Weme inere Kultur ufwachst wo Tier nuet anderes si als Ressource wome nutze chan und scho als Kind so Bilder uf dr Stross seht als Alltag isches fuer eim eifach ganz normal... in eusere Gsellschaft werde Tier vermenschlicht, me god in Zooli go dr haerzigi Knut aluege, het Huustier und luegt Trickfilm mit Tier wo wie Mensche handle und rede... drum behandle mir Tier so human.

Das Video isch e guets Bispiel wie unterschiedlich Kulture sin (und wiso dIntegration vo Immigrante oft nit funktioniert). Die Luet in dene Videos chame fuer gar nuet verurteile, fuer die isches simpel ganz normal wasi moeche wies au fuer eus in Europa vor 200 Joor normal gsi waeri... mir gsehn haerzigi Tier, die Luet sehn Arbet wo ihri Familie ernaehrt und e Job wo scho ihri Vorfahre gmacht hei...

tuesch mr leid ...meinsch s änderet öbbis dra wennde mittelalterstroofe iführsch? willsch weg dene paar tierquälereie s ganze system übere kopf wärfe wo mr in de letschte 200 joor ufbaut hän..

usserdem was pelz abelangt. pelz sinn bi uns nit verbote also! wär motzt söll drfür sorge, dass si verbote wärde. aber villicht sött sich jede wo fleisch isst mol selber an dr nase näh. tier sinn halt nit nur huustierli sondern "produkt". ob e nerz e halbs joor in ere farm lääbt und denn ghütet wird oder e schwein e halbs joor in dunkler massetierhaltig und denn gschlachtet wird, spielt im endeffekt kei rolle..

und weisch, ich glaubs es macht scho e rieeeeeese unterschied, ob du es tier für dr pelz trage (wo nit notwändig isch, wie z.b ässe) duesch stundelang liide loh, demüetige und quäle bis an bach abe, oder ob du es tier duesch für dr nutze züchte, unds aber denn au human duesch halte, nit quäle und s am schluss en bolzeschuss bechunt! du willsch das ALLEN ernstes also wirklich vergliche? sorry, aber denn fehlts dir eifach irgendwo...

es goht do jo nit drumm, was mr für gsetz sott ifüere,(do chansch in dr CH eh nüt mache!) sondern was für emotione do hoch chöme, wenn mir so sache gsehnd! aber das hesch glaubs nit verstande...

"WO lebsch du eigentlich? ufem mars? rosaroti brülle a oder was??? " sötti eher di froge. was meinsch du was in dr fleischzucht in dr schwiz abgoht? meinsch do springe schweinli und kälber fröhlich uf grüene wiese ume?

do bittschön:
http://www.vgt.ch/vn/0002/coop.htm

ganz allgemein: www.vgt.ch

und wennde mit notwendigkeit kunnsch söttsch jo wüsse, dass meh sich au fleischlos ernähre kah...


i läng mr efach an kopf ab dere doppelmoral. wohrscinlich dänkt do no e mänge, dass s steak im coop scho in dr packig härkunnt.
es macht demzufolge kei unterschied ob meh nerz oder schweinli züchtet. kah jo d nerz vorher mit CO betäube/töte und se denn hüte. das spielt sich nur in unserne köpf ab:" jöö fäll, härzig...schwein..hmm, nei biz kratzig, dört störts mi nit". i gseh kei problem im pelzgschäft, solang standarts ighalte wärde bezüglich tierschutz und i dänk, dass in dr fleischindustrie viel grössers übel agrichtet wird (elei scho mängemässig..ha mol sone bricht gseh über e EU schlachthof...20'000 schweinli...pro tag )

@silentpain

1. "aber die meiste ässes will sies gern hend"

--> glaub so pelzdame trage au pelz well sis gärn hän

2. weissi scho um was es euch goht. find das au e berechtigts alige solang meh nit doppelmoral walte losst. mit was i efach nüt afoh kah und was es grad uf stammtisch-niveau zieht isch, wemme nach folter und todesstrof für tierquäler schreit. so zügs verstand i efach nit und so lüt halti efach für sehr eifach-gstrickt. e tierquäler het nach em vorgsehene rächt verurteilt z wärde und sött sicher nit härter bestroft wärde wie eine wo sich an mensche vergoht...um das gohts mr. und todesstrof het no keinere gsellschaft öbbis gnützt (dorum villicht dä trend in europa resp. wältwit? )

argumentier sachlich und blib uf em bode, denn respektier i di alige.

I iss au Fleisch und i weiss das es unnötig isch eigentlich.
Trotzdem isch Pelz irgentwie was anderes. 1. sin bi de Pelzfarme, Tierhaltig viel schlechter als bi durchschnittliche Schwizer Viehzucht.
2. Pelz isch nur e Statussymbol, iwelche Snobs denke sie könnte sich denn abgrenze vom "schlechtere arme Volk"

sbaby = 2. account vom sirroma??

das het dr Arkon au scho gseit....


aber sbaby isch glaub wirklich e frau.... s het doch scho mol so en Fakeaccount gäh weiss nüm wie die gheisse het... die het als sehr ähnlichi asichte gha

das het dr Arkon au scho gseit....


aber sbaby isch glaub wirklich e frau.... s het doch scho mol so en Fakeaccount gäh weiss nüm wie die gheisse het... die het als sehr ähnlichi asichte gha

nix fakeaccount. i ha de account scho e zitli. und übrigens hani au scho mit em sirroma in threads grösseri diskussione kah (und nei i schrib nit eimol mit em einte und denn mit em andere account )

@silentpain

"wie ich au sag, das in mine auge en verf*** kinderschänder au genau s gliche verdient! das mr ihm s gliche aduet.
nit todesstrof. aber eifach s gliche mit glichem vergälte.
das isch mini meinig. und wem se nit passt, muess jo dä thread nit witterläse."

--> sorry aber mit so zügs nimmi di eifach nit ärnscht . do bini ächt froh, dass du nüt z sage hesch resp. allgemein lüt wie du. wenns um so emotionali themene goht bruchts lüt wo vernünftig blibe könne und nit ihri prinzipie und die vo unserem land über bord wärfe für e agäblich höhers interesse (tierschutz?). öbber wo menscherächt weniger stark gwichtet als tierschutz, dä kanni efach nit ärnscht näh (zwiefle sogar biz an dr urteilsfähigkeit wemme no dra festhaltet)..