Festzeit.ch Forum » Parties » A2 usgansgbricht :)
| Autor | Beitrag 1 - 15 |
|---|---|
| DoggcrapSa 10.9.05, 11:59 | Soo... nachdem i gescht s erschtemol im A2 gsi bi, do e chline bricht  :Dr obe het doch scho luschtig agfange... nachemene gmüetlich ufwärme nebem stadion, enere lange diskussion mit emene gwüsse immortalking (DIE RUSSEN KOMMEN!  )und enere me oder weniger agheiterte Stimmig machme mr uns also ufe wäg ins A2... so stön mr also nach 2min vor de türsteher (wie simmer eigentlich so schnell dört ahne cho? )Naguet, nach enere kurze diskussion mitem türsteher über evtl. vorhandeni kleidervorschrifte (tschugi isch trotz hawaihemdli ihnecho *fg* ) lauft me also emol die stege durab... "DIE WO ÖPIS WÄN ABGÄ RECHTS- DIE ANDERE LINKS ZUR KASSE", hm oki... also portemonaie führegno und wölle zahle: nix da, "bitte ind kamera luege - cheeeees" hm ok.. kriegi halt sone komischi (telefon)karte und jetzt was machi mit däm? ahh also mit däm ding zahli getränk+itritt am Schluss... hmm na wenn das emol guet goht. guet simmer also dinne... mache mr doch e membercard! numme schad das scho hunderti vo lüt die idee vor uns ka hän... also papierzettel usfülle und hüt zoobe zahle (hey... 15mol 10.- itritt gspart und du hesch das geld widr dus  )Nach z.T. luschtige diskussione mitem A2 Personal (happy birthday nomol an dä blondi ängel hehe ) laufe mr emol richtig tanzflächi... tanzflächi? naja ok so FUN-mässig. den halt zerscht and bar... kolleg btellt 2 bier à 7.- (i ha gmeint i spinn...).Bis jetzt e idruck mit gmischte gfühl.. hamers grösser vorgstellt aber easy... blibe mr doch echli im oldies bereich- guete sound, easy lüt und e verdammt nomol nervende DJ "KEINI GETRÄNK UF DE TANZFLÄCHI- KEINI ZIGARETTE UF DE TANZFLÄCHI,...".. und das im 5min takt... guet, wechsle mr halt dr floor- aber vorher wird no s wc inspiziert! boah gmüetlich, agnehm kühl dört ine *klirr* (welle idiot stellt sie bier ufe äschebächer??? ) ... guet also gömer emol richtig house floor... HIP HOP?? i will house ghöre, kei hip hop... nachdem das dr ganz obe (mit house ) hin und hergange isch, die barlady mir extra e Long island organisiert het, obwohls die anere andere bar git( für 18.- kani das aber erwarte, oder? ), sin au scho die erschte gange gange. |
| DoggcrapSa 10.9.05, 11:59 | Blibt no dr tschugi und ich ufem oldies floor... "bi kurz wäg, wart do!" "ok". naguet, nachdem i mini lüt aschliessend öpe 1h gsuecht ha, und irgendwen per zufall e gwüsse "immortalking" troffe ha, simmer nach 5min au scho gange... (es isch so scheisse dasi dört unte kei handyempfang ha -.-) gange? naja.. die ewigi schlange an de kasse- und widr das beschissene kärtli! i hami gfüehlt wie in de migros: zahle mr doch emol: hm 36.-, minus 12.- itritt macht 24.- füre bier und e long island- kei kommentar. es het echt nummeno e kassezettel gfehlt  FAZIT vo däm obe: Dr sound ufme oldies floor isch ok gsi, dr sound im housefloor eifach numme geil. D getränk sin sautür, das kartesystem findi eher dumm (het vor und nochteil, aber woher weissi das die an de bar au wirklich s richtigi ige het?) und s A2 Personal isch voll easy. Alles in allem würdi sage, das s A2, wenn sie mit de getränk pris um 2-3.- abegön, sicherlich e sehr gueti usgangsmöglichkeit in basel isch. 1 mal bearbeitet, zuletzt Sa 10.9.05, 12:00 |
