Festzeit.ch Forum » Liebe & Sex » Emotionen Zeigen - Was falsch?
| Autor | Beitrag 31 - 45 |
|---|---|
| d0mEDi 13.11.07, 09:41 | ich dängg wenn me so voll dr harti isch/spielt, den wird das au schnell mol als kalt, gfühlslos oder weiss nid was interpretiert.. keini gfühl zeige ka den au als keini gfühl ha ufgnoh wärde |
| ARTgerechtDi 13.11.07, 09:51 | emotione zeige isch jo natürlich. aber so huuere emotionali männer rege mi uff.. afo hüüle will me e schlächti note het oder so..  oder au das ganze emo pack..  |
| d0mEDi 13.11.07, 09:53 | hüüle wäg ere schlechte note? das isch nid emotional, das isch peinlich  |
| J4LDi 13.11.07, 09:54 | So emo`s findi au voll übertribe.... Klar foht meh afo hülle bimene schlimme ereigniss... aber sicher nit wägere schlächte note, will meh de zug verpasst het oder sunscht öbis^^ |
| babycakeDi 13.11.07, 10:13 | Well me de zug verpasst het?????? Wemme scho gfühl het, cha me se au zeige... Ha ersch letschti bimene Schuelkolleg gschtuunt, er het wirklich immer de harti zeigt und ich bi devo usgange, dass er keini gfühl het odr se eifach sau guet cha verbärge und denn noch dr LAP hetr ganz offe mit mir über sini problem dihei gredet... nid so, was ich jetz als emotional würd bezeichne, aber für ihn isch es scho emo gsi!!! |
| finelineDi 13.11.07, 10:34 | jo es goot jo do jetzt wirklich nid drumm, dass eine sich afoot ritze nur will em e zigarette an bode gheit isch (ebe emo-style) sonden eifach dezue stoot wenn ihn öppis bedruggt etc. ich ha gmerkt, dass das villi fraue schätze, aber irgendwie uff e anderi art... si düend gärn mit dr rede und zwar au über privati sache. si fönd dr aa s'härz ussschütte und denn wirsch ganz schnäll zum guete kolleg. wenn de eini als fründin willsch hani gmerkt, dass es nid guet isch wenn me sich vo aafang aa offe und emotional gitt... |
| babycakeDi 13.11.07, 10:38 | ha no nie so drüber nochedänggt... abr hesch sicher rächt, es isch schön für die fraue, wenn si öbberem so chönne vertraue, dass si ihm ihri sorge, gedangge etc verzelle, aber das phänomen, dass das denn immer nur en kolleg wird... kei ahnig, kenni so nid!! |
| finelineDi 13.11.07, 10:39 | naja aber ich kenns... aber ich will jo jetzt nid go umechlöne  isch nur mi statement zum gfühl zeige gegenüber fraue zeige. ich machs oft, gib mi verständnisvoll und offe und jo ha immer wie meh kolleginne |
| babycakeDi 13.11.07, 10:41 | Aber meischtens fohts doch mitere Fründschaft a... odr?? |
| finelineDi 13.11.07, 10:44 | Jo mit ere fründschaft, aber nid mit ere beziehig. oder was meinsch du? oder anders gseit... so wie ichs bis jetzt erläbt ha entscheidets sich rächt am aafang uff was es uselauft. me lehrt e person kenne und denn chunnt d'entscheidig öb das e kandidat/kandidatin für e beziehig wär. und das chunnt extrem druff aa wie sich die person gitt, über was me redet etc... ich persönlich fänds schön, wenns öfters d'möglichkeit gä würdi, wenn sich beziehige bilde würde mit lütt wo me scho kennt. 1 mal bearbeitet, zuletzt Di 13.11.07, 10:45 |
| CarlAlexisDi 13.11.07, 10:45 | hey EMOTIONE zeige heisst nit nur hüle!! komisch wie ihr alli uf das kömmet! wenn bi mir ein im büro durekeit und durch s ganz büro fluecht denn zeigtr au emotione. oder wemme sich am fuessball match freut zeigt me au emotione usw. genauso wenn d mueter oder de grossvater stirbt, denn zeigt me ebefalls emotione. und öber wo keini emotione het oder kha zeige, sigs maa oder frau, isch für mi eifach so en emotionslose, langwilige, glichgültige brocke. und wenn jetzt halt ein für e mega tescht büfflet, voll unter druck stoht und am schluss nur e 1er useluegt, und er denn e träne verdruckt denn stört mi das nit und är isch au kei weichei.. er isch eifach enttüscht! |
| babycakeDi 13.11.07, 10:47 | @fineline: E beziehig foht doch meischtens mitere Fründschaft a... Me lernt sich kenne und irgendwenn merggt me, dass mehr do isch als "nur" Fründschaft... Also gits jo no hoffnig!! Und es goht amigs halt chli länger, bis sich dliebi istellt... 1 mal bearbeitet, zuletzt Di 13.11.07, 10:54 |
| TokeeDi 13.11.07, 10:53 | babycake das cha i so nid bestätige mit allnä wo i bishhär zämme gsi bi hani kei fründschaft kah. cha mr das eh nid so guet vorstellä mit einerä zerscht ä joor nur befründet si und den nachhär ä beziehig igoh, wills wenns nümm würd klappe, villicht au d fründschaft nachhär im arsch isch |
| d0mEDi 13.11.07, 10:55 | also es isch eher so: lernsch eini kenne, den lauft öppis mit ihre, und den chunnt us obs für beidi mehr isch, wenn jo den beziehig, wenn nid den keini |
| babycakeDi 13.11.07, 10:55 | jo klar, aber zersch muess me dä mensch doch au kennelerne, bevor me für sich beschliesst, dass me e beziehig mit dere person möcht afoh... mein gott, bi ich denn so altmodisch, dass ich en mensch rezsch will kennelerne, bevor öbbis mit ihm lauft????  1 mal bearbeitet, zuletzt Di 13.11.07, 10:56 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©