Festzeit.ch Forum » Liebe & Sex » Kinder für Homosexuelle Paare - Ja o. Nein
| Autor | Beitrag 856 - 870 |
|---|---|
| holysmokeMo 23.3.09, 13:16 | jo scho, blind go entscheide het no nümerem guet do  |
| KingNothingMo 23.3.09, 13:24 | wieso blind? isch kei blindi entscheidig. i ha mr scho paar gedanke über das thema gmacht und joa... i find das isch einfach nid guet. und was mi einfach stutzig macht, sind die lüüt wo denn ständig d'schuld uf e unterentwickleti Gsellschaft schiebe. Wurum isch das e tiefers Niveau, als wenn me's würd zueloh?! Wurum isch totale Toleranz = hohes Niveau?! |
| RadioaktivesKindMo 23.3.09, 13:31 | Gohts wirklich nur um Toleranz? Nei es goht um Recht wo anere Gruppe Mensche nid zuestoht will sie ä anderi Sexuelli neigig händ wo niemerdsem schadet und das isch schlicht diskriminierend. |
| holysmokeMo 23.3.09, 13:34 | @KingNothing: "Wurum isch totale Toleranz = hohes Niveau?!" well jede mensch anderst isch, und wemme dörf anderst sii, denn isch doch das e luxus wo leider nit sälbstverständlich isch. stellder vor du müesstisch dich sälber unterdrücke, nur wells idr gsellschaft moralisch nit akzeptiert isch so z läbe wie du dich wohl fühlsch. i mein jetz nit dasde jedem dörfsch ans bei pinkle wennde bock hesch, sondern das DU din bereich vom läbe, wo anderi en scheiss agöhn, wo anderi überhaupt NIT betrifft, sälber chasch bestimme. dorum isch das öppis positivs. natüerlich lernsch toleranz nur z schätze wennde si nötig hesch "i find das isch einfach nid guet." frogt sich nur öb das grund gnueg isch, das abzlehne. schliesslich hesch dodemit weder en grund chöne nenne, no isches füröpper anders nochvollziehbar wieso du uf diä entscheidig cho bisch ------------ hehe, jetz hani grat öppis gfunde  im mama blog  http://blog.bazonline.ch/mamablog/?p=514 "10 Dinge, die Kinderlose verpassen" 1. Ein Kind wachsen und gedeihen zu sehen und etwas dazu beigetragen zu haben, macht stolz. Zu Recht. 2. Erinnern Sie sich an die überwältigende Woge von Zärtlichkeit, Neugierde und Glück, die Sie durch den Tag getragen hat, als Sie frisch verliebt waren? Elternliebe ist die einzige Form von Liebe, die dieses Gefühl konservieren kann. 3. Die Lust zu Erziehen, wird unterschätzt. Es sei denn, man hat im Leben nichts erfahren, dass sich weiterzugeben lohnt. 4. Egal, wie beschissen man sich fühlt. Da ist etwas, für das sich lohnt aufzustehen, einzukaufen, zu kochen. Das ist gut für die Gesundheit. 5. Ein Kind verdrängt das eigene Ego aus dem Zentrum der Gedanken. Das stärkt den Charakter. 6. Ein Kind bringt das Beste aber auch das Schlechteste in einem zu Tage. Diese Extreme zu erfahren, bildet die Persönlichkeit. 7. Wann haben Sie das letzte Mal einen Regenwurm gerettet? Zugegeben, das ist kitschig, schön ist es trotzdem. 8. Sie dürfen sich eine Carrera-Bahn kaufen. Und haben eine Entschuldigung. 9. Ihr Partner und Sie haben immer ein Gesprächsthema. Auch nach 40 Jahren Ehe. Oder einer Scheidung. 10. Die schönste Wahrheit aber ist die, dass man es keinen Augenblick bereut, Mutter oder Vater geworden zu sein. Das gilt für die wenigsten Entscheidungen im Leben. Ja, so simpel ist das. 2 mal bearbeitet, zuletzt Mo 23.3.09, 14:32 |
