Festzeit.ch Forum » Sonstiges » warum tut liebe so weh???? ... also euri antworte wart ich gärn.
| Autor | Beitrag 106 - 120 |
|---|---|
| EssenzzDi 3.4.07, 00:46 | hehe gäll xD wird e schöne Arbeitstag  |
| finelineDi 3.4.07, 07:54 | Ych empfiihl euch allne wärmstens e sälbsthilfegruppe |
| EgonDi 3.4.07, 08:45 | Wenn öbber mini ehrlichi meinig will wüsse...??? was i nid glaub, aber ich schriebs glich mol uf, well me jo meinigsfreiheit hend und me die au frei darf kundmache.. Wenn ihr euch mit so kiddyz abgänd, denn sit er sälber kiddyz. Ich bruch das nid. ha mi extremschtens amüsiert bi dem thread... hahaha... Glossar: kiddyz = Kinder, Mensche wo nid wüsse um was es im läbe wirklich goht, playaz *** back to topic *** 1. Ich find so playa beziehige und tuzzy verhalte eichfach nur dumm 2. e teil mensche het eifach kei ahnig um was es in ere beziehig goht 3. wenn nur scho nach em chlinschte problemli schluss isch, denn isch die beziehig eh nid viel wert gsi 4. wenn s denn trotzdem passiert isch, nach dem me probiert het das problemli z löse (uf verschiedenschti arte natürlich) denn isch es logisch, das es eim vo dene beide sehr weh tuet. ha sälber scho viel zyt so verbrocht. denn isch es wichtig, das me gueti kollege het und das me probiert sich abzlänke, au wenns schwer fallt probiere nümm an die ander person z dänke... |
| finelineDi 3.4.07, 09:39 | good post @ egon y find das "LiAb Di BeEbY sO kRaZz" getue oberlächerlich. Aber s'Kind-Sy isch in dere Gangsta gsellschaft eifach out. Vill Wüsse de wärt vo ere Beziehig gar nümm z'schätze. Ich kenn so vill Lütt wo sich vom Partner fertig mache lönd und nütt degege mache. Denn frogi mi: Was dänkt sich dä Parner? Isch d'beziehig nur do zum Frust ablo? Wasi halt leider au sehr oft erläb sind lütt wo merke, dass si jede / jedi chönnte ha. Und denn fönd si afo spiile, so ala "tja, wenns mit dere nid klappt nimi halt die nöchsti". Kei wunder verliere mega vill lütt s'Vertraue zum andere gschlächt. I ha au usegfunde, dass mit em Satz "Ich lieb di" vill vill z'liechtfertig umgange wird. Villi wüsse doch no gar nonig was liebi isch. Sich verschiesse oder Flugzüg im Buuch hett eifach nonig vill mit liebi zdue. Liebi entwicklet sich mit dr Zyt. Und das isch villne gar nid klar. @ Threaderöffnerin: Do du jo scho 56 Joor alt bisch söttsch du jo am meischte Läbeserfahrig vo uns allne mitbringe. Hesch uns nid chli vo dine Erfahrige welle verzelle?  |
| EgonDi 3.4.07, 10:04 | Danke @fineline Meh mues me zu dem eigentlich gar nid säge. Nur nomol, damit s alli richtig sehn. Es git verschiedeni arte vo liebi. 1. Die Liebe zwischen Eltern und ihren Kindern --> Was die tiefschti und langahaltenschti art vo liebi sött si 2. Die Liebi zu andere Mensche, also ich mein jetz zu Fründe / Kollege --> isch sehr wichtig me seit zwar nid zu de kollege " i lieb di " isch aber au e art liebi 3. D liebi zwüsche enere Frau und eme Maa --> das isch am schwierigschte z erkläre... liebi gits nur am afang, wenn me sich früsch verliebt het... biologisch gseh gits die liebi nur, damit sich die zwei mensche finde und mit enander klar chöme und über d fehler vom andere (jede het irgendwelchi fehler "nobody is perfekt" ) chönne hinwäg luege... spöter denne, je länger as d beziehig zwüsche dene beide goht, umso mehr isch es nüm s verliebt si vom afang, sundern es gänzlichs aktzeptiere vo de fehler und kante vo dr andere person... me chunnt denn eifach mit keinere andere person so guet us wie mit dere wo me zämme isch. no was meh z säge? Ja, wenn das vrliebt si wegg isch, denn meine die meischte, "Ich lieb di nümm und mach schluss". meischtens verschwindet das verliebt si nur schliechend und me merkt gar nüt vo dem prozäss. Dass bi vielne und immer mehr ehe schluss isch, hängt nid mit dr liebi zämme, sundern dass sich die persone nümm verstön, dass sie sich us irgend eme grund nüm vertrage. Ich hoff ich lös nid irgendwas schlimms, wie protäscht und krieg, us mit dem was ich do gschriebe ha... paar sache hanni glaub au scho in andere threads gschriebe... Für mi isch e beziehig öbbis sehr wichtigs wo me au nid eifach so sött weggwerfe nur mit de wort " i lieb di nümm " oder so, oder per sms... 1 mal bearbeitet, zuletzt Di 3.4.07, 10:06 |
