Festzeit.ch Forum » Sonstiges » bessere kontrollen bei festzeit
| Autor | Beitrag 1 - 15 |
|---|---|
| trumpifrauMi 20.6.07, 10:25 | ha gester im tele basel de bricht gseh vom festzeit und mue säge kontrolle bi de bildli chönt besser sie. |
| finelineMi 20.6.07, 10:31 | es git mehreri 10000 benutzer, mehreri 1000 bilder wärde pro tag uffeglade. glaubs 11 administratore sind ume. und die mache das alles näbebrueflich. du chasch doch nid erwarte dass die jedes bild einzeln gönd go aaluege. oder findsch doch? |
| trumpifrauMi 20.6.07, 10:32 | anders wo gohts ja au. |
| J4LMi 20.6.07, 10:38 | anders wo.... wo den?  So föteli findisch jo überall  Und 11 Moderatore für sone page isch scho wirkli wenig aber sie maches scho rächt guet  Die andere site wo du meinsch sind sicher vo Firmene wo d`möglichkeit händ 100% dra z`schaffe |
| tschugileMi 20.6.07, 10:40 | anderswo sin se agstellt.. logischerwiis mien se dene zahlt si und um das zu finanziere muess me mehr Werbig mache.. damit mehr geld inekunnt kleine iblick: pro Tag wärde.. 10000 neui Bilder ufeglaade 25000 neui Kommentär abgä 160000 Nachrichte verschickt 1700 Forumbiträg abgä und öpe 100 Lüt wän dr Name ändere.. ajo und mir hän 68000 Accounts näbeher stön mir am morge uf, schaffe, gön wieder hei.. das isch bi dr meischte so um die 5i ume odr spöter.. und dene sött me zObe no alles kontrolliere ? Sorry das isch nid möglich ! Au mir hän no e Privatläbe e witeri Möglichkeit isch das mir eifach ischränke das jede nur no 10 Bilder ufelaade ka.. aber das wär schad, wells lessig isch wenn d Lüüt zjm Bispiel Geburtstag ka hän odr in dr Ferie xi sin und vo döt eifach Bilder ufelaade.. das macht uns Spass und au dr Lüüt, dorum sött das erhalte bliibe Usserdäm hesch an jedem Bild unde e Button mit "Bild melden", dä kasch jo bruche.. des witeren 1 mal bearbeitet, zuletzt Mi 20.6.07, 10:41 |
| holysmokeMi 20.6.07, 10:40 | me cha mache das immer 10 user müen zuestimme öb es bild "publiziert" wärde dörf. anderi websiite hän das erfolgriich umgsetzt. d fz-community isch gnueg gross dases zu jeder tagesziit 10 user het wo uf "bild ist ok" klicke... isch nur e frog vom ziitufwand und dr motivation |
| finelineMi 20.6.07, 10:41 | @ grabriela... eigendlich ischs doch himmeltruurig, dass so kontrolle überhaupt nötig sind oder? wie de tschugi seit chasch du jedes bild mälde wo du unpassend findsch, so unterstützisch du scho sehr die ganzi gschicht. |
| tschugileMi 20.6.07, 10:42 | sorry, aber 10 Kollege wo mir Pornobild odr e Nazibild oder au e Bild "hey dr XXX isch s gröschte A****" absägne, findi innert 1 Minute |
| finelineMi 20.6.07, 10:42 | @ holy, wird nid funktioniere. do mache sich gnueg e freud druss zum andere ans bei go pisse. |
| r2kMi 20.6.07, 10:42 | Geschter e bricht? Ka ich emol dä link ha? |
| holysmokeMi 20.6.07, 10:43 | machemer halt de ganz lade zue  |
| tschugileMi 20.6.07, 10:44 | http://www.festzeit.ch/viewpic.php?id=5377562&ctx=1370&n=2 |
| trumpifrauMi 20.6.07, 10:44 | @fineline jo do geb ich dir recht ich finds au trurig aber so isch dashüt halt. he ich ha den do kei stress welle isch nur mini meinig gsi @r2k das isch im tele basel gsi bi dem mash do die jugendsändig |
| r2kMi 20.6.07, 10:47 | merci für dr link, denn ka ich no lang bim 7vor7 go sueche |
| Calvin2kMi 20.6.07, 10:52 | i wär scho bereit mitzhelfe bi fotolösche, falls dr no meh mods bruchet... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©