| KingNothingMo 23.3.09, 17:03 | ok, mis ''i find das isch einfach nid guet.'' isch chli mager. i wirds mol no e chli usformuliere  Es isch vo dr Natur us vorgseh, dass d'eltere vomene Kind halt e Frau und en Ma sind. Jetzt ka me sage, dass das jo eh so isch, aber erziehe könntet jo au zwei Männer bzw. zwei Fraue. Aber in unserer (i mag das wort langsam nüm  ) gsellschaft isch das halt scho siit...hmm Johrhunderte so, dass e Ma und e Frau s'kind erziehnd. DAS isch normal.Und jetzt könnet dr sage was dr wänd, aber homosexualität isch halt einfach nid normal. isch so! Nun ischs allgemein bekannt, dass d'eltere in dr Entwicklig vomene Kind (sowohl körperlich wie au charakterlichi entwicklig) e enorm wichtigi Rolle iinähmed. Kinder wärdet eh immer wieder mit problematische Sache konfrontiert, wo ihri entwicklig beiflusst. Wenn sie jetzt in dr Familie scho es ungwöhnlichs Umfeld händ und drin ufwachset isch das grad nomol nid guet. d'Familie sött ebbs beständigs und normals sii (schomol es Kinderbuech gseh, in dem d'Eltere zwei type sind?! S'kind bekunnt also dr Idruck, dass d'mueter ebbe e frau sött sii und vermisst e söttigi denn vll.). Ich sag nid, dass schwuli Paar nid könntet e Kind erzieh, aber s'Kind wird läängst nid nur vo ihne beiflusst. Spöter wirds dr grossteil vo dr zyyt in dr schuel und mit Kollege verbringe. Und schwuli Eltere z'ha, das isch sicher nid dr burner bi de Kollege! Die schwule händ in unsere Gsellschaft (momentan no) e eher negative Stellewärt. und solang das so isch, sötte Kinder immerhin vo däm verschont wärde. so, i hoff i han mi standpunkt jetzt chli besser könne begründe/verträte |
| juandiMo 23.3.09, 17:18 | Zitat: KingNothing ich find genau die istellig ''falsch''.ok, mis ''i find das isch einfach nid guet.'' isch chli mager. i wirds mol no e chli usformuliere Es isch vo dr Natur us vorgseh, dass d'eltere vomene Kind halt e Frau und en Ma sind. Jetzt ka me sage, dass das jo eh so isch, aber erziehe könntet jo au zwei Männer bzw. zwei Fraue. Aber in unserer (i mag das wort langsam nüm ) gsellschaft isch das halt scho siit...hmm Johrhunderte so, dass e Ma und e Frau s'kind erziehnd. DAS isch normal.Und jetzt könnet dr sage was dr wänd, aber homosexualität isch halt einfach nid normal. isch so! Nun ischs allgemein bekannt, dass d'eltere in dr Entwicklig vomene Kind (sowohl körperlich wie au charakterlichi entwicklig) e enorm wichtigi Rolle iinähmed. Kinder wärdet eh immer wieder mit problematische Sache konfrontiert, wo ihri entwicklig beiflusst. Wenn sie jetzt in dr Familie scho es ungwöhnlichs Umfeld händ und drin ufwachset isch das grad nomol nid guet. d'Familie sött ebbs beständigs und normals sii (schomol es Kinderbuech gseh, in dem d'Eltere zwei type sind?! S'kind bekunnt also dr Idruck, dass d'mueter ebbe e frau sött sii und vermisst e söttigi denn vll.). Ich sag nid, dass schwuli Paar nid könntet e Kind erzieh, aber s'Kind wird läängst nid nur vo ihne beiflusst. Spöter wirds dr grossteil vo dr zyyt in dr schuel und mit Kollege verbringe. Und schwuli Eltere z'ha, das isch sicher nid dr burner bi de Kollege! Die schwule händ in unsere Gsellschaft (momentan no) e eher negative Stellewärt. und solang das so isch, sötte Kinder immerhin vo däm verschont wärde. so, i hoff i han mi standpunkt jetzt chli besser könne begründe/verträte du findsch schwuli und somit au lesbe nit normal und genau das isch falsch. wieso gits denn homosexuelli, wenn sie nit normal sind? wieso gits homosexuelli, sits mensche git? homosexuelli sind nämmlig nit dümmr als heteros, händ nit unbedingt andri inträsse, es gut nur ume sex wo bi ihne andrsch isch. und sex isch so öbbis vo ünbedütend uf däre wält. und genau du machsch dr fählr (und nit nur du), dass du die homosexuelle ufe sex reduziersch. das isch nämmlig dr einzig untrschied zwüsche heteros und homos. das isch