Festzeit.ch Forum » Computer » VGA Out Problem am Laptop
| Autor | Beitrag |
|---|---|
| marcovoltDi 10.7.07, 00:47 | Ich ha e grosses Probelem! Am Laptop chan ich zwar Problemlos mit em Interne Display arbeite, weni aber e Externe Bildschirm über VGA Aschliesse chunt dört ke Bild. I ha scho alles versuchet vo BIOS zrugsetze bis XP neu Installiere, nüt het öppis brocht. Uf de Hersteller Site (Dell) hani au nach lösige gsucht aber au dört hets need viel anderi Idee gha. Jetzte d Frog an euch, hend ihr no irgend welchi idee wo i chan teschte? S Komische isch, d Bildschirm wird erkennt ( wennen isteck chani in de Graka lischte de Extern Monitor awäle und au de Windows Hardware Sound ( wenn mer was aschliesst chunt) |
| XxHeimJungexXDi 10.7.07, 01:06 | hesch an de triiber scho echli gbaschtelt? |
| marcovoltDi 10.7.07, 01:12 | nei, aber bim Starte, z.B. im BIOS set s bild so wie so uf beidne Bildschirm cho  I denke mal d Graka isch irgend wie defekt. Dos e On Board isch chani si au need ersetze. Naja s isch eifach scheisse  I arbeite lieber mit mehrere Bildschirm. D Garantie isch au abgloffe, suscht hetis so gmacht. |
| XxHeimJungexXDi 10.7.07, 01:35 | hmm...ich ha keeeei ahnig vo so doppeltbildschirm-züüg. chani mir nid leischte  |
| marcovoltDi 10.7.07, 01:45 | das wo ich anere Richtige Grafikkarte gspart han bi dem Laptop han ich in e Externe Bildschim investiert  Bim Code ischs eifach scho besser wenn mehreri Bildshcirm hesch  han bis jetzte immer uf em Externe Monitor Programmiert und uf em Display sälber de Broweser offe gha zum luege öbs au stimmt wasi mache Naja mues wohl weder de alti Laptop füre neh. Han mal an de Support e Mail gschribe vilicht hends ja no e idee |
| XxHeimJungexXDi 10.7.07, 01:50 | ich due lieber ufem PC code, und direkt uf server2 speichere, und dört agucke. für die ganze huere server sin alti chlini röhremonitore immerno guet gnueg. Jä nu, vil spass mitem support. ich hass support |
| TiefenweltenDi 10.7.07, 07:24 | lueg mol obs e Firmware Update git für di Notebook, evtl. isch e Schnittstell uf der Retail-Firmware nit richtig programmiert.. me weiss jo nie, vorallem bi Dell (!) 1 mal bearbeitet, zuletzt Di 10.7.07, 07:24 |
| marcovoltDi 10.7.07, 14:48 | hehe, ha geschter s neuschrt BIOS druf glade, het au nix brocht, i luege jetzte mal no öbs e neue Grafiktriber git, wobi i das eher weniger denke. s isch eifasch Scheisse han uf piazza.ch gead en Beamer kauft und jetze chanen need mal bruche oder hald ebe nur mit em alte Laptop |
| XxHeimJungexXDi 10.7.07, 14:52 | marco het z'vil gäääääld |
| marcovoltDi 10.7.07, 15:44 | nei ebe need Suscht müesti need en Beamer uf Piazza go chaufe ^^ de häti en neue kauft Naja suscht muesen hald via S-Video aschliesse, de aschluss got nämli no, aber die Qualität isch sicher super guet |
| marcovoltMi 11.7.07, 17:43 | So allso, neuschte bericht: Dell schribt zrug, hend mer ca 5 Lösigswäg ufgschribe woni alli scho gmacht han und gschribe das es fals es d Graka isch türer würd wärde ^^ Han jetzte e USB Grafikkarte kauft. Leider isch die need so würkli das wahr, het nit di volli uflösig wo min 19" TFT würd schaffe, reagiert langsam (nur 8MB SD-RAM) I schrib dem vom Support jetzte nomal zrug und Frog wie viel das es ungefär würd choschte und wens z viel choschtet denne wirdi jetzte hald e Halbs johr ca. so Arbeite und en denne Verchaufe und mir en neue chaufe. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©