Festzeit.ch Forum » Sonstiges » WTC 9/11
| Autor | Beitrag 1 - 15 |
|---|---|
| SpartanerFr 26.1.07, 17:29 | Hmm ha geschter grad dr Film World Trade Center gsee und bi im Herbscht in New York gsii, us däm grund würds mi mol Wunder näh wie ihr dä Daag im 2001 erläbt hän.. wie händers erfahre. u.s.w glaube dir an all die verschwörigstheorie?? |
| MisteryouxFr 26.1.07, 17:31 | ich glaub dra  macht für mi meh sinn... und jo bi glaub grad vo dr schuel koh oder so weiss es gar nit genau... http://video.google.com/videoplay?docid=-7859909765349743827&q=loose+change+german 1 mal bearbeitet, zuletzt Fr 26.1.07, 17:37 |
| SpartanerFr 26.1.07, 17:44 | jo dä hani geschter gsee kah, weiss nit öbi alles in däm film söt glaube, aber es isch sicher guet dass me dra duet zwiifle... |
| MythINCFr 26.1.07, 17:59 | Naja, praktisch zu allem und jedem gits Verschwörigstheorie finds witzig, es paar theorie sind in mine auge so öppis vo quatsch, die autore probiere es eifach so ahne zdreie, dasses passt und halbwegs glaubwürdig übere chunnt. die theorie über d mondlandig isch aber witzig, chönnt me fascht glaube  |
| TseddiFr 26.1.07, 18:52 | hmmmmm au wens hart dönt... mich hets nid kratzt ich mein was jede daag im nahe oste passiert odr in afrika isch viiieell schlimmer... klaar isches schlimm aber nur wills amis sind söt me nid meine das es s schlimmschte isch was jee passiert isch.ebbe wie gseit guets(odr schlächts) biespiel isch afrika dört stärbe täglich so viel lüt. und ja ich glaub ane verschwörig |
| c0r3Fr 26.1.07, 20:34 | hmmm, stimmt scho... isch sicher schlimm, aber mi kratzts au nid gross, duet mr leid um dere ihri familiene, aber ich leb jo no ^^ das mag jetzt egoistisch töne, aber was will me mache? ändere chames jo nid! und jop -> in Afrika oder so gits täglich soviel oder no meh Mensche wo mien verhungere, das findi schlimm!!!  und jo, wer möglich dass es e verschwörig isch... ha loose change german au scho geseh... wird überzügend, aber isch jo niene bestätigt worde dass die infos au alli korrekt sin! |
| SerialFr 26.1.07, 20:41 | also ich bi im lager gsi! am mittwuch (9/11 isch am dienstag gsi) hanis zuefälligerwiis erfahre, will ich e zitig gläse ha! also ich hs erscht e paar täg spöter so richtig mitbecho |
| c0r3Fr 26.1.07, 20:45 | ich ha denn grad in de Mittags nochrichte gseh! |
| iamascientistFr 26.1.07, 23:11 | ich bi im mim zimmer gsi und ha irgendöbis gmacht. do bich 11 gsi. es isch mega still gsi, denn bi ich ins wohnzimmer wo die andere us dr familie im tv nochrichte gluegt hän...has nit grad toll gfunde, aber ich dänk bi au e chli z'jung gsi um alles wirklich z'begriffe. die verschwörigstheorie ha ich au scho vor längerer zit gseh, und find sie zimli glaubwürdig, vorallem vo däm was die profs und so sage. ich mein, die wüsse jo vo was sie rede! |
| GeorgeLuzFr 26.1.07, 23:16 | jo also ich bi vo dr school heime cho und dene het mini muetter so biz Panik cha!! ich ha uf jedefall dr rescht vom Tag vor em fernseh verbrocht!!! has aber noni so gecheckt!! ich bin erscht 8 jahre alt gsi!! vo dere Theorie han ich kei ahnig! |
| CemXbrOSa 27.1.07, 01:06 | Kolleg het mer aglüte und gseit: "Hey Abbtli dr 3ti Wältchrieg het agfange, Sie händs WTC in Luft bombt" |
| NobelpreisträgerSa 27.1.07, 10:45 | Aalso ... Bi vo dr Schuel heimcho, mini Muettr hät mir e Simpsons-Folg sölle ufnäh woni scho sehr lang nümm gseh ha. Ich chum heim, frog si:"Hesch dra dänggt, das ufznäh?" ... Si seit:"Nei, ich glaub es git öppis wichtigers ..." Denn hani halt die ganz Zyt gluegt, z obe aber ins Training (Fuessball), dört hämmer die ganzi Zyt spekuliert, es isch vo über 10 Tuusig Tote d Red gsi, konzentriere uf e Sport isch unmöglich gsi ... Am Wucheänd sin denn alli Mätsch abgseit worde, aber ins Training hämmer miesse go  Ich dänk ich ha das ganze scho einigermasse begriffe, ha nochhär sehr vil Sondersändige und so gluegt... Nach ere gwüsse Zyt hani agfange, Wisnewski-Büecher z läse, und ich muess sage teilwiis hett är mi überzüggt... Naja, jedefalls wird das wohrschinlich no in 50 Joor gfroggt, wo bisch du gsi, wie heschs erfahre am 11.9., wie das z.b. bim Elvis glaub au gsi isch odr wo sich d Beatles ufglöst hän ,,, |
| SpartanerMo 29.1.07, 10:42 | ich bi im trämmli uffem heiwäg gsii und denn het e ami mit sim natel telifoniert und dä so ins telifon ihnegschraue, will dä das nit het chönne glaube dass ich gmerkt ha dass öbbis nit stimmt... und woni heichum stürtzt grad dr erscht turm ih... |
| timmyMo 29.1.07, 11:04 | I bi dozumol no in dr Sek gsi in Allschwil. Nach dr 10i Pause sind eifach keini Lehrer kho! so 20 Minute spöter isch denn unsere kho und het gseit s WTC sig kaputt, e flugi sig drigfloge! denn hämmer zerscht glache will mir gmeint händ es sig e witz..uff jede fall hämmr denn no dr ganz morge färnseh gluegt und drüber gredet |
| SockendiebMo 29.1.07, 12:48 | I bi chrank im bett gläge wo dr nochbr verbicho isch und gseit het dasses passiert isch... "der 11.9.2001 ist der Tag an dem jeder weiss was er gemacht hat" |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©