Festzeit.ch Forum » Politik / Religion » An alle nicht-religiöse: Wieso glaubt ihr nicht an Gott?????
| Autor | Beitrag 166 - 180 |
|---|---|
| BloodyMi 4.4.07, 19:36 | ich finds ehrlich, toll wenn me önis het an das me ka glaube,abr ich kann das nit..es isch mir eifach zu unrealistisch.. abr genau so komisch findi die vorstellig das irgendwen eifach alli liechter usgön und jo das eifach nüt me isch..abr ob da so isch wirdi au erst erfahre weni stirb.. |
| JörgMi 4.4.07, 19:58 | @ oOKittyOo Ich glaub ich weiss was du meinsch mit, dass öppis über dis schicksal bestimmt. Ich kenn das. Ich ha z.B. mega viel Déjà-vu wo i irgendwie merk, das ha ich schomol erlebt. Me cha denn nid genau säge öb das würkli stimmt. Es isch meh sones Gfühl wo zeigt: Jawohl ich kenn das und has vilicht schomol erlebt, treumt oder irgendöppis. Das isch mir bis jetzt immer mit Zuekunftssache passiert. Öppis wo me dänkt das passiert mir e nie und denn chunts genau wie mes gseh oder gspürt het oder eifach weiss. Nid funktioniere duets bi mir wenn ich bewusst versuech öppis usezfinde für spöter. z.B. wird ich morn e 6er im teschd ha oder irgendso öppis. Es isch komisch zum beschriebe aber ich weiss dass es das i mim läbe git und ha mi dra gwöhnt. früehner hani angschd vor dem gha wo ni gmerkt ha as das würkli passiert. |
| CitylightsMi 4.4.07, 21:56 | Religione sin an und für sich sowieso e Witz. Ich ha nüt gege alli wo glaube, ich ha sälber sicher gueti 8-10 Joor total im Glaube gläbt und für die wos stimmt sölls mr rächt sie das sie öbbis hän wone Trost git wenns schwär isch oder so... mi hets eifach avo störe das: - me nümme sälber dänkt, sprich sich "leite" loht. - me jo kei "Grund" het truurig z si oder so, will Gott/Allah/wär au immer, hilft dr jo immer und "vellicht" ischs jo dini ufgob....  - me dr Gott nit azwifle söll etc. Klar es isch(in alle Religione) e eigentlich tolle "Leitfade" es isch meistens e Stück erziehig drinne, wie me sich söll benä und so und ebbe gwüssne gits e tolle Halt im Läbe und sie stöhns drmit duure, ich aber nümme und es isch verdammt befreiend nit ständig dänke z miesse "ou shit das sötti aber nit mache" und so witer..... Öbbis anders wär d Intolleranz, alli sage "Mir wänn nur Liebe verbreite"(als Grundsatz zumindest) aber wieso gönn denne x-tuusig Christe uf Afrika go missioniere? denne lüt dörte gohts doch sowit guet mit ihrem "Waldgott" oder was sie au immer hän....wieso mien sie "unsere" Gott ha? so dasch mi teil gsi =P |
| BenutzernameXY19Do 5.4.07, 10:22 | wenn me an gott glaubt hett me nüt z verliere.abr an nüt glaube...-denn hesch glaub scho eher d'''arschkarte'' zoge |
| finelineDo 5.4.07, 10:56 | hey huesti, thumbs up... das isch jo das woni mein. vill probieres gar nid und sage eifach moll vo aafang aa "nei, das gitts nid". denn frogi mi: wiso nid probiere? Verliere chasch definitiv nütt. aber jo, das will leider de wenigste in kopf. isch irgendwie schad. |
| CitylightsDo 5.4.07, 19:19 | Jo super was bringts mr wenn kei ergäbnis kunnt? Ich has 8 Joor probiert und wehe du bisch emole hässig oder so und glaubsch es goht nit witer, alli sage das de witer mache muesch, jetzt erst rächt etc.(sofärn me lüt um sich het wo au glaube) Und doch findet irgendwenn jede das wo für ihn stimmt  |
| BenutzernameXY19Fr 6.4.07, 09:32 | soll i die ussag am schluss als guet odr schlecht interpretiere? |
| JimKnopfFr 6.4.07, 10:46 | immer die eeeewige diskusione um religione  es glaubt eeeh jede irgendöppis.. die einte an papscht, die andere ihre neue fernseh... schliesslich mues jede für sich glücklich wärde, nid? um das gohts doch schlussändlig. Mir riite do wieder mal nur uf Formalitäte umme. Wichtig isch doch das mr sich demit beschäftigt und us erkenntis lernt. (Mi Fernseh ich kaputt gange, damn! debi hani immer gmeint er sig unstärblich.. dä dräck!) so lernt me ebe isches nid so? 1 mal bearbeitet, zuletzt Fr 6.4.07, 10:47 |
| CitylightsFr 6.4.07, 13:31 | @Jimknopf: So isches, und jede sött em andere sini meinig aktzeptiere. @Hustlaboi: jo rot emole... |
| lapetitechanteuseFr 6.4.07, 17:45 | also ich galub ned an Gott...wüll ich das eifach unlogisch find...es het uns sicher ned eifach mol e typ "gmacht" und denn sind's soviel mensche worde. nei echt...ich glaub eifach ned dra...aber wenn anderi an Gott, Buddah oder Allah glaube...denn sölle si das doch...mir isch es egal...wenn si so besser läbe chönne...denn isch es okay für mich. Ich denk gwüssi persone bruche eifach e "Gott"...denn so fühle si sich sicherer. |
| StinsonFr 6.4.07, 17:46 | Gott wird durch de glaube vom Mensch erschaffen... |
| lapetitechanteuseFr 6.4.07, 17:52 | genau das won ich au mein. eifach e hilf zum "besser" läbe für gwüssi persone. |
| noxonFr 6.4.07, 19:09 | wenn me scho "GOTT" isch, muess me nümm glaube 1 mal bearbeitet, zuletzt Fr 6.4.07, 19:09 |
| dänäläFr 6.4.07, 20:35 | uhh, jetz hesch di aber wit usem fenschter glähnt babe!!! |
| gothbarbieFr 6.4.07, 20:36 | loool^^ dummheit het e Name  Ich find die ganzi Sach nid spannend, und es isch halt immer mit eme Zwang verbunde. Und uf des hän vieli kei Bock |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©