Festzeit.ch Forum » Sonstiges » Mit 12 schon auf Festzeit
| Autor | Beitrag 61 - 75 |
|---|---|
| TouchMeFr 16.3.07, 21:48 | ""Was könne anderi drfür, wenn du e uninformierts Kind gse bisch, wo nit mol die kargschti Allgemeinbildig het? "" was het das mit allgemeinbildig ztue? ö.O früehner hets internet ned für jederman ka und au ned jeder het eh pc ka. 1 mal bearbeitet, zuletzt Fr 16.3.07, 23:47 |
| MorriganSa 17.3.07, 18:20 | Vor 6 Johr han ich e PC gha und au gwüsst, was Internet isch (au wenn i zuegebenermasse keins gha ha, was aber wohl eher an mim zarte Alter vo 9 Johr gläge isch!) (und vor 6 Johr isch 'gothbarby' 12 gse  ). 1-2 Johr spöter het jedermann usser villicht 1-2 us minere Klass (18 Schieler) e PC gha und vo däne hän au 90% (mi igschlosse) Internet gha!Und sehnd mol i, dass ihr mindeschtens bis und mit 20 genauso zur hüttige Jugend ghöred wie jede 13-jährige! Und zum Wüsse, was Internet isch, brucht me weder sälber Internet no unbedingt e PC. Ich ha das scho mit 8 Johr gwüsst, und wenn me das zur gliche Zit mit 12 noni gwüsst het, zeigt das für mi scho e kleine aber feine Bildigslugge .Witerhin bereu ich kei Sekunde vo mim nternet-Dasein, usser villicht die Zit, wo i denn wirklig nur no vorm PC ghockt bi, das dürfti denn vllt vo 12-14 gse si. Aber au die Zit goht mol vrbi und eigentlig isch au die nit unbedingt schlächt gse, denn immerhin bin ich a) dehai blibe, ha also kei Seich gmacht b) Lüt us vrschiedene Länder kenneglernt c) Einiges an Allgemeinbildig mitkriegt (Internet isch halt doch e grossi Bildigsquelle) d) Won ich denn so mit 13, 14 mini Fore-Zit gha ha, han ich au glernt, einigermasse annehmbar diskutiere e) Durchs viele Schribe (vor allem in dene Fore, wo korräkti Rächtschribig sehr positiv uffallt und eim irgendwiehalt au an Glaubwürdigkeit zuesetzt) kann ich einersits sehr schnäll am PC schribe (10-Finger-System) und anderersits isches natürlig au e Iebig für Grammatik&Rächtschribig Also sehn ich nit i, warum me nit mit 12 söll s Internet benutze . Klar, die ganze halbnackte 12-jährige sin e Sach, woni au nit untersütz, aber wenn sie FZ nit hätte, würde sie s äntwäder bi meinbild mache oder sunsch irgendwie, das sin halt gwüssi Lüt... Anderi hän das nie nötig gha, hän s nit nötig und wärde s au nie nötig ha, und die würde s au nit weniger nötig ha, wenn sie kei FZ hätte bzw. hätte s denn halt 2 Johr spöter nötig...Ich verstand au nit, wie me sich so furchtbar ka ufrege über Aglägeheite vo andere bzw über die 'hüttigi Jugend' oder sone Schund...Ich ha dänggt, das tritt denn ggf. mol i, wenn me pensioniert isch und in sim Läbe nüt anders meh ztue het  ...Das ka euch jo egal si, erziehed euri Kinder halt andersch und denn isch guet^^. Und wenn ihr euch jedesmol ufreget, lösched halt euer Profil. Ich bemerk die 12-jährige gar nit, wil ich gar nit ersch uf ihri Site gang, und wen doch, han i s nach spöteschtens 2 Täg wieder vrgässe oO... 2 mal bearbeitet, zuletzt Sa 17.3.07, 18:37 |
| PenisVaginaPenisSa 17.3.07, 18:25 | mit 11 bini immer uf www.foxkids.com gange *lol* Das ist mein Geständnis |
