Festzeit.ch Forum » Politik / Religion » SCHWEIZ
| Autor | Beitrag 226 - 240 |
|---|---|
| greeneyesMo 14.2.05, 20:33 | ZUM GUETE GLÜCK GITS WENIG SÖTTIGI REDNER...!!! ich bedien mi do lieber mines eigenen verstandes! |
| immortalkingMo 14.2.05, 20:34 | also Greeneyes. mir sin dr einzig Kanton odr schweiz wo links regiert wird. Egal währi frog jede seit mir im schrecke "NEI um gottes wille i ha nit links gwählt" do frogi mi zerscht mal, wer het den überhaupt links gwält ich ämel nit. mir hän jetzt idr ganze stadt Tempo 30 schön und guet. jetzt meint me das het e endi denkste. bis in e paar joor will die grüen regierig durebringe, das ganz basel Tempo 20 söt werde... das chajo nur hirnrisig si. s grösste Problem ade Linke isch eifach genau das was annere absolut rechte Regierig s Problem isch. es sin Extremi. e absolut rechti regierig würd garkein me inelo und die Linki Regierig (sofern das no uf e paar anderi Kantön übergrifft) macht den d Grenze uf für alles und jede. elei was jetzt scho illegal über d Grenze marschiert isch massiv erschreckend ((so chöne rede wie dr Goebbels cha e gwünn sie, er hets zum negative verwendet aber glaub blos nit das nit au du odr ich dem würde verfalle wenn das öber chönt, soferns für gueti zweg dient wär sone eigeschaft goldwert)) 1 mal bearbeitet, zuletzt Mo 14.2.05, 20:36 |
| greeneyesMo 14.2.05, 20:40 | du hesch rächt, absolut links wie absolut rächts, es wär beides e seich. vo dere gschwindigkeitsmassnahm hani jetz no nie öppis ghört... anderersits si die linke jo die tolerantischte gegenüber de usländer. öb das jetz guet oder schlächt sig isch ebe jedem si meinig. aber neumeduure findis scho speziell: die ländlichere gegende vodr schwiz si eher rächtslastig, hei aber mit sehr wenige usländer ihri dörfer "z teile". aber basel mit 20% usländer isch links usgrichtet. au e interessante fakt, oder nid? |
| immortalkingMo 14.2.05, 20:44 | hmm eher logisch als komisch. mir hän natürlich hüt scho wie du seisch 20% (also viel usländer) nämer mir die wo mal usländer gsi sin und jetzt schweizer sin und evt in dr Regierig und Industrie hogge. ja die hän doch e Sympathie gegeüber neue, will sie selber mal so gsi sin. in richtig ländliche gegende hesch das nit will dört hoggt no dr "urschweizer" in de Parlament. weisch wasi mein, das denki isch au dr grund worum basel jetzt grüen worde isch und das mit dem Tempo 20 das chunt. has jetzt scho mehrmals ghört au vomene Kolleg vodr Polizei |
| borniMo 14.2.05, 20:45 | @greeneyes. Jetzt muesch abr vom höche Roos obe abe cho! Was Du behauptisch goht scho widr i die extremi. Das isch die Partei nit. Es git viel extremeri Parteie. Und Du möchtisch mir nit säge, dass übr D hölfti vodr Bevölkerig nume wäg dr Emotionalität vo gwüsse Themene für das gstumme het, wo die Partei het wölle. I glaub d Bevölkerig weiss mehrheitlich genau, was für sie guet isch und die 10 bis 20% wo wägdä Plakät und dr Wärbig beurteile, spiele au kei grossi Rolle me. Abr löh mir füre Moment das Thema und föi mir kei Stritt a. Jede het sini eigeni Meinig. Für das isch jo dä Forum gschaffe worde  |
| greeneyesMo 14.2.05, 20:49 | dasch aber chli e wackligi schlussfolgerig, immortalking... i glaub d mehrheit vo de schwizer in basel, wo links stimme, sin nid iibürgereti usländer. das mues me scho gseh. und borni: wenn du glaubsch dass plakatwärbig nüt usmacht, bzw. dass sich nur wenigi löi lo beiiflusse, läbsch au bitz hinderem mond... |
