Festzeit.ch Forum » Sonstiges » schräge Erlebnisse
| Autor | Beitrag 16 - 30 |
|---|---|
| SpinnerSo 1.7.07, 15:40 | aslo geschter bini über 6 Meter glüehendi Kohle gloffe und i ha nid ei Blotere am Fuess! ISch au e huerre komischs erläbniss gsi! |
| SplinterSo 1.7.07, 15:58 | iiiyyyeaahh!!! legaliz it, wuuu huuu.  odr hets e andere Grund?  |
| HoldBackTheDaySo 1.7.07, 18:01 | die alte lüt sind scho schlimm zumbispil als ich for äh paar täg mit de fründin ins kino gange bi. den bi unserem platz akoh hockt döt so ne alti schachtle den hemmir si bittet wegzgoh den het die uns d karte zeigt und gschroe "doh gsend dir das das mi platz isch also hauet ab und suechet euch eh andere platz" den ich so zu der alte schachtle "sie wüsse sie das sie im falsche kino sind?" und den isch die alti schachtle abghaue. und mir hend d film in aller rueh luege könne (ganz allei isch überhaupt niemerts im kino gsie user mini fründin und ich) |
| pünktchenSo 1.7.07, 22:23 | ich bi itze grad mit em hund go laufe so richtig gmütlich am waldrand entlang und plötzlich göhr ich es raschle vom wald das isch jo nüt neus aber s komische isch gsi das grüsch isch immer näbe mir gsi au wenn ich gseklet bin es isch au bi mir stoh bliebe gott han ich schiss beko und au so brummendi dicki chäfer simmer um e kopf gfloge also das isch ächt mystisch gsi...weiss ächt nit was das für es viech gsi isch... |
| gothbarbieSo 1.7.07, 22:27 | villich di Hund !? xD |
| heimdallSo 1.7.07, 22:28 | tinitus. |
| pünktchenSo 1.7.07, 22:29 | am arsch unde mit dim tinitus! nei min hund isches sicher nit gsi hanen jo andr leine kah! |
| MythINCSo 1.7.07, 22:32 | glaubs s isch würklich dr hund gsi |
| heimdallSo 1.7.07, 22:33 | oder ebbe doch tinitus.  |
| XellosSo 1.7.07, 22:35 | Ich bi kürzlich mitere Kollegin in de Stadt gsi, wil sie e neus Natel het wölle und Hilf bim Ussueche bruucht het. Also hani mich gopferet und bi mitgange. Im Natellaade hämr chli Natels aagluegt...nüt bsunders. Denn isch d Kollegin an Kasse gange und het sich welle über Abos informiere. Ich bi zu ihre gange und ha näbe ihre zuegloost. Und do het us de Verkäufer doch tatsächlich e Abo für 2 Persoone wölle aabiete mit de Begründig, dass es doch für verhüürotiti so viel billiger würd ko. S bescht isch gsi, dass d Kollegin und ich do no mitgspielt hän und em Verkäufer de Glaube glo, dass ich mit ihre verhürotet sig. |
| pünktchenSo 1.7.07, 22:37 | ach ihr händ doch ächt kei ahnig ich göhr sehr guet und es isch e grüsch gsi vom wald und äst händ knackst und blätter händ graschlet es cha weder vo mir no vom hund gsi si will mir si uf em wäg glofe! |
| MythINCSo 1.7.07, 22:52 | naja, anschienend lebe au tierli im wald anfag summer hets mi au innere einsame "ich-muss-sport-mache-aktion" uf d Ruine Pfeffige triebe. no hani chli unterschätzt wie schnells s dunkel wird - me ghört überall wie de wald doch lebt |
| gothbarbieDi 3.7.07, 19:56 | denn isch es de Wind gsi^^ oder di Hund^^ |
| XandalfDi 3.7.07, 20:18 | I be ane FcB match em Joggeli gange.Denn em Zoog z Stein chunnt sone alte Typ ond seit mer eifach: "hesch scho gwösst es get vier Stei i de Schwiiz" ond foot a uufzelle |
| NilsBaselDi 3.7.07, 20:26 | vor e paar Joor ha ich mini Gschwirwäschmaschine laufe lo und bi denn go TV luege. Chli spöter schiesst mir e Gedanke dure Kopf dass Wasser us dr Maschine lauft.... bi sofort go nocheluege und tatsächlich.... e grossi Wasserlache isch vor dr Maschine gsi. Ohni dä Gedanke wär die ganz Kuchi no unter Wasser gstande  |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©