Festzeit.ch Forum » Politik / Religion » Ausländer ID ?? Ausländer Pass ??
| Autor | Beitrag 46 - 60 |
|---|---|
| TexanDudeDi 6.2.07, 12:59 | Das funktioniert aber nit, da bi dr erschaffig vonere einheits Kultur jedi Kultur ihri Wert und Brüch bsunders berücksichtig ha will... und meh seht jo wie es zämäwachse vo verschiedene Kulture nit funktioniert an Hand vo Europa wo lediglich parallell Gsellschafte entstönde aber kei neui Einheitskultur entstoht... wases brücht wärä Aliens wo dMenschheit als ganzes mues zämä hebe, aber e Feind bruchts immmer, will das in dr Natur vom Mensch liegt... |
| ArpeggiDi 6.2.07, 13:30 | nur weil ein paar (besonders die die führen) sehr engstirnig sind und sowas nicht zulassen heisst das noch lange nicht das es unmöglich ist. und es geht nicht um eine komplette angleichung es geht darum das in der öffentlichkeit eine einheit gefunden wird, im privaten dürfen die tun und lassen was erlaubt ist^^ sie dürfen ihre eigene kultur im privaten durchsetzen wie sie wollen, aber die öffentlichkeit sollte eine kulturlose zone sein AF |
| TexanDudeDi 6.2.07, 13:34 | Frogt sich aber öp das dMensche vo dr Welt wei? Glaubi drum weniger... für mich isches öpis vom entspannendste im Summer in mim Bett zlige und dr Wind zgspüre wo durchs offene Fenster chunt, duse dGeisli und Küehli zkhöre mit ihrne Glöckli, eusi typische europäische Hüüser zgseh und in dr ferni dKircheglocke zlüte khöre... das isch entspannig und ich würd mr nit chöne vorstelle, dass sich das endered... will dKüeh si au in dr öffentlichkeit und dGlocke wo die zum Teil trägä si sehr Schwyzerisch mit de ufschrifte, au wie mir eusi Dächer baue und dHüüser, dArt vode Gärte, dKirche, Flagge wo vor staatliche Gebäude und Hüüser weie... das isch alles öffentlich zgseh und verunmöglicht e kulturlose Ruum vo vornherein... |
| KosovaPowerMo 12.2.07, 23:25 | jo das fötzeli isch genau glich wie dis fötzeli langsamm.. wie du redisch oKaY. ICH HAN SCHWIZER PASS.. ICH RED VO MINERE SCHWIZER SITE US !!! |
| heimdallDi 13.2.07, 13:09 | wenn scho dr ch-pass hesch, wiso integriersch di ned?! wäri vrlicht nützlich für dis asehe und für das vo gwüssne politische parteie... |
| MisteryouxDi 13.2.07, 13:33 | @ heimdall was verstohsch du unter integration? |
| heimdallDi 13.2.07, 13:40 | ämel sicher ned das theater wo de kosovapower verastaltet. unter intergrartion isch au ned zverstoh wiso sötigi persone überhapt de ch-pass brchöme. |
| MaleschDi 13.2.07, 16:28 | i muess glaub au wideremol min sänf derzue geh...  :so wie ich das do beobachtet han, gohts i däm topic mittlerwiile eher um d vermischig vode verschiedene kulture (kulturkreis). i bi scho dr meinig, dass d schwyz e kultur hed (entgegen arcadefire), allerdings isch die längschtens (ned) nümm so stark verwurzlet wie z.b. im arabische ruhm. und dr bezug zu unserer kultur nimmt au immer mehr ab. das hed abr miner erachtens ned (odr eher wenig) mit de igwanderete andere kulture ztue, sondern mit dr globale entwicklig vode letschte joorzähnt. vor einige joorzähnt isch sone kulturelli vermischig ganz eifach gar ned möglich gsi, will: hüt chame ganz easy und rel. günschtig (es isch scho fascht für