| KoRiNMo 14.2.05, 20:49 | blocher hin oder här..i ha vo sehr vielne ghört, nach de wahle: oh gott, d schwiz wird jetzt rächts das cha jo nid guet cho mit em blocher..usw. und bis jetzt isch s jo ächt zu no nüd schlimmem cho..oder? so, den hani eigentlich no öbis zur integration vo de italiäner welle sage (i weiss isch chli spot..  !) also, ich dänk mir eifach, dass italiäner unserer mentalität vil nöcher sin, als die vom ostblock und sich so schneller apasst hän (si hän sich au müesse apasse)..dr ostblock seht halt viel anders als mir, z.B wäge fraue und rächt..si müen sich halt eifach au bewusst si, wenn si do ane chöme, dass si ihres ding nüm eifach stur chöne durezieh und e kompromis finde!@greeneys: das isch e gueti frog..villicht isch basel so links igstellt, wills viel ibürgereti usländer het  ? |
| immortalkingMo 14.2.05, 20:51 | jo greeneyes es isch e schweri frog aber i sag dir gang mal ufd Stross und frog wer für Links gstumme het, praktisch die meiste antworte mit entsetzte NEI ICH DOCH NIT. schono komisch. aber ich denk wirklich das zumindest die ibürgerete e teil derzue beitrage |
| immortalkingMo 14.2.05, 20:53 | und nowas Greeneyes e teilvode usländer isch eifach au illegal do. wini scho postet ha, bini mal während em militär dienst mit mim Detachement im Wald in dr nacht inere Beobachtigsüebig gsi. du glaubsch nit was in einer nacht illegal ind schweiz iwanderet nur durch d wälder. ha gmeint i Spin. |
| nonameMo 14.2.05, 20:54 | @korin... denks d italiener hei d schwitz eifacht meh gschätzt und maches immer no... aber ebe wie scho gseit worde isch wo min grossvater igwanderet isch hei sen au z tiefst beleidigt und zur sau gmacht vo wege tsching u.s.w. mini onkle und vater glich wen si in usgang hei welle chasch denke.. aber si hei sich eifacht schneller integriert will sis au nötiger kha hend zu dere zit.. das gseht me jo jetzt das es nit e grossi rolle spilt öb me integriert isch usser das sich e paar im festzeit forum drüber ufrege. (nit nur do) |
| borniMo 14.2.05, 20:54 | @greeneyes Nee i läb z Seebe ufem Berg. Nei, spass beiseite. Bring i mol Fakte Mir hei idr schuel e Projektarbeit über d Ibürgerigsabstimmige gha und au e riese Interview mit über 200 Persone duregfüerrt. Vo dennä hei sich grad emol 21 Lütlis vo Plakät beiflusst. Also und i au bide andere Projektarbeitene isches ähnlich usecho. hmmm. 2 mal bearbeitet, zuletzt Mo 14.2.05, 20:55 |
| greeneyesMo 14.2.05, 20:56 | ...andere aasatz: die lüt wo würklich mit usländer kontakt hei, ebe bsp. basler, hän au vill gueti, interessanti und gegesittig toleranti begegnige hinder sich - i ha s gfühl, das prägt. die verschiedene kulture chönne vill vonenand profitiere und sin e beriicherig. und will si d usländer als mitmensche schätze, wähle sie toleranter als ländlichi regione. isch e gueti diskussion mit euch ;o) aber i mues jetz leidr witers. salüü |
| immortalkingMo 14.2.05, 20:58 | hehe Greeneyes e paar vomine beste Kolleg sin usländer. aber ebe i bi sone Mittelding bi wede rechts no Links den beidi seite übertribs masslos (isch au sehr gueti diskussion mit dir :0)) 1 mal bearbeitet, zuletzt Mo 14.2.05, 20:58 |
| KoRiNMo 14.2.05, 20:58 | @noname: jo das glaubi dir! aber si sin schlussändlich jo au nid wirklich (oder wenig) negativ ufgfalle und hän jetzt e guete ruef in dr schwiz..(au d spanier, franzose usw.) und mol ehrlich, si wärde vo vielne jetzt au nüme als "usländer" agluegt..und das chunt, will si sich ebe damals scho integriert hän.. |
| nonameMo 14.2.05, 21:00 | @korin... klar aber i chönt wette i drei vier johr redet me wider über anderi sorte mensche will sich die jetztige rüppel vo "üsländer" bis den au integriert und apasst hend.. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©