stür extrem hoch si damit s'gwünschte Ziel erreicht würdi, so hoch dass e allfälligi Klag vorem Bundesgricht zimli sicher würd durecho. Abr dr Verein Fümoar wird dem Spass scho vorher es Endi setze.

nei, s hesch falsch verstande.

S NEUE gsetz wär denn: Wer e Raucherlokal wott füehre, mues zahle.

S Gsetzt würdi denn gänderet, denn wärs nid "s Gsetz umgoh mit Geld" ...

Abr jo... in Griecheland wird das koo ... mi nimmt nur wunder, öb das do au e Chance het... also nid disse, sondern eifach die Variante diskutiere, isch jo rein hypothetisch ...

ich mach e gsetzt wo rauche verbietet.. denn machi e gsetzt wo rauche verbietet usser me zahlt extra, denn widrrum isches erlaubt. ergo mit geld kasch gsetzt umgo.

mol e paar überspitzi bispiel:
dr negscht schritt wär jo denn... mit 30km/h zschnell verliersch dr führerschin.. usser dr zahlsch 10k extra, denn dörfsch en bhalte...
oder mit drogehandel kunsch in knascht... ussr dr verstührsches

ich mach e gsetzt wo rauche verbietet.. denn machi e gsetzt wo rauche verbietet usser me zahlt extra, denn widrrum isches erlaubt.

dr negscht schritt wär jo denn... mit 30km/h zschnell verliersch dr führerschin.. usser dr zahlsch 10k extra, denn dörfsch en bhalte...

oder mit drogehandel kunsch in knascht... ussr dr verstührsches