Festzeit.ch Forum » Sonstiges » Vorurteile gegenüber Städtler und Ländler, was denkst du??
| Autor | Beitrag 1 - 15 |
|---|---|
| raizDi 6.2.07, 22:36 | Mi kolleg und ich, hei in dere Wuche grad e Projäktarbet z erledige.. Drum hei mr mol öbis usgsuecht, wo chli schwirig isch, aber jede comment isch natürli willkomme.. die meischte kenne das doch, "jä jää die Städtler oder halt ebe die Ländler".. Isch nur emol e Gedankekick, mir wei halt luege wie verschweisst die beide Basel si oder halt ebe au nit.. danke euch im vorrus für euchi Mithilf. |
| ButtersDi 6.2.07, 22:44 | Dä Spruch isch mr bis jetzt ehrlich gsäit no nie untercho. Die meischte wonni kenn wohne gar nit in dr Stadt. Unterschiid zwüsche Stadt und Land entdeck i eigentlich nur an dr Fasnacht.  |
| raizDi 6.2.07, 22:49 | hehe und wie isch döt dä Unterschid z erkenne?? |
| UrichDi 6.2.07, 22:57 | uf ehm land wird meh gsoffe, und intensiver gfirret |
| ButtersDi 6.2.07, 22:57 | Tja. D Fasnacht ufem Land kunnt mr äfach vor wie e nätt verpackts Besäufnis (a däm i im übrige immer gärn teilnimm ). D Basler Fasnacht isch zwar nit weniger e Besäufnis aber döt blitzt drzue immer Kultur und Tradition duure. An dr Fasnacht ufem Land kanni nichts dergleichen erkenne, jedefalls nit so uprägt wie in dr Stadt. |
| UrichDi 6.2.07, 22:59 | hallo? mr hei ammel au richtig ordentlichi umzüg, mit über 10000 bsuecher.... (das imene dorf wo nur knapp 9000 wohne  |
| ButtersDi 6.2.07, 23:01 | Scho klar, aber ebbe es dunggt mi nit so usprägt wie bi de "drey scheenschte Dääg". Isch jo au kä stiff und fest Behauptig sondern meh e Idruck. |
| UrichDi 6.2.07, 23:02 | scho guet  |
| FabolosoDi 6.2.07, 23:31 | was haltet den dir vo Städter oder Ländler...?! gits süscht no Unterschied ussert d'Fasnacht?! |
| 00000000000000000Mi 7.2.07, 01:11 | Naja, Ländler sind wohl im Schnitt weniger oberflächlich, weniger eitel und zum teil (ich weiss, ich mach mich jetzt unbeliebt) zimmli schlächt azoge Usserdäm gits viel mehr Patriotismus und klibürgerlichkeit ufem Land. Also das isch min Idruck und mini Erfahrig. |
| PiaMi 7.2.07, 01:24 | Vorurteil: Ländler: eher politisch rächts orientiert, konservativer Städtler: eher politisch links orientiert, offener |
| 00000000000000000Mi 7.2.07, 01:31 | unbegründet? |
| RheinPiratMi 7.2.07, 01:46 | i stimm dr pia zue - nur das d'ländler konservativer sötte sii stimmt nid |
| checcaMi 7.2.07, 08:26 | hehe wo ich mol ganz früehner e kolleg bsuecht ha uf em land simmer heimlich go rauche (sini idee) und was hets gheisse?...notürlich, jetzt isch eimol eine us dr stadt do und mi kind foht afo rauche^^ dä isch dr geilscht gseh ich gang in lietsch in d schuel und wohn in basel...mi lerer lacht die ganz zit wennn i wider mol so öbis typisch baseldütsches uselos... die ufem land mache anderscht usgang wie die in dr stadt oder z.T. au gar kein.... d ländler händ au öfters irgendwie e sport wo si regelmässig tribe... si händ oft früehner autos wie basler (halt ab 18^^)... d ländler ässe oft sogar besser...aber nid immer ka was es no so git...si zahle weniger stüüre *g* |
| finelineMi 7.2.07, 08:46 | De maurice bringts zimmli uff de Punkt. Y bi jetzt 7 Joor lang in Klasse gange wo gmischt gsi sind, Basler (+Agglomeration), Baselbieter und Fricktaler. Und irgendwie stoot scho fescht, je witters ins Land iine goot, desto krasser wärde d'Unterschiid. Uff em Land verstosch eifach öppis anders unter feste wie in dr Stadt. Während me in dr Stadt me in e Disco, Kino oder öppis goot, gönd vill uff em Land an e Guggefescht. (Ych ha beides gärn )Die politischi Iistellig... hmmm isch schwer zum iischätze ohni z'schubladisiere. Aber es isch irgendwie scho so, dass je witter dass es ihne goot, desto rächter wirds. Und je meh me richtig Stadt goot, desto Linker. Ich mein, das gset me jo scho in de Statistike. Ych dänk uff em Land isch s'umfäld au völlig anders. Irgendwie isch me als Jugendliche völlig uff si Dorf und die rundumme Fixiert und cha nid witter use, will keine vo de kollege es auto hett... aber das änderet sich denn au widr, sobald de erschti cha auto fahre. Naja, ich persönlich chönnt glaub nid witter usse als Agglomeration wohne. Mir isch Liestel jo scho zwiit usse Aber das isch mini persönlichi Iistellig. Ich finds cool, dass ichs noch zur Stadt ha, dass ich trotzdäm schnäll neume bi woni rueh ha usw. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©