| ghostonfireSa 17.3.07, 20:22 |  hehe med 12 han ech grad mol mi 1st PC gha und med 16 hani internet becho  vorhär hani garned rächt gwösst was das esch. (landei) jänu ech persöhnlich be au für FZ ab 16 |
| PenisVaginaPenisSa 17.3.07, 20:27 | ich ha bis jetzt no kei eigene PC, und bruch au kei eigene... ^-^ |
| ghostonfireSa 17.3.07, 20:39 | du hesch jo dini diverse spielaperätli  |
| PenisVaginaPenisSa 17.3.07, 21:44 | sälbscht die sind nit wirklich mir, aber das stört mi au ned ;D Wenn me öbis teile ka, ischs doch am schönschte |
| RushPuppyMo 19.3.07, 10:43 | leuts ich bin genbau so gege die kiddies aber me chan nüt mache allso ID check würdi go aber leider hend nume CH bürger e iD und usländer hend kei ID sonder nume eufenthalts bewilligung und de code chame nid eifach so prüefe dene hani denkt chönt me FZ ab 18 mach dene het me d möglich keit d AHV nummere z prüeffe das weri die hammer idee gseh aber leider wird im 2008 d ahv nummere neu erstellt e so das me keini date me anhand vo dr nummere uslese chan. So allso wie wen der das jetzt mache ??? und jetzt chunt min super vorschlag me muess doch immer sini natel nr registriere allso wen me jetzt uf ei dätsch alli kiddies unter 16 oder 17 speere duet dene chöne die alli kein account me mache will ihri Natel nr uf dr block lischte stoht und erscht mit 16 wiederfrei geh wird ich gang mole dr vo us das das 90% vo allne kidies in ganz BL und BS isch was halte der vo dere ide ?? UPDATE MEMBERS SET BLOCK_FLAG=1 WHERE DOB<01.01.1990 |
| SubsonicParkMo 19.3.07, 10:49 | mini frog isch, will das dr quix überhaupt???? |
| holysmokeMo 19.3.07, 10:49 | schribe si halt ine das si 56 sin... usser dases pädagogisch irgendwie bedänklich isch störe mich die nit... git jo usserdäm no anderi website wo die chleine noni belageret hän |
| SubsonicParkMo 19.3.07, 10:55 | jo mir isches eigentlich au egal, bi jo au erst 17... |
| SunparkSa 24.3.07, 21:34 | mit 17 dörfsch ruhig mitrede @No1Phlegma es goht jo nid drum ob 12-jährigi s internet benutze dörfe odr nid, sondern ob sie in ihrem alter uf so site wie fz sich amälde dörfe und denn so fotis gsehn (odr ufelase):  http://www.festzeit.ch/viewpic.php?id=4302938 http://www.festzeit.ch/viewpic.php?id=4303269  http://www.festzeit.ch/viewpic.php?id=4303277 http://www.festzeit.ch/viewpic.php?id=4299186 (by sickness )1 mal bearbeitet, zuletzt Sa 24.3.07, 21:35 |
| schwellheimerSo 25.3.07, 07:50 | eigentlich, isch jo dr grundgedanke vo festzeit: e partysite z sih. und i finds den eifach luschtig, dases huuuuere vil members git, wo no kei einzigs festzeit-fötteli hän. wenn die jetzt über 16/18 sin, findi das jo kei stress, aber bi allne andere... do frogi mi scho e biz  |
| NeverForgetToSmileSa 14.4.07, 17:45 | hmmm wer seit dass alli ab 16 ane party gö? hmmm... stimmt nit immer! oder fast nie! an de partys isch jo ab 13 ufwerts alles z finde...wenn mir ehrlich si: au ID kontrolle bringes nümm... ok i wird zwar au erst gli 16 aber es stimmt scho mi regts au chli uf wenn 10 jährigi und so do inne si... |
| StinsonSa 14.4.07, 18:33 | *word* |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©