Festzeit.ch Forum » Politik / Religion » Wer kennt sich aus im Arbeitsrecht.
| Autor | Beitrag |
|---|---|
| digitalrebelMo 27.5.13, 12:51 | Wenn man einen befristeten Arbeitsvertrag bis September 2013 hat (100%, Monatslohn) muss einem der Arbeitgeber frei geben, wenn man irgendwo anders an ein Bewerbungsgespräch gehen will ?? Welcher Paragraph ?? |
| AläääDi 28.5.13, 00:55 | i ha irgendwas in errinerig vowäge weme zügle muess oder ebbe e bewärbigsgspröch het isch dr arbetgäber dezeu verpflichtet. Im OR findisch unterem Arttikel 329 Abs 3 "Dem Arbeitnehmer sind im übrigen die üblichen freien Stunden und Tage und nach erfolgter Kündigung die für das Aufsuchen einer anderen Arbeitsstelle erforderliche Zeit zu gewähren." was jetz genau mit "üblichen freien Srunden und Tage" gmeint isch kanni dr nid sage, das muesch sälber usefinde  |
| digitalrebelDi 28.5.13, 08:58 | Dr Clou isch ebe das es e befrischtete Vertrag isch. In de Text ufem Internet isch immer dr Red drvo *während der Kündigungsfrist muss der Arbeitgeber...* aber dä Vertrag isch ebe nid "kündigt", er hört eifach zume Termin uf .... drum bini ebe do drbii grad nid sicher öb di paragraph au gültet ... wie seht's denn us ??? |
| AläääDi 28.5.13, 13:56 | i bi kei rächtsexpärt, zudäm kenni di usghandelte vertrag nid, sprich nidmol wases für eine isch, bi eifach defoh usgange dases sich ume Einzelarbetsvertrag handelt. i nimm aber a, dass me generell nach Art. 334 abs. 1 argumentiere ka, dass befrischteti arbetsverhältnis ohni Kündigung ände, und die Klausel vo "während Kündgungsfrist" somit als überflüssig agluegt wärde ka. Generell kanni dr aber sage dasde bits e doofkopf bisch sone frog do inne go stelle, i glaub kum dases in däm bereich fundierti köpf uf dere Plattform git. würd mol amne rächtsschutz oder beobachter oder suscht irgend e Organisation alüte. notfalls gisch halt eifach 200-400 stutz füre stund bimne awalt us. und wennde scho imne Forum so froge stellsch den suech dr doch e aständigs, bi sicher das gits |
| digitalrebelDi 28.5.13, 14:17 | Zitat: Aläää Danke für die nätte Wort. Generell kanni dr aber sage dasde bits e doofkopf bisch sone frog do inne go stelle Natürlich isch mer klar dass me do inne nie umbedingt mit gschiide oder, wie soebe bewiese, nätte Antworte ka rächne ... Vor allem nid mit söttige wo rächtlich bindend sind. Ich würd nie e Uskunft do inne als "WORD" aluege ... Soo beknackt bini denn scho au nid, thanks for asking ... Aber es ka jo sii, dass öpper selber scho mol in sonere Situation gsi isch und ka verzelle wie's bi ihm/ihre gsi isch. Übrigens gohts nid um mich, sondern um unseri Praktikantin wo us Dütschland kunnt und no weniger Ahnig het vo de Schwizer Gsetz.  |
| AläääDi 28.5.13, 15:36 | isch das di dank für mini hilf? seh ich jetz als wesentlich "unfründlicher" ab und zue muess me halt eifach au istecke könne^^ |
| digitalrebelDi 28.5.13, 15:58 | Zitat: Aläää Naja, me hät jo nid s Wort "Doofkopf" müesse verwände isch das di dank für mini hilf? seh ich jetz als wesentlich "unfründlicher" ab und zue muess me halt eifach au istecke könne^^ Danke für d Infos wo de geh hesch ... nid danke für das Wort. |
| VerhaltensoriginellDi 28.5.13, 17:21 | Also bi mir isches kei problem gsi. Zwar befrischtete temporär job gsi. Has eifach miese ade randzite mache und 1 wuche vorher mälde. Am beschte eifach mal lieb frage. Es isch ja nid so, dass me kündet worde isch oder selber kündet het.. en nette chef git eim de eh chli zit zum witer zsueche. Woter das nid ir arbeitszit.. de nimmt me hald frei oder opferet überstunde. Es goht ja schliesslich um die eigent zuekunft. |
| digitalrebelMi 29.5.13, 12:08 | merci ... jo ich denk au, si söll d chefin eifach frooge ... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©