Festzeit.ch Forum » Sonstiges » Die Ehe
| Autor | Beitrag 31 - 45 |
|---|---|
| GuaveDi 25.10.05, 14:47 | Ich wird mit Sicherheit kei so Fähler mache, denn ich wird weder hüroote, no Kinder haa. Kinder sind herzig, solangs ned die eigene sind und me sie wieder ka zruggää  -Usserdem bringt hüroote au Stüürtechnisch nur Benochteiligunge. -Hüroote isch früehner derzue doo gsi das d Frau e Sicherheit het, falls der Maa stirbt. Sie het jo ned eifach plötzlich go schaffe könne wenn sie Huusfraue-Verpflichtige und Kinder gha het und somit Geld finanziell am Ändi gsi wär wenn der Maa nümm do wär. (S gliche im Scheidigsfall) -Hütt isch jedi Frau eso selbstständig ud het die Hilf eigentlich nümme nötig, da sie selber meischtens schafft und d Kinder im bispielswies im Kinderhort abgitt. -Als Maa bisch e verdammt armi Sau wenns zur Scheidig kunnt. Nämmer aa SIE goot fremd und isch somit "Schuld" an der Scheidig, denn zahlt der Maa trotzdem d Hälfti vo sinnere Pensionskasse und muess d Kinder unterhalte. SO kunnt e rechts Sümmli zämme Hüroote isch halt scho öppis romantischs, aber wenns bachab goot isch es wüescht und fies  Falls es irgendwenn emol e "Heirat im 21. Jahrhundert"-Revision gää würd, wo für beidi fair isch und ned eine vo bedine bi Scheidig in Ruin triebe würd, denne würdi mers nomol überlege  |
| apaturaDi 25.10.05, 14:58 | hallo es goht doch um liebi!!! nit um's finanzielle... ich hürot dr liebi wille, und ich glaub ich bi fähig, au wenn liebi nüm do sie sött, das imene normale rahme z'schlichte... PS: wenn dr ma d'kinder nimmt, den mues d'frau unterhalt zahle!!! vo dämhär.... |
| SpartanerDi 25.10.05, 15:03 | hmm s finanzielle spiilt oft au e rolle  |
| housecakeDi 25.10.05, 15:04 | jo do hesch scho recht aber d wahrschinlichkeit das dr maa d kinder bekunnt isch sehr klei! aber abgseh vo dem....für d kinder zahle isch jo selbstverständlich...sin jo au mini kinder denne! aber im schlechtischte fall...: dr frau kah e fründ ha, und ich muess immer no ihre unterhaltsköschte zahle (und nit wenig) damit sie ihre lebensstandart kah bhalte! s kunnt nit wenig vor das dr MAA ufem existensminimum lebt, obwohl er eignetlich e guets ikomme het, er inere 2 zimmer wohnig lebt, und sie grasst eifach sgeld ab! |
| drmichiDi 25.10.05, 15:04 | jep stimmt s goht um d liebi... und bi immer no im glaube dra dass es au s läbe lang cha hebe... |
| apaturaDi 25.10.05, 15:04 | jo aber me ka jo easy e güetertrennig veribare... |
| SpartanerDi 25.10.05, 15:05 | dasch eifacher gseit als gmacht.. |
| apaturaDi 25.10.05, 15:06 | jo klar, aber ich glaub nit das ich irgendwenn emol öper hürot wo so isch. und ich hof nit das euch das passiert... wenn scheidig, den doch bitte imene normale rahme |
| housecakeDi 25.10.05, 15:10 | jo das wünsche sich alli wo hüürote! muahaha! hihi weg dem.....konkubinat isch das e gueti lösig! bi miner cousine goht das scho zit fascht 10 joor guet |
| drmichiDi 25.10.05, 15:13 | hm sin jo mega vil negativ igstellt zum hürote... |
| housecakeDi 25.10.05, 15:14 | hihi...nit gegenüber vom hüürote.... skeptisch gegenüber fraue. muaha, hähä! |
| apaturaDi 25.10.05, 15:18 | deswege bisch au nit ghüürote!!! du hesch die richtig nonig entdeckt  oder du vertrausch ihre nit ganz!!! ich find's mega schad, das die hütigi gsellschaft so schlächt vom hüürote dänkt. ok ich schätz emol das 75% vo de 1. Ehene gschiede wärde, aber drfür halte 90% vo de 2. ehene.... |
| drmichiDi 25.10.05, 15:23 | jo scho  aber ebbe zum glück gits usnahme... |
| housecakeDi 25.10.05, 15:26 | hehe...ich sag jo nit sicher nit hüürote! aber gopferdammi...sicher nit scho mit 21...! so witt kunnts no!  |
| apaturaDi 25.10.05, 15:38 | jo 21 isch scho viel z'frieh, aber ich dänk mit 30 (also ich als frau) sött me scho in produktion sie... (hehe... mein drmit, me sött scho am kinder mache sie...) |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©