Festzeit.ch Forum » Sonstiges » Französische Bulldogge
| Autor | Beitrag 1 - 15 |
|---|---|
| HateMeNowDi 19.6.07, 09:15 | Kollegin vo minre Schwö het en französischi Bulldogge und die Hünd sin eifach geil.. hehe wot mr au ein zue do und ha mol welle froge ob öber erfahrig het vo euch... är sig jo ideal für in de stadt, ich wohn ebbe in de stadt aber bi praktisch vom morge bis zobe wäg... cha me so en hund denn elei i de wohnig lo? |
| HateMeNowDi 19.6.07, 09:19 | so seht übrigens eini us  http://www.festzeit.ch/viewpic.php?id=5392683&ctx=6116&n=1 |
| MythINCDi 19.6.07, 09:23 | frogt sich für was du denn de hund wilsch. wenn du würklich so lang weg bisch, chönnts em tier recht langwilig werde. i weiss nit wie lauf-freudig die sind, aber mindestens 10minute pro tag sötsch glaubs scho mitem hund aktiv si - git aber au so proffesionelli hundeuslaufdienst |
| HateMeNowDi 19.6.07, 09:26 | ebbe.... french bulldogg.. klick mol uf de link woni inekopiert han.. die sin ebbe nit soo lauffreudig  bi notürlich scho kli go erkundige im internet und so aber s heisst eifach "viel zuwendung" aber was heisst das... rund um die uhr da sy für de hund oder wie isch das gmeint... |
| finelineDi 19.6.07, 09:28 | vor allem muesch luege, dass es immer schwiiriger wird e kamphund z'halte... |
| ArkinaDi 19.6.07, 09:29 | ich find e hund zhalte isch immer heikel wenn me dr ganz tag unterwägs isch... will die bruche halt scho viel usslauf, und die hän jo au ihri bedürfniss. |
| marciDi 19.6.07, 09:29 | und evt ghört jo dä hund zu dene wo vom bund verbote wärde |
| HateMeNowDi 19.6.07, 09:30 | isch kei kampfhund... oder sage mrs eso... er het e kampfhund vergangeheit aber isach vom wäse här absolut keine.. im gegeteil.. isch e familiehund.. |
| SportsIsPleasureDi 19.6.07, 10:35 | Mister1A i möcht dr jo nid nöchher träte, abr i glaub nid dasses die besti Idee wär. E Hund zhalte heisst vil Verantwortig überneh (ich weiss vo was i red, ha 2 dehei, läb eintli scho mis ganzes Läbe mit Huustierli). E Hund chasch nid dr ganzi Tag dehei elei loh. E Hund möcht spiele, Hünd kuschle mega gärn, wän vil Seich mache und vorallem sötsch mindestens am Morge, Mittag, Zobe, Znacht einisch mitem go laufe. En vom Morge bis am obe am 6i, wenn heime chunsch elei loh, isch nid das wahre. Vorallem wird er dir denn in dWohnig schiffe. Und was isch, wenn mol nachm schaffe mit de Kollege no ein wilsch go zische? Das goht schlecht, weil jo dr Hund deheime wartet. Gfüeteret muess dr Hund au immer wärde etc. Los dr so Sache mol dure Kopf goh. Dängg eifach dra, e Hund isch wiene Baby, er chan nüt elei mache. Du muesch alles mit ihm mache. Und e sone Hund heisst e Verantwortig über mehreri Joor. Sone franz. Bulldogge wird normalerwis zwüsche 12-14 Jährig. Will heisse, du heschen lang am Hals  I möcht dr nüt usrede, sondern nur dTragwiti vo somene Entscheid nöcherlegge. Dr einti vo mine 2 Hündis hani jez siti 8i bi und es isch no kei End in Sicht, dä isch no Quicklebendig und dr ander isch sowieso ersch 2 Jährig. Überleg drs guet  P.S: E Chatz wär e tolli alternative. Do ich nid ohni Tier cha, wird das mis nögschte Huustier. Die sin Selbstständig und schmuuse chasch au mit ne |
