Festzeit.ch Forum » Kritik / Anregungen » Neus Namensschildli...
| Autor | Beitrag 1 - 15 |
|---|---|
| StiiGMo 30.1.06, 20:52 | Liäbi Festzeit-Gmeind, liäbä Admin Alles wird veränderet bzw. verbesseret. Jedoch wärde Simpli Sache vergässe, so schints mer! Wiä wärs, liäbi Läsende, wenn me us verschidene Namensschildli Versione chönt ussuächä? Vilicht das jede sis Namensschildli sogar no chönt Personalisiere? Oder diä simplischti Lösig, dasses eifach e "Namensschildli-Update" git? Ich freu mi uf euchi konstruktive Meinige und wünsch allne es guets Verblibe [/hochstehend]  2 mal bearbeitet, zuletzt Mo 30.1.06, 20:53 |
| snowbodyMo 30.1.06, 20:59 | weles namensschildli meinsch du gnau? s aazeigebild? da chasch jo sälber verändere! ond wa verstohsch onder namensschild-updated?  |
| mooonMo 30.1.06, 21:00 | hey... sorry... aber i find me cha uf dere page weissgott scho gnueg personalisiere... irgendwenn längts... und i glaub nid dass dr quix für so "details" zyt het im moment... lönd dr chef doch mol in friidää  |
| wondiMo 30.1.06, 21:14 | i bi dr meinig das genau d eifach heit vo dr page si so speziel und interessant macht! |
| StiiGMo 30.1.06, 21:14 | @ixus400 Nei ich red vo däm "Drücki", dass chline langeckige, blaue Namensschildli, wo de chansch ufs Föteli duä, damits uf diner Page erschint @mooon Ich find ebä genau das isch rächt wichtig und wens si muäss design ich ihm au sones neus Namensschildli. Usserdäm find ich, dass wenn das dr Quix nid will, söll er das sälber poste und du sötsch nid für ihn antworte. @Wonderworld Das hani au gfunde.... Bis s'neue Design cho isch!  1 mal bearbeitet, zuletzt Mo 30.1.06, 21:15 |
| IrusVirusMo 30.1.06, 21:55 | wiso willsch das eigetlich?! scho gmerkt... lang druf blibe... <<Laden...>>... warte... kurzi Profilinfos erschiene  |
| StiiGMo 30.1.06, 22:03 | Danke für Tipp, aber doch das weissi! I fänds eifach no schön, wenns nid sones langwiligs blaus "Ding" isch... Wär doch cool, wenns chli farbig wär, oder irgend so öpis... Weisch nid wiä ich mein? Z.B. miteme Feuerrahme ume drum (eher es Bispil, nid als Verwürklichung oder Wunsch dänkt) |
| IrusVirusMo 30.1.06, 22:13 | wenn du dr Name willsch verziere... do e chlises bispiel: Bild: http://img203.imageshack.us/img203/256/festzeitbild25iq.png Fändsches e so guet? glaubs nid gäll... Also uf die Art chasches vergässe will d Schrift zu klei isch und Deteis im chliine lige... und falls du hesch gmeint, das dr hintergrund färbig chönnt si... seht au scheisse us und wennme 20 layouts hätt, wome cha uswähle, müessteme warschinlich no d fz-Server ufrüste für mehr performance Jetzt verstande wiso das au nid möglich wär? 1 mal bearbeitet, zuletzt Mo 30.1.06, 22:13 |
| StiiGMo 30.1.06, 22:29 | Okey... i ha gseh was du meinsch! Aber um sone "grossi" Veränderig gohts mer garnid... i dänk eifach, me chönt's doch bizeli em neue "futuremässige" Design apasse! I ha jetz au mol schnell e chlises Bispil gmacht! Nüt grossartigs, aber eifach zum zeige wiä ich mein! Es isch s'gliche Bild vo dir, s'einte mol mitem alte Namensschildli, s'andere mol mis neue ufere dunkle und ufere helle Oberflächi: http://home.tiscalinet.ch/donsyqo/name2.jpg Und do no s'Schildli elei: http://home.tiscalinet.ch/donsyqo/name1.jpg I hoff me gsehts guät! Es isch e chline Farbverlaufe vom Schwarz ins Blau ins Schwarz. |
| snickerMo 30.1.06, 22:35 | und vilicht chli heller?! aso isch chli mega dunkel findi.. |
| StiiGMo 30.1.06, 22:38 | Isch eigentlich nur e Bispil. Eifach zum zeige, wiä ases gmeint isch! I würd denn s'endgültige Produkt (sofärn ich d'Ehr ha, dass z'designe) scho no (viel) geiler mache! P.S. I hoff dr Quix list dä Bitrag! =D |
| sigmaMo 30.1.06, 22:39 | also ich find s aktuelle schönner... |
| StiiGMo 30.1.06, 22:41 | Nomol: Just an example! 3 mal bearbeitet, zuletzt Mo 30.1.06, 22:49 |
| IrusVirusDi 31.1.06, 03:07 | hmm... <<I würd denn s'endgültige Produkt (sofärn ich d'Ehr ha, dass z'designe) scho no (viel) geiler mache!>> Wie willsch du e max.  100x15 pixel grosses Namensschildli "geiler" mache? das isch e sooo klei!Und erlichgseit... ich find die jetztige au besser. ich chönts jo no verstoh wenn die ganzi fz-site rot wär, das dene au d Namensschildli rot sötte si... aber so isches guet wies jetzt isch. sry 1 mal bearbeitet, zuletzt Di 31.1.06, 03:08 |
| mooonDi 31.1.06, 12:19 | i find s aktuelle ehrlig gseit au schöner... es isch schlicht und klar... so wie ganz festzeit... und das sin eifach nur details... an die cha me sich mache wenn me susch nüt me z tue het uf dr page (was im moment glaub nid dr fall isch)... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©