gemein, lütt rächt wägznäh, nur will sie andrscht sind. e schwule/lesbe het no nie öbbrem gschadet und sie wänd nur ganz e normals läbe ha. stell dr vor, me würd di uf dini hoor reduziere. du döfsch keini kindr ha, will du langi hoor hesch und das somit ''unmännlich'' wär. do würdsch dr doch am kopf länge? und was fründe agoht, ich ha NIE fründe ka, wo mi wäge so öbbisem fertig gmacht hätte. und sälbscht wenn, was glaubsch hätti liebr ka? 2 miettere/vätere wo mi übr alles gliebt hätte odr e heim wo ich nie die unmerksamkeit beko hät, wo e kind brucht? do hät ich sogar dummi sprüch in kauf gno. du söttsch eifach mol übr das nochedänke und ufhöre, homos als abnormal abzstämpel. es git nämmlig sogar in de tierwält homosexuelli tier und sogar söttigi, wo fremdi zu sich ufnämme und grosszieh. und d natur isch doch so perfäkt, nit? |
| DysisTMo 23.3.09, 17:25 | king: du seisch es isch normal, wennme vomne vatter und ere mueter ufzoge wird... was isch denne, wenn d eltere gschiide sind, oder me hed kei eltere ... isch alles jo a abartig unnormal  |
| MoiMoiMoiMo 23.3.09, 17:29 | Zitat: checca sorry abr was hand Pädophilie mit schwulle odr lesbe z tu?niemols!!! das brucht kei begründig!!! wie seht das us wenn eine 2männer als "eltere" het??? denn könne mr jo grad froge öb pedohile sölle eleierziehnd si und könne kinder addoptiere *kotz* die würde eh die ganz zit disst wärde in dr schuel und egal wo...denn wäre si no zu 100% feminin und die ganz wält wird no schwul^^ und was baschtlisch denn du zum muettertag`? |
| KingNothingMo 23.3.09, 18:45 | @johidieschlampe, du argumentiersch und diskutiersch so guet wie mini Zimmerpflanze.  Zitat: johidieschlampe super! Wenn also öbbis exisitiert isch es folglich au normal. sprich, es git gar nüt Abnormals. öhm ja...wieso gits denn homosexuelli, wenn sie nit normal sind? Also, e Anomalie isch e Unregelmässigkeit. Anomal isch also ebbs, wo us em gwöhnliche Raster usfallt. <5%(proz. Ateil vo de Schwule) gegenüber >95% bedütet für mich ehrlich gseit ebbs wo us em Raster usfallt. also nid normal. Zitat: johidieschlampe I lold! und sex isch so öbbis vo ünbedütend uf däre wält. Sicheret jo nur d'Vermehrig und somit dr Fortbestand vo dr Menschheit... Zitat: johidieschlampe oh guet, jetzt händ sogar scho d'tier e wiiterentwickleti Gsellschaft als mir.es git nämmlig sogar in de tierwält homosexuelli tier und sogar söttigi, wo fremdi zu sich ufnämme und grosszieh. und d natur isch doch so perfäkt, nit? Dörf ich dich druf hiwiise, dass au dr Mensch zur Natur ghört? d'Mensche händ sich mit und us dr Natur use entwicklet. You know Darwin?! Und ich wiis nur nomol uf d'Anomalie hin. bi de Tier isch's glaub sogar no wiiiit unter 5%. Zitat: johidieschlampe I lold again stell dr vor, me würd di uf dini hoor reduziere. du döfsch keini kindr ha, will du langi hoor hesch und das somit ''unmännlich'' wär. also dasch mr sogar zu dumm zum stellig drzue z'näh.  1 mal bearbeitet, zuletzt Mo 23.3.09, 18:46 |
| KingNothingMo 23.3.09, 18:52 | Zitat: DysisT Jo do hesch rächt. Au das isch natürlich nid guet und überhaupt nid (positiv) fördernd für d'entwicklig vom Kind. Aber erstens isch's glaub immerno ''normaler'' als gliichgschlächtlichi Eltere. Heisst nid, dass es au besser isch fürs Kind!was isch denne, wenn d eltere gschiide sind, oder me hed kei eltere ... isch alles jo a abartig unnormal Aber das isch halt ebbs wo du nid kasch verhindere bzw. richtig beiflusse. Denn miestisch jo s'Kinderha ganz verbiete. Und me mues jo zuedem nid no söttigi anomale Zueständ fördere, sprich, ebbe mit Homosexuelle wo dörfet Kinder ha. |
