Festzeit.ch Forum » Politik / Religion » Militär: Ja oder Nein?
| Autor | Beitrag 136 - 150 |
|---|---|
| MMVBlerSo 3.12.06, 18:52 | E Bruefsarmee würd eus 4 - 5 Milliarde mehr koschte...  Viel z'tüür für eus! |
| WELTFRIEDENSTIFTERDo 7.12.06, 23:02 | Ich ha jetzt do nüd duregläse und chömed mir nid mit vowäge ich sig z jung zum über das thema e eigeni meinig z ha... die meinig wirdi mis läbe lang verträte versueche... Militär isch d grundlag vom Krieg... döt wird me usbildet, z töte... und für was? zum sich chöne wehre.. Vo de andere Armee... Heisst: gäbs kei Militär wär d Kriegschance einiges kleiner... Also ich ha kei Bock z lerne wie ich Mensche töte cha will ich so oder so nie mache wird also cha mir s militär am arsch läcke... Für anderi isätz wie im wald helfe oder so isches widerum nützlich.. 1 mal bearbeitet, zuletzt Do 7.12.06, 23:15 |
| kevSo 10.12.06, 00:20 | junge Pentagon: S Einzig wo mir in dr schwiz nit gfallt isch d Politik (namentlich Rechti wie de Blocher), dasses kei meer het und dasses e wehrpflicht git!!! und es wird emel au no mitere bruefsarmee gnueg type gäh wo d rs würde mache. die selle go. aber die wo nit wei wurum willsch die derzue zwinge? |
| MMVBlerSo 10.12.06, 04:51 |  1 mal bearbeitet, zuletzt So 10.12.06, 04:56 |
| Dome85So 10.12.06, 14:05 | bi mä brufs militär isch eifach s problem das am schluss nume no die als soldate s militär mache wo in dr freiebrufswirtschaft kei chnace hei, also so zsäge dr abschum... di wo wei smilitär mache und au dr zu geigneit sind möche jo witer... aber dr grösst teil vo dä lüt bruchts halt als soldate.... |
| MaleschDo 14.12.06, 13:07 | aaalso:wän mr unser sänf doch auno derzue geh: d schwyz brucht kei armee, odr zumindescht ned eini wie die!! d bedrohig vo hüt isch primär nüm, dass die böse russe, chinese odr dütsche (odr gar die böse araber) wänn bi uns iwandere, will sie die unheimlich viele rohstoff und s ärdöl, wo d schwyz in masse hed, wänd ha (eine leichte prise ironie), sondern dr terrorismus. nur: mitere armee bekämpft me kei terrorismus (siehe parade-beispiel usa...) terrorismus basiert ufeme problem, wome mit militär NED löse cha (terrosismus berueht uf hass, dä berueht of differänze, die beruehe uf unwüsseheit, uf dr soziale kluft wältwit und uf vergangene missgschick u.ä.). also, die modärn bedrohig füre land isch ned mitem militär lösbar. und was dr vylgerühmte katastrophe-schutz abelangt: für das wär e spezialisierti katastrophe-schutz-organisation besser geignet als s militär. für das brucht me kei panzer, kei flinte, kei flugabwehr (nützt au bime meteorit nüt  und au kei verblödeti kadermitglieder, wo mit ihrer militärische position nur irgendwelchi minderwärigkeitskompläx u.ä. wänd kaschiere. do wäri no d frog, ob d RS us weicheier männer macht:naja, sage mir mol so: blödi männer macht sie no blöder, generell wird glehrt, wie me möglichscht ned kritisch dänkt, nüt hinterfrogt, ned sälber mitdänkt und vorschläg macht und wie me sis hirn am beschte durch grossi eier erstetzt. also genau alles, was e guet funktionierendi demokratie brucht, um wiederemol uf das thema z cho (ir schwyz gits jo no gnueg sache, wome sich sött drum kümmere, hani vernoh, das wäri jez öpis, abr mit grosse militär-eier blibt me do eher am erschte hinderniss hänge..) so, das wäri min sänf gsi, wünsch no allne en schöne tag, de militärgeile supermänner viel spass mit ihrne eier; und allne andere: gniesset s läbe (und schmieret euch kei tarnfarb ins gsicht, susch gseht me euch ned). |