| finelineDi 3.4.07, 10:18 | @ Egon, do muessi dir widerspräche. Liebi isch nid öppis zum enander finde. S'verliebt si, das isch dä effäkt wo eim zuenander bringt. Isch me denn moll zämme gniesst me die zyt. Es foot sich je nach entwicklich Liebi afo entwicklich. Liebi setzt sich für mi zämme uss ere Emotionale Bindig. S'Gfühl, dass d'partnerperson öppis vom wichtigschte isch wo me bruucht und dass me sich e Läbe ohni die Person gar nümm vorstelle will. Das tönt jetzt e chli nach abhängigkeit. Isch es au. Aber e abhängigkeit im Positive Sinn. E witteri Stuefe vo dr Liebi isch denn, dass me d'Parnerperson eifach fascht so guet kennt wie sich sälber. Me spürt, dass es em partner scheisse goot, ohni, dass är öppis seit usw. Goot in ere Beziehig d'Liebi verlore, denn chasch d'Beziehig vergässe, denn isch es nur no oberflächlich und pro forma. |
| EgonDi 3.4.07, 10:30 | @fineline in gwüsse sache stimm ich dir überih. ich ha mi vilicht chli falsch usdrückt, das mit em finde vo ere person. Es isch scho so wie du seisch vo dr emotionale bindig und abhängigkeit. und das isch au sehr schön und es isch eifach genial, wenn du denn dr andr so guet kennsch. Aber ich mues dir au wieder widerspräche... es isch e definitions frog (wie immer), es chunnt drufah, wie und als was me liebi bezeichnet, wie me s definiert was liebi isch. wenns inere beziehig so wiit isch wie du beschriebsch mit kenne, spühre etc. denn isch das kei liebi me für mi, sundern es "eifach zäme ghöre", me het sich an der anderi so fescht gwöhnt, das me ohni ihn / sie nümm chönnt läbe. wenn das verlohre goht, das me die anderi person eifach nümm erkennt, das me sich nümm verstoht, ebbe das "zämme ghöre", denn chasch es vrgässe... Aber simmer mol ehrlich, für jedi person isch das doch sowieso was anders und es lohn sich eignetlich gar nid über das diskutiere, oder? |
| finelineDi 3.4.07, 10:33 | Jo du magsch e stück wiit scho rächt ha. Es gitt eifach 2 variante vo dere zämmghörigkeit. äntwäder du gwöhnnsch di eifach anenander und d'liebi goot verloore, denn hebts sowiso nümm lang, oder du gwönsch di zwar anenander, aber die emotionali bindig isch eifach no do. du weisch, dass du zwar irgendwie chönntsch läbe ohni die person aber du willsch nid, will du die person nie verliere willsch. denn cha me vo liebi rede, und zwar au nach langer zyt. |
| EgonDi 3.4.07, 11:10 | OK. du gsehsch, mir hei do e definitionsproblem. WAS IST LIEBE? WIE IST LIEBE ZU VERSTEHEN? du hesch scho rächt, aber öbb me die emotionali bindig als liebi bezeichnet, das isch definitions sach. Es heisst jo nid, dass wenn me was anderscht definiert, dass es eim nid wichtig isch oder das me s nid verstoht. klar bruchts die emotionali bindig unbedingt... hmm es isch scho kompliziert, wenn me vo was redet, wo me nid definiert het... also vo mir us emotionali bindig isch do, aber es chunnt drufah wie me das definiert, wenn du das als liebi verstohsch, denn oke! aber mir chömme vo dr eifgentliche frog ab: Warum tut liebe so weh??? Wenn me s so verstoht... denn wege dr emotionale bindig... oder? |
| finelineDi 3.4.07, 11:14 | Joa, korrekt. Wird e emotionals band verrisse oder beschädigt, denn duets weh. alles andere wäri nid menschlich. |
| EgonDi 3.4.07, 11:53 | so e langi diskusion, und am schluss chöme mr uf de eifachi punkt? das cha s doch irgendwie nid sie! do mues es doch no meh ge hinder dem gheimnis vo dr liebi und wieso sie so weh macht. |
| finelineDi 3.4.07, 12:17 | nenei, das isch nid d'lösig vo dr ganze frog. aber ganzheitlich cha me sage, mit liebi bausch du e emotionali bindig uff zu ere person. wirsch dra ghinderet duets weh, jedoch baut die person die gliichi verbindig uff, so wird das ganz e starki bindig, aber au e empfindlichi. und wie gseit, wird dra kratzt, oder wird si zerstört, denn duets weh. muesh dir die bindig wie e unsichtbare Närv vorstelle. |
| PenisVaginaPenisDi 3.4.07, 12:27 | Playas? Wenn ich de Playa-Image hät, würd ich mi umbringe |
| ladefabDi 3.4.07, 12:30 | wow super gschriebe ihr beide  |
| ladefabDi 3.4.07, 12:31 | ich mein de egon und fineline |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©