Festzeit.ch Forum » Politik / Religion » Blocher, dä Bösi
| Autor | Beitrag 1 - 15 |
|---|---|
| SnouhousiiMi 18.4.07, 13:35 | http://de.bluewin.ch/news/index.php/vermischtes/-/12117 Oje... Jetzt het dr Blocher mol e Witz gmacht (wo evtl. gar nid so abwägig isch) und scho isch er wieder s grösste Arschloch (oder bi es paar au dr grösst Held). Ich bi weder Blocher-Fan no Links-aghuucht (scho eher rächts, aber au das nid extrem), aber wieso muess me wägedäm sone Ghetto mache? Wiviel Witz wärde tagtäglich über anderi gmacht, wo au nid würkli "aständig" si? Wieso si mir Schwiizer so ärnst und vrstönde kei Spass? Also übere Ogi si amigs au Witz grisse worde, und dä hets au vrtreit. Chunnt drzue, dass sich dr Blocher au so doofi Sprüch vo dr SP mues aaloose. Zämefassig: Was meient ihr drzue? |
| MisteryouxMi 18.4.07, 13:40 | also dr witz isch nit schlächt  |
| alfiiMi 18.4.07, 13:47 | hahaha dää isch geil Leuenberger will ohne Pass über den Zoll. Doch der Zöllner hält ihn an: «Sie müssen erst beweisen, dass Sie Bundesrat Leuenberger sind.» Darauf Leuenberger: «Das kann ich nicht beweisen». Der Grenzwächter aber bleibt hart und sagt: «Federer wollte auch über den Zoll ohne Pass. Als er ein bisschen Tennis gespielt hatte, liessen wir ihn passieren. Alex Frei musste dribbeln – und schon konnte er durch.» Leuenberger gibt sich frustriert und sagt: «Ich kann ja nichts!» Zöllner: «Ja, dann sind sies wirklich.» |
| ButtersMi 18.4.07, 14:17 | Cheez! Gröschti Amoklauf in dr Gschicht vo dr USA, in zig Teile vo dr Wält schpillts Klima verruckt in Form vo Schtürm und mir empöre uns drüber, wenn dr Blocher mol e Witz verzehlt. |
| bijuelaMi 18.4.07, 14:19 | i find dr witz au no guet  |
| NilsBaselMi 18.4.07, 14:20 | find dr Witz au sehr guet! Und dass es no vomene erfolgriche Politiker kunnt machts no besser |
| TexanDudeMi 18.4.07, 14:32 | Wens den au no e Witz wär aber dr Moritz cha wirklich nüt |
| Brandgfohr16Mi 18.4.07, 14:35 | Man o Man dr Blocher ! Är wird immer zur Sau gmacht dä armi!! Dr Blocher Thread  http://www.festzeit.ch/forum.php?show=thread&id=1746 |
| ButtersMi 18.4.07, 14:40 | Jo sitt dr Deiss wäg isch bruuchts halt e andere wome vonem ka sage daser nüt macht. Obwohl i dr Moritz äigentlich no cool find. |
| SubsonicParkMi 18.4.07, 14:53 | i find dr witz guet |
| SnouhousiiMi 18.4.07, 16:06 | komisch, dass sich do no nimerts übere blocher ufgregt het kei ahnig öb er öppis ka oder nüt, aber i dänk er isch scho bitz weniger aktiv als dr blocher (öb das jetzt negativ oder positiv isch) |
| gladiusMi 18.4.07, 16:23 | dr blocher hät sötte komiker wärde und nit politiker do wär är wenigstens beliebt gsi 1 mal bearbeitet, zuletzt Mi 18.4.07, 16:23 |
| StinsonMi 18.4.07, 16:52 | ich wiess jo ned Wär im Bundesroot über sini Kollege ÖFFENTLICH ! Lustig macht, find ich unter alli sau. Ka me ihm das ned persönlich sage? Es isch eifach verdammt dräckig so öbbis go abzzieh, stelle euch emol vor, das würd e koleg vo euch mache, und ihr würdet e Imageschade erliide.... Ich find dr Leueböärger het scho einiges gleistet und risst ned so d Klappe uf wie dr Blocher (aber muess das e Bundesroot) wel mir sind immerno e Demokratie und do hets s Volk s säge und ned dr Blocher  alles im allem isch dr Blocher eifach e Schnuuri  Peace |
| TexanDudeMi 18.4.07, 17:13 | Als wen dr Leueberger und dr Blocher Kollege sin... haha... öpe soviel wie dSP und dSVP im allgemeine... und das dr Leueberger e Fläsche isch weiss jede in dr Schwyz, sSwissair Debakel, all die Baustelle, sChaos bi dr NEAT... sUVEK het beinah die grösst Unordnig vo allen Departement |
| becksMi 18.4.07, 17:15 | als bundesrot chasch doch nit sone witz über di kolleg in de medie uselo! das isch unprofessionell. ob dr witz guet isch oder nit isch asichtssach, aber ein wo wie dr blocher wo sich nit an regle vom guete benäh und nit an regle im bundesrot cha halte, het für mi in sonere funktion nüt z'sueche, das het er eifach eimol mehr bewise. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©