| tschugileSa 10.9.05, 12:05 | Aight und Amen  |
| daschSa 10.9.05, 12:17 | dr sound geschter isch wirklich guet gsi, hoffe mr s'blibt so |
| pearSa 17.3.07, 01:17 | . . vilicht weiss jo öpper in dere zit, wo das forum nüm gloffe isch, wider mol öppis neus z`brichte  . . |
| borniMo 19.3.07, 22:32 | Im A2 wirdme im Igang kontrolliert wie e schwerverbrecher, zerscht mol dr uswis, d Kleidig und d Schueh müesse passe und notürli muessme pflegt si, wenns dä türsteher usere lune use nid passt, muessme no angscht ha, dassme wäg irgend eme scheiss grund nid ihne chunnt und me muess sich als solothurner und berner so scheiss sprüch loh ghöre  Vrglich zum A1 Sin aneglufe, hän scho wölle dr uswies zeige abr nei, mir sin einfach duregwunke worde Viel fründlecheri Türsteher wo sogar viel vrgniege wünscheDrfür hets dört inne alles was Härz begehrt, Hip Hopper, Pennerstyle, Gangstas und rächt vieli U18 Möchtegerns.... Trozdem isch s A1 dütlich besser als s A2, isch viel viel grösser und d Atmosphäre isch troz de Zürcher besser als z Basel |
| EdHardyMo 19.3.07, 22:40 | fame rulez |
| timmyDi 20.3.07, 11:23 | i weiss gar nit was ihr immer für problem händ mitem a2 und em fame...i bi bis jetzt no nie vorne dra stoh bliibe und bi no nie durchsuecht worde. und an minere kleidig händ sie au no nie öbbis uszsetze gha i ha s gfühl s fame isch in letschter ziit widr bitz besser worde vo dr musik här |
| DjSumseDi 27.3.07, 16:44 | die Ussage vo wege pingelig mit Chleidig und filze etc chani us persönlicher Erfahrig emel au nid teile, und zumindest im A2 bini relativ (sehr) oft... |
| schwellheimerDi 27.3.07, 17:11 | jäjä, s a2... wo ich s erschte mol ins a2 gange bi, hän si mir vorgworfe, ich heid schlecht über si im internet gschribe, obwohl i weder dört gsi bi, no damals fz oder so was gha ha... d türsteher mache e biz ein uf i ha macht, und das kani eifach nid ha, wil es git wirklich au anderi möglichkeite... |
| nightladyMi 28.3.07, 00:47 | ja A2 isch niiid schlecht gsi echli chli und alles echli tüüür aber im ganze okey würd ich au mal sege |
| NilsBaselMi 28.3.07, 08:25 | Find A2 au sehr guet, nur hets chli wenig Platz zum durelaufe wils soviel Lüt het... |
| HateMeNowMi 28.3.07, 11:21 | d türsteher wenn di provozire zum luege wie de reagiersch. sprichsch ob aggresive typ bisch odr ned... gecheckt? also wenn eifach easy und relaxt blibsch isch alles guet.. mir hend so scho vorgworfe heig droge debi, eimol hend si gseit nur members dörfe ine usw.... wenn si sehn de reagiersch easy druf chunsch yne... türsteher taktik a2 halt |
| DjSumseMi 28.3.07, 12:31 | nei so tüür isch s A2 nid.. isch günschtiger als die meischte andere Disoc's.. guet s fame tanzt do us dr reihe mit ihrne 5liber-öbe. aber wo bechunsch sone grosses gummibärli für de priis? niene.. normal zahlsch für d hälfti fascht so vil. einzig s mineral isch relativ tüür.. aber wenis mit clubs in Luerzn vergliich isches widr geut im rennä... |
| timmyMi 28.3.07, 12:34 | haha, s fame isch au sehr tüür...luegsch emol die drinks ah, irgend welchi 2 dl gläsli mit 0,2 cl panschtem schnaps dinne und 1/3 iis. im a2 hesch imene gummibärli glaub 0,8 cl vodka dinne und kei redbbull. denn isch dr nochhär nit schlächt... 1 mal bearbeitet, zuletzt Mi 28.3.07, 12:34 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©