Festzeit.ch Forum » Medien » Songs schriibe
| Autor | Beitrag |
|---|---|
| GeneralKnowledgeSa 21.7.07, 19:29 | Hoi zäme Also ich spiil jetzt sit 2 Joor Gitarre und s macht mer viel spass. Ich hät au sho 2 Kollege wo mit mir e Band WÜRDE gründ allerdings ish das lles bizzli unorganisiert. Jedefalls würd ich eifach emol es paar Songs schriibe aber irgendwie wüsst i nit wie ich mi sött usdrucke bim Text ich wott öbbis sinnvolls schriibe nid irgend e misht,es anders Prob wär au dr Sound eifach druff lso probiere chegg ich nid eso. Ka mir do öbber Tipps gä ode rbini in dere Sach eifach voll untalentiert? Mezzy für Antworte  |
| SportsIsPleasureSa 21.7.07, 19:48 | Hey Checkes Glaubs mr, Songs schribe isch e Thema für sich, das erforderet sehr vil Iebig und sehr vil Zit wode dri muesch investiere. Am beste fangsch nur mol mitm instrumentale teil ah. Mach dr mol es Riff wo dr gfallt. Am beste suechsch mol folgendi Gitarreparts: - Chorus (dörf sehr stark im vordergrund stoh, sehr dick) - Strophe (eher usgspaart und dünn, damit dr Gsang mehr zu gältig chunt) - Pre-Chorus (Verbindig vo Strophe zum Chorus) - Bridge (Es Zwüschestück, das cha zum Afang au eifach dStrophe z.b. e Quinte höchergspilt si) Optional: - Intro - Solo - Outro Do öbis zfinde brucht schomol sehr sehr vil zit. Zumal jo die Sache guet mien zämmepasse. Dorum, nimm dr nur 1 Tonart füre Lied, z.B: C-Dur. Die Eifachsti Art e Song zentwickle wär denn öbbe so. Tonart bestimme: Hier C-Dur / A-Moll Note enthalte: C,D,E,F,G,A,H Stufeakkörd (Akkörd wo zur Tonleitere ghöre: - C-Dur = 1 stuefe - D-Moll = 2 Stuefe - E-Moll = 3 Stuefe - F-Dur - 4 Stuefe - G-Dur = 5 Stuefe - A.Moll = 6 Stuefe - H-vermindert = 7 Stuefe Jez nimmsch dr e Kadenz wo dr passt. E Kadenz isch e Reihefolg vo Akkörd, Z.B: C-Dur, D-Dur, A-Moll = Das wär e Teilakdenz über Stuefe I, II, VI Die spilsch imene bstimmte rythmus (vo dir gwählt) und scho hesch e Song. Das wär sEifachste am Afang. Sorry muess grad go ässe, dorum chani nüm witr erkläre. bi konkrete froge chasch mi ruhig froge. Uskünft git au: www.musiker-board.de Gruess |
| elynSa 21.7.07, 20:08 | oder du machsches anderschd...setzisch dich eifach anes kla4 odr nimmsch e gitarre und fohsch eifach mol aa...chunnt au rächt guet! muesch halt usefinde was am eifachschde isch für di 1 mal bearbeitet, zuletzt Sa 21.7.07, 20:11 |
| GeneralKnowledgeSa 21.7.07, 23:52 | Ok mezzy shomol fürd Antworte vilicht bini au no bizz jung und sött mol alles wo mi bedruckt und mi ufregd ufschriibe denn hani sicher Material für en Text... Naja bi au ersht 15 das kunnt denn wohl au no mit dr Ziit Mezzy nomol, witteri Antowrte erwünsht |
| SportsIsPleasureSo 22.7.07, 18:06 | Text sin am Afang eintli nid sooo wichtig. Das ergitt sich. Vil schwerer isches e zämmepassendi Melodie zfinde, glaubs mr. Das brucht zimli Zit. Dr Text ergit sich denn spötr fascht vonelei. Wie gseit, Musiktheorie, Hamronielehr etc. sin sehr nützlich bim Songsschribe  |
| TaxSo 22.7.07, 21:42 | Also wenn mir e Text uf de Zunge brennt schalt ich eifach irgend e Keyboard ah und fang ah spiele.. dr Text pass i denn eifach dr Melodie ah.. Isch am eifachste und effektivste... Ach ja: Ich sing nid selber.. i ha ne Vocoder  |
| ImmortalSo 22.7.07, 21:59 | Also bi mir isch es so, dass ich ä Text und ä Grundmelodie oft scho im Kopf ha. Da ich aber kei Instrument spiel bruch ich immer sehr begabti Instrumentalischtä um mich.Und so entstöh meischtens gueti Songs. Allerdings mach ich das eh nur no seltä. Ha dr Atrieb nümm so für Text bin im Moment sehr uf Gedicht fixiert wo sich nid so lö lo im ä Song umsetzä. |
| DieSchlingeMo 15.10.07, 14:55 | Falls du immer no Froge hesch oder so, ha dr e PN gschriebe. Bi dr Sänger vo Niveau (me kennt uns nonig), mir händ sit em Mai e Plattevertrag und Manager, me wird ab ändi 2008 vo uns ghöre... Ich schrib scho sit Johre gedicht, Text und Songs. Also falls du willsch, ich cha dir gärn in paarne Sache wie Text schriebe, organisation allgemein vonere Band usw. Tips gä und witerhälfe. LG Pasci |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©