Festzeit.ch Forum » Politik / Religion » Militär: Ja oder Nein?
| Autor | Beitrag 16 - 30 |
|---|---|
| tschugileDo 6.10.05, 17:14 | @immo: herrlichi Ussichte.. !  @all: ich find e Armee sehr guet in Bezug uf Katastropheisätz odr hoffentlich nur vilicht bald folgendi Terroranschläg, aber wär nid e Reduzierig ufe stehends Heer vo Vorteil anstatt alli d RS mache zlo ? |
| immortalkingDo 6.10.05, 17:16 | alli Rs mache hmm d sach isch idr inenerschweiz machet me gern Armee in arnde kanton bechunsch teils sogar mehr lohn wenn de in dr armee kader bisch nur in basel seht mes nit gern. in de meiste kantön goht minidstens jede 2 ind armee ohni problem basel hingege isch dr einzig kanton wo vo 5 junge 1 ind armee goht... s gsamtbild vodr armee isch SEHR guet idr schweiz, wenn me nur d baslersicht betrachtet chönt me meine es sich schlecht abr das stimmt ebe nit |
| bubuDo 6.10.05, 17:17 | Was sicher mol züberdänke wär, öpses würd bringe e bruefsarmee ufd bei zstelle! gäbt au do wieder vor- und nochteil! |
| tschugileDo 6.10.05, 17:17 | aight Bubu |
| oSomeONEoooDo 6.10.05, 20:35 | also i wär für e abschaffig vo dr armee. 1. gits nur koschte wäge nüt und 2. wär bedroht uns scho? niemerds. dr letschti grossi isatz vo dr schwizer armee isch fascht 100 joor här: generalstreik, wo d truppe in gänf igriffe händ. döt het d schwizer armee s letscht mol aktiv gschosse. sit denn verbrucht d armee nur ziit und gäld. armee hingäge im isatz bi katastrophe (unwätter, etc.) findi guet. aber für das muess nit jede schwizer jedes joor ins militär. |
| looraDo 6.10.05, 22:12 | gib dr voll rächt tamilicious! für was brucht d'schwiz scho e armee?wenn eus öper will agriffe, denn cha eusi armee d'schwiz jo soderso nid verteidige...warum also sovill gäld in so öpis sinnloses investiere? warum bi dr bildig spare, wenn me s'gäld doch eigentlich hätt...?? jo, es isch wirklich guet, dass mir bi katastrophe lüt hän, wo gön go hälfe...abr müesse die unterem name armee dört ane? i finds eifach au absolut lächerlich lüt bizbringe, wie me anderi lüt cha umbringe....isch eigentlich sehr trurig, dass mir so öpis nötig hän...und wer jemols gschichtsunterricht gha het, sött doch glernt ha, dass dr krieg öpis total sinnloses isch, wo nur menscheläbe chostet, abr glich zu nüd füehrt.... |
| NapoleonDo 6.10.05, 22:15 | @tamicilous Du vergissisch dr 1. und 2. WK. Dört isch die gsamti Schwiizer Armee mobilisiert worde, um d Gränze z bewache. S isch au zu Schusswäxel cho. Dazumals isch d Schwiizer Armee vo ernormer Bedütig gse, für d Abschreckig (do het mes sich zweimoll überleggt, d CH azgriffe. Jedoch muess me sich absolut im Klare si, dass d Schwiizer Armee KEI CHANCE gha hätt gege d Armee vo Nazidütschland. Kei Chance). Für mi brucht d CH-Armee eifach zvill Gäld (au wenns im Verglych zu de räschdliche Usgobe e chline Deil isch). I bi für d Abschaffig vo dr CH-Milizarmee und für d Yfüehrig von ere chline Bruefsarmee mit höchschdens 40'000 Bruefssoldate - nach em Vorbild vo Öschdrich. Die chlini Bruefsarmee söll vorallem für Friedenserhaltendi (internationali) Ysätz dänkt si, und für s Hälfe bi Katastrophene, sowie dr Ruumbewachig und allefalls als Unterstützig für d Polizeichreft. So isch gwehrleischded, dass numme die ins Militär müessde, wos wänd (e chlini zrächtbiegig vo dr verletzte Demokratie). Usserdäm wär so ne chlini Bruefsarmee professioneller, also flexibler, schnäller ysetzbar und allgemein besser koordinierbar. Zu allem ane wäre d Soldate au besser usbildet, resp. hätte mehr Routine. 1 mal bearbeitet, zuletzt Do 6.10.05, 22:19 |