jede möglich) vo eim punkt vor ärde zum andere. iwanderig isch folglich sehr viel eifacher möglich, e vermischig vo kulture vorprogrammiert. wo greist wird, wird vermischt. zudäm spielt natürlich dr färnseh, s internet (generell d medie) e wichtigi rolle!! vor ned allzu langer zyt hed doch kei schwanz öpis über tibet, afrika, etc. gwüsst! d vermittlig vo andere kulture isch friener gar ned so möglich gsi! us all dene gründ find ichs unsinnig, e multi-kulti-gsellschaft verhindere z wölle. d rahmebedingige hän sich im verglich zu friener gänderet! es git auto, flugzüg, färnseh, internet. hey, wenn me die alti mono-kultur wött bewahre, denn muess me all die inovatione widr abschaffe!!! me cha ned en status quo bewahre, wenn sich dr mensch (odr sage mr technik und domit sini möglichkeite) witerentwicklet, das goht eifach ned! e kultur isch immer au e abbildig vode mensche und ihrne möglichkeite! das wäri mini meinig. p.s.: @löwedesnordens: wenn du d grüsch vo chueglocke so heimisch findisch: vor 7000 joor heds ir schwyz no kei chüe geh. die chöme usem arabische ruum (syrie, irak, türkey). und wohrschinlich hed sich dr mesolithisch (=mittelsteinzeitlicher) mensch vor 7000 joor gseit: cool, es neus viech usem oschte, isch zwar ned heimisch und au ned us minere kultur, abr hey, das nämme mir (und wenn är das nämlich ned gseit hätt, hätte mir jez kei chüe ir schwyz  |
| SnouhousiiDi 13.2.07, 16:37 | wieso heisst s denn chueschwiizer?? übrigens hani au eher e rächti istellig, aber es wär mir nie im läbe in sinn cho en rudolf käller zwehle... das isch asichtssach i weiss, aber dä gseit jetzt so drnäbe us uf däm foti, wine alki... und allgemein isch mir d sd mit ihrne doofe schwarze klääber an jeder strooselampe nid sehr sympathisch! |
| MaleschDi 13.2.07, 16:43 | es heisst chueschwyzer, will das mittlerwiile zur "kultur" vor schwyz ghört. i ha demit eigentlich nur wölle sage, dass sich kulture au verändere chönne, und dass veränderige nüt neus, nüt schlimms und au nüt bsunders sin, und veränderige sin usserdäm mängisch halt au eifach ned z vermiide. und wasi vor sd halt, loh ich do lieber emol wäg, susch wird ich no verwarnt...   |
| TexanDudeDi 13.2.07, 16:55 | Es god au nit um das... es god drum das gwüssi Kulture nit gnueg entwicklet sin zum eusi westlichi Ideologie mit Freiheit und Demokratie zverstoh... meh mues verhindere das durch eusi Toleranz zuviel Mensche iwandere wo kei Verständnis für die Toleranz ufbringe und irgendwenn e Bedrohig darstelle für dFreiheit...deshalb Päss mit Testphase, so chame Lüt wo sich als nit apassigs wilig oder fähig erwise useschmeisse... und eine wo sich mit dem cha identifiziere söt jo au kei Angst ha dr Pass zverliere will mren dem nit wäg nämä... das isch lediglich e Schutz vo euserer Gsellschaft und Istellig im Weste... PS: Recht dreist mini Chüeli mit dem Islam zvergliche... das si jo zweierlei Ding... USERDEM hani gseit ChueGLOCKE lüte... also muesch di nit ufd Küeh bezieh sondern ufd Gschicht vo dr Glocke  |
