Festzeit.ch Forum » Sonstiges » essen und trinken jetzt auch in den BLT-trams untersagt
| Autor | Beitrag 1 - 15 |
|---|---|
| DonVitoMi 31.1.07, 16:15 | was haltet ihr von den neu eingeführten ess- und trinkverboten in den blt-trams???? die bvb führte diese regel ja schon vor langer zeit ein... jetzt auch die BLT... sage mirs mol so... ich han mich no nie an die reglä ghalte bin mol gspannt uf euri meinige  |
| finelineMi 31.1.07, 16:16 | Y finds ok.... bis uffs letschte tram, das wo me mit emne alkohol-hunger mit döner bewaffnet ins trämmli goot am weekend. das sötti erlaubt si |
| DonVitoMi 31.1.07, 16:19 | jo das au... und zumindescht trinke sotti immer erlaubt sii... im hochsommer bini ja denn mol gspannt s ässe het mi nie gstört in de trams. höchschtens dr dönergschmagg |
| RheinPiratMi 31.1.07, 16:22 | S'trinke isch nid generell verbote, au nid bi dr BVB. bsp. im summer seit keine öppis wennd do moll ä schluck uss dr fläsche trinksch .... au wennd moll ä himbeeri ins muul stopfsch seit keine öppis - wennd aber sone hässlich stinkende döne frissisch, ischs jo klar |
| DonVitoMi 31.1.07, 16:29 | klar seit keine ebbis... ich iss immer, het no nie ebber ebbis gseit... aber theoretisch wäri trinke immer verbote |
| MythINCMi 31.1.07, 16:35 | Mich het eimol so e alti Frau gannz bös agluegt well ich en Öpfel gässe han im tram - boah mega schlimm - die ultimativi Gschmacksverstuchig für die andere Fahrgäst. |
| RheinPiratMi 31.1.07, 16:41 | i ha moll ä kleini schale ärdbeeri kauft und ha so ins tram welle - denn het dr cheauffeur gmeit das er nid würd wiiter fahre bisi wieder uss tram ussgstiege wäri  |
| holysmokeMi 31.1.07, 16:57 | geloescht 2 mal bearbeitet, zuletzt Mi 5.3.08, 11:44 |
| ciruelaMi 31.1.07, 17:06 | Ich iss und trink wieder in de Drämmli, solangs kei Sauerei macht - es hänge niene me d'Verbotschilder, glaub die hän si abgnoo! Und solang öppis nit usdrücklich verbote isch, dörf mes jo mache...? |
| holysmokeMi 31.1.07, 17:29 | geloescht 2 mal bearbeitet, zuletzt Mi 5.3.08, 11:44 |
| PiaMi 31.1.07, 17:38 | Aso ganz ehrlich..so Döner und so Gschmöis wo alles e huere Sauerei macht findi scho rächt grusig. Vor allem wemme denn s'Papier eifach lot lo ligge. Abr ich iss und trink nach wie vor imene Trämli. Wenn dr Chauffeur e Problem drmit het söllr ko und mi drufaspräche. I find me sött "bitte anständig essen und trinken und abfälle anschliessend entsorgen" schulder ufhänge  |
| CemXbrOMi 31.1.07, 17:44 | rofl kreuzweise I wart doch nit bis mi Fastfood chalt isch, nur wills lüüt git wo nit glert händ ässe |
| StinsonMi 31.1.07, 17:46 | @Pia: in de hüttige gsellschaft hilft das leider nüt meh... alles muess verbotte wärde damit s d Lüt mache  |
| holysmokeMi 31.1.07, 17:48 | geloescht 2 mal bearbeitet, zuletzt Mi 5.3.08, 11:44 |
| DonVitoMi 31.1.07, 18:27 | @holysmoke: hans au erscht hüt ghört... isch im tram plötzlich sone doofi mäldig ko über d luutsprächer, woni doch grad amene fette ässe gsi bin die mäldig hän sie sicher ebbe 5 mol abgspielt... isch s gliiche dilemma wie die mäldig, wo sie jewiils am morge im blt-tram abspiele: bitte nehmen sie ihre zeitung mit. der nächste fahrgast und das fahrpersonal sin Ihnen dankbar als ob dr fahrgascht dankbar siig, ich bin ämel froh, wenn ich im tram e 20minute see, hehe |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©