Festzeit.ch Forum » Sonstiges » Essverbot im Tram
| Autor | Beitrag 16 - 27 |
|---|---|
| r2kDo 28.6.07, 18:26 | also s trinke ka ich nid ganz verstoh, vorallem im summer. ässe ok das isch nochvollziehbar ich mein me isch jo nid 1 stund im trämli oder? |
| EdHardyDo 28.6.07, 18:31 | also d BVB isch e öffentlich rechtlichi astalt. sie kah sehrwohl bestimmige und verbot erloh, jedoch ergänn sich minere asicht noch 2 problem: 1. isch d BVB als öffentlich rechtlichi astalt an d wahrig vo de grundrecht bunde (art. 35 bv). guet, s ässe vo döner stellt kum sone wichtigs persönlichkeitsrecht dar dass es unter art. 10 abs. 2 bv z subsumiere wär. jedoch gsehni s problem grad im summer wenn si wirklich das zügs wänn duresetze und eim sogar s trinke vo wasser verbiete wänn (mir alli wüsse wie guet d klimaalage in de trämmli und büss funktioniere...hmm, hän die überhaupt a/c?  ). i wird mi dorum nit abhalte loh flüssigkeit im trämmli ufznäh...jeglichs verbiete vo dr bvb stellt mines erachtens im hiblick uf heissi temperature e igriff in die körperlichi integrität dar.2. wänn si bi nitbefolge d lüt us em gfährt wiese (buesse gits jo nit) könnt das mines erachtens problematisch wärde do e transportpflicht vorliegt. probier das mol usezfinde  |
| MrMefDo 28.6.07, 18:37 | jo also ich has falsch formuliert, si döffes verbiete, si könne aber keini buesse ussteile...so ischs uf jedefall mol inder ziitig gstande...und was nützt denn? |
| EdHardyDo 28.6.07, 18:49 | also mi empfählih: i würd mi drahalte was s ässe abelangt und s trinke vo alkoholische getränk oder aber dr stress mit em bvbv personal in kauf näh und allefalls au usegworfe wärde.. wenn si allerdings bi hitz dumm tüen und mi wänn usewärfe wenni an ere wasserfläsche sug würdi mr das nit biete loh |
| r2kDo 28.6.07, 18:53 | di usführig isch sehr guet! ich stimm dir voll und ganz zue und ich glaub wenn de vo dr BV afo rede deusch ziehn si sich sicher zrugg. |
| gothbarbieDo 28.6.07, 18:58 | ich finds au nid okay wenn me bestimmti Sache im Tram isst wo alli könne schmecke .. like döner, mc, schinkegipfeli, und glace au will de schnell mol was tropft. aber wenn öper mol si sandwich, weggli oder was "neutrals" isst müessts jo eigentlich kei problem si ... |
| EdHardyDo 28.6.07, 19:00 | jo wenn sis nit mache (BV isch jo nit massgäbens recht und gegeüber ere behörde nit direkt durchsetzbar) und di wirklich usewärfe und dr mit polizei drohe wo di denn entferne sött, denn befolgschs halt und verlangsch bi dr bvb-verwaltig e feststelligsverfüegig (well jo e realakt isch) und mit dere gosch denn mit dim awalt vor die grichtliche instanze, wenns si mues bis bundesgricht |
| r2kDo 28.6.07, 19:04 | du studiersch aber nid öppe jus oder? wie meinsch das mit: (BV isch jo nit massgäbens recht und gegeüber ere behörde nit direkt durchsetzbar) |
| SpacecowboyDo 28.6.07, 19:07 | Ich ha die Durchsagene au scho ghört und d Flyer gseh wo sie ufghängt hei Findes eifach witzig....well vor e paar Jahr wo's nonig verbote gsi isch, hani mal e Döner im Tram gmampft und mi Kolleg het immer ganz luut umegrüeft "Was stinkt do so nach Ziebele ?" Ha nüm chöne! Nei jetzt dueni au nüm im Trämli ässe, höchstens wenns e Notfall isch (Sandwich, Gipfeli oder so). Aber au anderi Sache chöne für e Gruchsbelästigung sorge, ich finds immer toll wenni in Zug istiege und denn öpper näbe mir anehockt unds plötzlich nach Mandarinli "stinkt" !  |
| EdHardyDo 28.6.07, 19:16 | doch studier scho ius ..und grad im hiblick uf so sache nütz is no oft. ha mr so scho buesse vo dr polizei könne für nichtig erkläre loh und ha au scho mol e drohends militärstrofverfahre abgwändet also das mit dr BV hani so gmeint, dass sich s Bundesgricht und d Verwaltig immer uf bundesgsetz resp gsetz stütze. BV het d funktion vonere leitlinie, die denn in bundesgsetz verwirklicht wird. im konkrete fall kasch denne vor em BGer vorbringe dass e gsetz resp. e bestimmig drus nit mit de grundrecht veribar isch (konkreti normekontrolle). aber du kasch nie e verwaltig oder beamti mit hiwiis uf d BV zu öbbisem bringe well die ebbe in de bundesgetz/gsetz konkretisiert wärde mues |
| r2kDo 28.6.07, 19:35 | danke für d usfüehrig, jetzt bi ich gstige. |
| holysmokeDo 28.6.07, 20:18 | fast food stinkt... aber trinke söttme trotzdem erlaube, ha no keine erläbt wo trunke het und nochher s ganze tram denoch gstunke het... usser es fallt eim e tenpac abe und s ganze tram stoht nochher in 20cm schuum... *schrägzujemandemrüberschau* 1 mal bearbeitet, zuletzt Do 28.6.07, 20:18 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©