| HateMeNowDi 19.6.07, 10:42 | merci @stitch... mir isch scho klar das en hund nit als dekoration in de wohnig wird umestoh und me sich nit muess kümmere um ihn... morge, mittag, und geg obe wäri au do wäge zum go laufe, fütere etc.. wohn 15 min fuesswäg vom arbetsplatz ewäg.. aber wär übere mittag höchschtens e stund dehei.. mir isch au klar dase me muess luege wäge de ferie, Wks usw usw.... mir ischs lediglihc um d rasse gange, wills hünd git wo ender chasch elei lo in de wohnig und sottigi wos überhaupt nit vertrage und afön ummebälle etc... |
| SportsIsPleasureDi 19.6.07, 10:54 | Okey, also das dönt jo schomol guet. Ei Stund längt füre sones Tierli lang. Chasch jo au am Mittag nur kurz goh laufe und am Obe länger? Aber so wies dönt, hesch dr wirklich Gedangge gmacht. zur Französische Bulldogge: Ha au scho mitne zdue gha, und vom Usseh här schätzt me se total falsch ih. Sie sind sau lieb, mega verschmust und hön mega Geduld. Babys chöne z.B. dem Hund die ganz Zit an dä Ohre umerisse, dä stoht nur do und losts über sich ergoh Er isch generell sehr e treue Hund, wenn au nid dr intelligentischti (was jo bimene Hund nid würklich e Rolle spilt). Sie tolle gern umenand, abr wenn du z.B. pro Tag 20min - 30min dusse mitm richtig umetollsch, denn ischm füre ganzi Tag wohl.Dä Hund stellt würklich nid vili Asprüch und isch würklich e treui Seel. Generell gilt abr natürlich au widr, am Afang muesch di richtig intensiv mitm beschäftige und vlt. au in dHundeschuel, wenn nid so erfahre bisch im Umgang mit Hünd. Das Wäse muess di jo schliesslich au zersch als Chef aseh, bevor me die Gränze vernichte cha. Dönt dumm, isch aber so. Lies das mol dure http://www.fci.be/uploaded_files/101d98_de.doc Isch wirklich e gueti Beschribig. |
| HateMeNowDi 19.6.07, 11:01 | messi... jo das kenni alles in däm beschrib... ebbe wie gseit.. ha mi gnueg beschäftig mit däm... und ebbe, s wär eigentli de ideal hund für öber i de stadt und wo vellicht nit soooo mega zyt het.. aber wenn den warti eh no bis negscht johr willi d RS noni gmacht han.. jo und das mit de hundeschuel isch immer guet, au zum d "hundesproch" kenne z lehr und alles het me mir gseit.... |
| SportsIsPleasureDi 19.6.07, 11:06 | Jop richtig 3 Sache möchti (nomol) betont ha. 1. Dä Hund isch e harte Schmusehund. Er isch wirklich sehr menschebezoge und wird di unheimlich gern becho 2. Er isch kurzatmig. Bedingt durch sie Körper etc. ischr nid dr usdurentschti 3. Das häti fascht vergässe: Sehr vili französischi Bulldoge hän e Hang zum "schnarchle". Es isch nid direkt schnarchle, abr sie gän so chli Lut vo sich. Dodra muesch di abr gwöhne, denn dä Hund wird immr bi dir in dr Nöchi welle schlofe (siehe Punk 1) |
| HateMeNowDi 19.6.07, 11:11 | denn miesst men de hund wohl ane schlofkörbli gwöhne lo... hehe jo und das mit em schnarche chunt wohl vo de nach "hinte gsetzte" nase gelle ? ich schau mal... los mr no chli zyt... messi... falls öber kennsch wo bullys wot seischs, mi schwö lot ihre bully (eigentlihc de kolegin ihre) decke und verkauft d babys will si schins so gfrogt sin |
| SportsIsPleasureDi 19.6.07, 11:18 | Wieso sie so komischi Lut vo sich gän weissi leidr nid. Es het mi nur hard ufgregt woni mol uf eine ha miesse ufpasse I has nämli gern ruhig in dr Nacht. Das mitm Chörbli isch e Möglichkeit, nur wird dr Hund wahrschins trotzdem in dim Zimmer welle si. Dä woni ebbe mol zum upasse gha ha, het nämli partout nid us mim Zimmer welle goh, was füre Nacht. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©