| WeepingAngelMo 23.3.09, 18:57 | Zitat: KingNothing Lut villne Studie ischs unterschiedlich stark verteilt. 10-50% vo de Bevölkerig isch bi/homo...in de Städt sinds me und ufem Land weniger im Schnitt.Also, e Anomalie isch e Unregelmässigkeit. Anomal isch also ebbs, wo us em gwöhnliche Raster usfallt. <5%(proz. Ateil vo de Schwule) gegenüber >95% bedütet für mich ehrlich gseit ebbs wo us em Raster usfallt. also nid normal. Das sind 1-2 Milliarde Mensche...söll das jetzt kei Normalität si? 1 mal bearbeitet, zuletzt Mo 23.3.09, 19:00 |
| KingNothingMo 23.3.09, 19:04 | Zitat: IronFist Mir rede do vo homosexuelle Paar! Und zwar söttigi wo es Kind wänd. Wieviel % sind das wohl no?Lut villne Studie ischs unterschiedlich stark verteilt. 10-50% vo de Bevölkerig isch bi/homo...in de Städt sinds me und ufem Land weniger im Schnitt. Das sind 1-2 Milliarde Mensche...söll das jetzt kei Normalität si? Dini Zahle beziehnd sich uf körperlichi homosexuelli 'Zueneigig'! Das isch no laaang nid das, was die allgemeini Vorstellig vo Homosexualität isch! Also chum do bitte nid mit so Müll und vzell umme, das d'Hälfti vo de Mensche homosexuell siiget!  |
| juandiMo 23.3.09, 19:05 | also, soviel ich weiss, ischs theoretisch möglich, dass e schwule e frau ka befruchte odr dass sich e lesbe vomene ma ka befruchte los. sie händ einfach dä reiz nit mitem andre gschlächt ihri sexualität uszläbe. das isch für mi übrhaupt kei abnormalität. und sind lütt, wo keini kindr wänd au abnormal? und oralsex isch dämfall au abnormal, dient jo nit zur fortpflanzig? und bumse mit gummi isch natürlich au e sünd. und allgemein sex ha zum spass isch abnormal und krank. guet, ich ha mi do e bitz falsch usdruckt. ich mein nit, dass sex unwichtig isch, abr was me im bett macht und mit wem isch unwichtig und absolut privat, dass goht em andere e schissdräck a. voila yes, i know him. und ja, anschienend händ sie da, döt gits nämmli keini problem Zitat: KingNothing was sölle denn die homosexuelli sage? also dasch mr sogar zu dumm zum stellig drzue z'näh. und PS: schön, dass ich di zum lolle brocht ha. |
| juandiMo 23.3.09, 19:10 | Zitat: KingNothing und sälbscht wenns nur 0.0000000000000000000000000000000000000000000000001% wäre, was spielt das für e rolle?Zitat: IronFist Mir rede do vo homosexuelle Paar! Und zwar söttigi wo es Kind wänd. Wieviel % sind das wohl no?Lut villne Studie ischs unterschiedlich stark verteilt. 10-50% vo de Bevölkerig isch bi/homo...in de Städt sinds me und ufem Land weniger im Schnitt. Das sind 1-2 Milliarde Mensche...söll das jetzt kei Normalität si? könntsch doch froh si, denn würde wenigr kindr ''beschädigt'' wärde |
| WeepingAngelMo 23.3.09, 19:12 | Zitat: KingNothing Es isch jo logisch, dass sich nit villi lüt e glichgschlächtlichi beziehig könne vorstelle. Fakt isch aber, dass es extrem vill sind wo rein sexuell ufs gliche gschlächt stön.Mir rede do vo homosexuelle Paar! Und zwar söttigi wo es Kind wänd. Wieviel % sind das wohl no? Dini Zahle beziehnd sich uf körperlichi homosexuelli 'Zueneigig'! Das isch no laaang nid das, was die allgemeini Vorstellig vo Homosexualität isch! Also chum do bitte nid mit so Müll und vzell umme, das d'Hälfti vo de Mensche homosexuell siiget! dHälfti vo de Menschheit isch sicher nit homo, das stoht döt au nit. Es stoht, dass 37% bi sind und 13% homo sind. 3 mal bearbeitet, zuletzt Mo 23.3.09, 19:15 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©