Festzeit.ch Forum » Politik / Religion » Militär: Ja oder Nein?
| Autor | Beitrag 46 - 60 |
|---|---|
| NapoleonFr 7.10.05, 14:04 | Zitat vom proos: "militär isch hald nüt für schwüpis...dorum drugge sich so viiel in dr schwiiz...het hald nur no schwüppis...!! diä harte siäche gönd ins militär und kraze sich dr arsch uf...!! gäll immortalking...!!" Hey nei, vergiss das widdr, das isch e luschdigs Klische, und nüt anders. Eifach lächerlich, dass me meint, dass numme harti Sieche ins Militär gönge oders durehalte chönne. Lächerlich, hehe, muess würklich lache.  Me isch voranne genauso e Maa wie nachanne, d RS änderet do nüt. Und: was isch scho e "richtige Maa"? Öhm, i weiss es nit. Usserdämm: i kenn e bar wo Zivilschutz oder gar Zivildiensch gmacht hei, nit numme us Überzügig, sondern au us gsundheitliche Gründ (Asthma), und das sind au alles Männer, und keini "Schwüppis" (was das au immr isch). 1 mal bearbeitet, zuletzt Fr 7.10.05, 14:04 |
| WäberFr 7.10.05, 14:06 | Was hesch denn du gmacht napoleon?? |
| NapoleonFr 7.10.05, 14:09 | Ha no kei Staatsdienschd gleischded, ha d Ushebig erschd im Okt. |
| inflamesFr 7.10.05, 14:23 | ich denk do genau gliich wie dr napoleon welli selber in dere situation bi das ich sehr woorschiinlich kei militärdienscht wird leischte! bi mir isches eifach so das ich wenn alles klappt negscht joor fürs gschäft cha es joor uff australie oder neu seeland go schaffe und denn würd ichs militär nid mache welli find das mer es joor neume anders vill vill mehr bringt wie do go ummehopse und go staatsgälder go verpumpe! |
| WäberFr 7.10.05, 14:30 | @ inflames, dir isch scho klar, dass me d rs cha oder mues bis 25 mache!!?? |
| inflamesFr 7.10.05, 14:31 | jo denk aber wenni will ins ussland go denn muesi e 3 joores vertrag unterschriibe und mi im gschäft verpflichte dasi nid ins militär gang...und im übrige isch das schiins vom militär uss kei verschiebegrund wells nümm zur ussbildig ghört! 1 mal bearbeitet, zuletzt Fr 7.10.05, 14:32 |
| WäberFr 7.10.05, 14:33 | hmm, do chönntsch no rächt ha, denn miestisch abr eine uff psycho macheo dr so an dr ushebig!!??  |
| atlusFr 7.10.05, 14:47 | Also ich find s'System vonere Milizarmee s'beschte vos git. Well sunnscht kömme nur ins Militär die Lüt wo a. Kai anderi Jobmöglichkeit hän (Me seht das an der Us-Armee) b. söttige wo schiesse eifach geil finde Dorum isch es verantwortigslos wemme d Milizarmee würd abschaffe. Hingege bin ich au dr èberzügig das sich s'Militär uf die falsche Ufgoobe konzentriert. Was um himmelswille hett den d'Schwyyz in Kosovo verlore??? Und denne erscht no unbewaffnet damit si neutral sin, das isch jo lächerlich. Ich find au das me in dr Zuekunft Panzerikäuf und söttige Sache sött unerloh, den wenn uns d Franzose, Dütsche oder d Italiener agriffe, verliere mir de Kampf wohrschinlich ee. Mir sötte halt me sone Uusbildig für Untergrundkämpfer beko! Me nennt das au Assymetrischi Kreigsfierig und das isch im Grundgno nüd anders als so ne Art Wiederstandskämpfer im Irak oder Palästina. Und aber me sött sich halt doch ebe au uf Hilf für Katastrophe Isätz konzentriere, Ich find aber au no das d'Fraue Armeepflichtig sötte werde, wäge dr Glyychberechtigung  |
| NapoleonFr 7.10.05, 14:55 | @Atlus Wieso sött d Abschaffig vo dr Miliz "verantwortigslos" si? I finds verantwortigsloser, jede ins Militär z schicke, au die wo nit wänd. Öbbis mache z müesse, wo me nit will, bewegt eim bald emoll zum ene legère Umgang mit dr ganze Situation, oder zun ere Frustration. Söttigi Lüt sind doch wäsentlich gföhrlicher als Lüt, wo eifach gärn schiesse.  |
| inflamesFr 7.10.05, 15:09 | @wäber: nene imfall voll nid, wenn du seisch du willsch nid well de dr sinn nid gsehsch denn muesch nid go, isch bi es paarne kollege so gsi wo au ins ussland wän, si hän eh z vill lüüt im moment dr dj sumse cha es liedli drvo singe, dä hän si eifach es halbs joor spöter uffbotte... |
| WäberFr 7.10.05, 15:10 | hehe, abr denn dörfsch drfür bläche, für das wo de sinnlos findisch, das isch au bitz doof odr nit!??? |
| atlusFr 7.10.05, 15:18 | Jä aber Napoleon was findisch denn sinnlos? Du kasch jo au Koch werde wenn kai Waffe trage willsch? Du kasch Bruggebauer werde!! Du kasch jo au Funker werde... Du könntisch in d Verwaltig go.. Spionageabwehr... Oder sunnscht masch eine uf Ut und kasch Zvilischutz oder Zivildienscht. Also ich find das sehr sinnvoll, denn du masch denn öbis für d Gsellschaft. |
| NapoleonFr 7.10.05, 15:20 | Was het das mit dr Verantwortigslosigkeit ztue, we me d Miliz abschafft? Gseh dr Zämmehang immr nonig. Schbrichsch du dr waffelosi Dienschd a? I ha nit vo dene Lüt gschbroche, won e Allergie uf Waffe hei, sondern vo dene Lüt, wo eifach kei Bock ufs Militär hei. |
| WäberFr 7.10.05, 15:21 | denn sin das abr extrem fuuli sieche und söttigi wo sich das nit chönne zuemuete!! |
| NapoleonFr 7.10.05, 15:22 | Zitat Wäber: "denn sin das abr extrem fuuli sieche und söttigi wo sich das nit chönne zuemuete!!" Vo wem redsch du? |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©