| MaleschDi 13.2.07, 17:13 | "es god drum das gwüssi Kulture nit gnueg entwicklet sin zum eusi westlichi Ideologie mit Freiheit und Demokratie zverstoh... " Das findi allerdings e seeehr e heikli Ussag!! Das hed nüt mit gnueg entwicklet o.ä. ztue!! Die andere Kulture sin ned weniger entwicklet oder rückständig, sondern ANDERS entwicklet! Jedi Kultur hed anderi Schwerpünkt, anderi Traditione und anderi Wärt. Das isch au das, was e Kultur usmacht. "Unseri" Kultur leit z.B. viel Wärt uf Demokratie (wobi das längschtens ned allne Staate au glingt..). Im arabische Ruhm biespielswiis wäris tatsächlich schwiirig, unseri Idee wölle z verwirkliche (siehe Irak...). Das isch scho eso. Abr das isch NED, will sie weniger entwicklet sin, sondern will sie anderi Wärt hän. Bi arabische Staate chasch z.B. d Politik chum vor Religion trenne (das wird bi uns ir CH fascht strikte gmacht). Zudäm spielt dr Clan, die verschiedene Familie e viel e grösseri Rolle als do (das chöne mir uns fascht ned vorstelle). Das sin beides zwei kulturelli Schwerpünkt. E Staatssystem wie mir hän, isch ned eins zu eins übertragbar. Und das hed nüt mit Entwicklig z'tue, sondern mit Tradition, Kultur und Vergangeheit. Dini Ussag dönt eso, als wäri d Schwyz ar Spitze vor gsellschaftliche Entwicklig.. Und das wog ich z bezwiefle. p.s.: Alles klar! wohär d Glogge chöme, weissi ned abr d Chüe chöme wirklich vo dört! |
| heimdallDi 13.2.07, 18:45 | aso wenn mers ganz krass würd welle neh, s chrischtetum mit de chilleglogge isch au im nahe oste entstande... |
| MaleschDi 13.2.07, 19:45 | s Chrischtetum jo, d Glogge meines Wissens ned (Glogge ufem Chilleturm isch zu Beginn no ned üblich gsi, soviel ich weiss, cha mi abr au irre). Abr i glaub, das isch au egal |
| TexanDudeMi 14.2.07, 15:48 | Die ersti Glocke chunt us Italie im 6.Jahrhundert n.Chr. ALSO EUROPÄISCH Aber du hesch scho Recht Malesch, ich mein natürlich das wo du seisch... aber es klappt halt nit wen Lüt us andere Kulturkreise do Iwandere und me nurs Kriterium an die stellt Sprch zchöne und e Arbet zha und vilicht no im örtliche Fuessballklub mitzschüttele so wie das hüte bi dr Ibürgerig üblich isch... deshalb nomol, es brucht e Pass uf Probe... und wende wieder forne lisisch hani gseit es god um Tradition und Kultur und genau das ischs Problem, dIwanderer chöme wegem Geld und nit wäg eusere Kultur (wens do kei Geld het oder si Geld und Arbet bi sich würd chum öper cho) und drum integriere si sich nit, wilsi nit mitem Ziel do sin Schwyzer bzw. Europäer zwerde sondern wilsi Wohlstand sueche... aber die Lüt wei Türke, Araber, Afrikaner etc. bliebe und das füehrt automatisch zu Konflikt mit dene wo scho lang do lebe und das als Bedrohig für eusi Lebensart und Kultur erachte wie au für eusi Wert... PS: Ich wär übrigens genau glich, ich würd mi überhaupt nit apasse in Arabie oder so... ich wär viel zstolz uf mini Wurzle und mi Herkunft und würds als Demüetigung uffasse mich erä andere Kultur unterzordne... (au e Grund fürd Angst vor fremde Kulture, dAngst eines Tages als Europäer in dr Minderheit zsi und sich azpasse müese im eigene Land)... dSproch würdi scho lerne und mich noch use nett und hilfsbereit geh, aber integriere isch das nit... deshalb würd ich nie Uswandere, selbst wens dr Schwyz mol nüm so guet god... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©