| WäberFr 7.10.05, 07:52 | @ napoleon, nit schlächt dini asichte vo bruefsarmee, wirklich nit schlächt... numme s problem binere bruefsarmee isch, dass me au söttigi mues finde, wo das gärn würde mache und vor allem mien die au bitz qualifiziert si... und wenn me die wott alocke bruechts au widr gnueg gäld, wüsst nit öb das denn gsamthaft vill billiger würd cho als jetzt, weisses abr nit!! und für die internationale isätz bini au nit wirklich... würd sage d schwiiz söll zerscht mol für sich luege, do gits au jedes joor widr überschwemmige etc., internationali isätz choschte numme widr gäld und gföhrlich isch es je nach däm au no... |
| bubuFr 7.10.05, 07:59 | E Bruefsarmee isch sicher au nid grad e günschtigi lösig! Zuedäm cha gwüssne d'RS nid schade! Denn sehnd si mol öb si würkli "männer" sind und überhaupt Eier händ... Internationali ihsätz tönt uf dr erschti augeblick nid schlächt, nur sött d'CH würkli zerscht für sich luege! sgit (no) zu grossi lückene bi uns wo mit dr armee chönnte gstopft wärde (vermehrti ihsätz in dr personesicherig etc...). Klar, au das choschtet gäld! aber i bi dennoch überzügt das sgäld für das vorhande wäri! d'CH gits halt eifach für anders us wo mir kei ahnig händ wos ahnefliesst... |
| NapoleonFr 7.10.05, 09:22 | I find, we me e Militär het, und Milliarde für das usgitt, sött mes au bruuche --> sich an internationale friedenserhaltende Missione bedeilige. Wahnsinnig vill meh Zuäsätzchoschde sind das au nit, im Verglych zu de Usgobe wo me sowiso scho macht, und usserdämm wärs sehr sinnvoll. Wenn denn sött e Katastrophe in dr Schwiiz bassiere, hätte mir immr no gnueg Armeeaghörigi im Land, UND dr Zivilschutz. @Bubu Also ehrlich, d RS brucht me nit, um e Maa z wärde. Und s git au vill Lüt, wellne d RS gschadet het, und nit umgekehrt. @Wäber Glaub mer, s gäbti gnueg wo als Bruefssoldat würde welle schaffe.  I kenn e bar.Abr, hesch rächt, wäsentlich billiger würd e Bruefsarmee nit wärde, aber e bitzli sichr. Abr, mir gohts jo au nit in erschder Linie um e Schdutz (isch mer abr au e wichtigs Aliege). Zitat vom Wäber:"und für die internationale isätz bini au nit wirklich... würd sage d schwiiz söll zerscht mol für sich luege, do gits au jedes joor widr überschwemmige etc., internationali isätz choschte numme widr gäld und gföhrlich isch es je nach däm au no..." Hehe, du bisch guet, nadürlich chönnte so Ysätz gföhrlich si, abr hey, was verlangsch denn, s isch jo schliesslich s Militär!! Usserdämm: d Schwiiz söll nit numme für sich luege, sondern sich international bedeilige, schliesslich sitze mir ALLI im glyche Boot. |
| WäberFr 7.10.05, 09:27 | @ napoleon, gits lüüt wo d rs gschadet het, das hani jetzt au no nie ghört, glaub das het jedem mol guet do, abr hüt goht jo eh fascht keine meh ins militär, will me sich so logger cha drugge!! |
| proosFr 7.10.05, 09:29 | militär isch hald nüt für schwüpis...dorum drugge sich so viiel in dr schwiiz...het hald nur no schwüppis...!! diä harte siäche gönd ins militär und kraze sich dr arsch uf...!! gäll immortalking...!! |
| bubuFr 7.10.05, 09:30 | genau... GO 4 UOS  |
| PuReSoULFr 7.10.05, 09:30 | "schwüppis" schöne usdruck! hehe |
| bubuFr 7.10.05, 09:34 | jo aber he Meleli: sisch doch so..! sisch druurig wieviel "weicheier" (ebe ohni Eier) es fangs git... Würkli frogwürdig! |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©