| MythINCDi 19.12.06, 09:53 | Ich selber muess nit ins Militär, ich muess zahle  , aber neb allne negative Sache gseh ich au positivi. Also uf menschlicher Ebeni: ich han scho bi viellne ghört und das isch jo allgemein bekannt, dass die Fründschafte usem Militär oftmals sehr gueti sind. Zum zweite, Militär isch e gratis Fitnesscenter, bechunsch sogar no e Minilohn pro Tag. Witerhin lernt me innere Gruppe zsie und mitenand z schaffe. Militär = Krieg? Naja, hüt zu Tag isches jo kei Problem meh waffelose Dienst zmache, hani ich mir damals au überlegt.Was ich mir scho immer denkt han, wenn doch alli Fraue nach Glichberechtigung schreie, ich bi defür, dass au Fraue Zivi oder Militär mache miestet (aber da d Schwiez jo nit so viel Lüt bruchet, würdet die meiste jo eh in de Rekrutierig usegheie - wie ich). Mol im ernst, alles was ich do obe gnennt han, isch sicher nit schlecht für die Fraue. Nur no zum klarstelle, ich bi kei klare Beführworter vom Militär, ich find numme, dass Ussage wie "Militär isch d Grundlag vom Krieg" echli zwenig wit richtig Horizont gluegt isch. Bi uns fungiert s Militär nit als Kriegsmittel, eher Katastrophehilf (au in andere Länder) usw. . |
| finelineDi 19.12.06, 10:08 | Momentan sind öppe 10 kollege vo mir in dr RS... Jemmers Nei, was die mir alles verzelle. Do bini no so froh, dass ich UT bi. Jo jetzt moll luege, öb ich in Zivilschutz cha. Wär sicher no luschtig. |
| DylanDi 19.12.06, 10:11 | ich wird mi uf jede fall für zivildienst entscheide |
| MythINCDi 19.12.06, 10:37 | Jo ok, in de Rekrutierig bin ich in dere Gruppe gsi wo scho am erste Tag gjublet het, will sie und ufgruefe hend, dass mr UT sind (ich wött nit wüssi was das für es gfühl gsi wär, wenn min Name nit ufgruefe worde wär  ) Also i bi scho froh, dass ich nit sinnlos dure Dreck muess chrüche und all 24 Stund 4 Stund ins Bett dörf liegge. Die Disziplinsache und "wie schnell bruche mer bis d Rekrute uf allne vier chrüche vor erschöpfig" bruch ich nit - ich bi e Büromensch, Sofatier oder wie au immeraber ebbe, militär het au guets (solang ich nit muess goh  ) |
| timmyDi 19.12.06, 11:21 | ich gang ins militär...ha mir eifach gseit ich gib mr nit bsunders mieh abr mach au nit extra nüt...halt eifach ganz normal. jo, den händ si mi hald gnoh und i bi jetzt in klote Richtstrahlpionier. am 2. Juli dörfi ihrucke...und willi nüt überleckt ha, hani leider dä tescht z guet usgfüllt und hamr schone kaderermpfähli ihghandlet. mol luege wieni mi do kha usewinde |
| MMVBlerDi 19.12.06, 18:26 | @timmy: Nur will e Kaderempfehlig hesch, heisst das no nüt... Es chunt den au immer no uf d'Gspröch a afangs RS und eb du willsch bzw. eb si di dört au als zuekünftige Kader gsehn. Also, kei Panik. @fineline: Wenn "Gschichtli" us em Militär verzellt wärde, chame tendenziell öppe 30 - 50 % vo däm abzieh und den het mä d'Wohrheit... Es wird meischtens heisser gässe als es isch...! Schliesslich will jo keine als Weichei dostoh vor dä Kollege und als Zuehörer kennt mä diä jewilige Vorgschichte jo ame au nid... |
| EdHardyDi 19.12.06, 19:26 | dr kaderempfähligstescht isch eh e witz. genau wie de multiple choice pyche-tescht. 3 mol d frog ob de scho an selbstmord dänkt hesch.... |
| NikoooMi 27.12.06, 16:37 | also ich mach momentan d RS... und ich kas eifach nit verstoh, wieso alli UNBEDINGT nit ins militär go wänd, da es im grunde gno gar nüt schlimms isch. Du bekunnsch lohn, ässe, es dach überm kopf, dir isch nie langwilig, lernsch neui mensche kenne, muesch kei versicherig zahle und körperlich asträngend isch es au vooooll nit... |
| MaleschMi 27.12.06, 16:45 | @niemand: Ich find s militär ned scheisse, will ich d RS en schrott gfunde han (ok, ich han d RS scho en schrott gfunde, abr ned wills irgendwie asträngend gsi isch o.ä.) sondern wäg dr idee dehinter. und in dere diskussion gohts glaub au ned drum, ob militär mache en stress isch, sondern, obs das brucht oder ned. und do isch mini meinig ganz klar: NEI! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©