Festzeit.ch Forum » Autos » Mazda RX-8 gege Hyundai Tiburon (Hyundai Coupé)!
| Autor | Beitrag |
|---|---|
| LuggaSo 5.8.07, 13:43 | Sali zämme! Wele Wage findet ihr vom Usgseh und vo dr Leistig här besser? Ich bi e grosse Fan vom Mada RX-8!!! |
| RheinPiratSo 5.8.07, 13:45 | Eidütig dr RX-8, er seht viel sportlicher uss als dr hyundai Und abgseh drvo hetter ä wankelmotor  1 mal bearbeitet, zuletzt So 5.8.07, 13:46 |
| LuggaSo 5.8.07, 13:48 | stimmt scho! Aber d'Lebensduur vo däm isch nit so gross wie bimene normale Motor... (glaubi) |
| SchoorschGaggooSo 5.8.07, 16:43 | Naja, beidi nit so wahnsinns Wääge... ich stand halt au nit so uff d'Japaner...  |
| LuggaSo 5.8.07, 16:46 | @ SchoorschGaggoo: Wie stohts mit em Nissan 350z? Oder em Infiniti G35? Oder wele Wage findsch du guet/geil? |
| EimerSo 5.8.07, 17:05 | de Hyundai isch kei Japaner  |
| VillaniSo 5.8.07, 17:20 | Hm, das stimmt jo so nid ganz. Dr Wankelmotor cha guet und gern 300 000 Km fahre. Isch halt alles e sach vom Warm bzw kalt fahre. Also mir gfalle ehrlichgseit beidi nid. Soundsystem vom rx8 isch nice. Dr motor isch aber für sportlichsfahre recht nervig, muesch immer über 5 000 u/min dreihe will suscht het die büxe kei power  |
| daschSo 5.8.07, 18:31 | also wenn denn rx-8! |
| SchoorschGaggooSo 5.8.07, 18:50 | @Lugga: au do muessi Di enttüsche, dr Nissan bini sogar mol gfahre - är macht zwar schono Fun, aber kaufe würd ich en nie... mir fählt aifach bitz dr Style bi däne Autis, d'Amuetig im Interieur (Plastik etc.) findi unbefriedigend und so witer - was me däne Autis sicher muess z'guet halte muess isch d'Qualität wo maischtens stimmt. Ich stand eher uf europäischi Autis wie BMW, Audi etc.! Hän für mi mehr Emotione, gsehn viel besser us und das maischtens ganz ohni billigs Tuning etc.! Ich weiss ich gang nit so ganz nochem Mainstream aber dasch halt mini Mainig... würd mir au nie sone pseudo-Ferrari us Färnoscht zuelege !2 mal bearbeitet, zuletzt So 5.8.07, 18:52 |
| YhImFingPerfectIKnowMo 6.8.07, 21:39 | würd de rx8 näh obwohl d benzinrächnig horend wird |
| kn2Mo 6.8.07, 23:50 | wür mal säge inne sin beidi halt japaner.. wobi i dr hyundai irgendwie no edler in erinnerig ha.. so mitem polierte metall.. aber irgendwie sin die auto sowieso nid in dr gliche priisklass.. also wenn 10mill hesch findi dr hy. e ganz guetz auto..naja.. obwohl er sicherlich durschtig isch mitem 2.7v6 aber au guet lauft (mal abgseh devo, dass fasch all automate sin).. dr rx8 hani no nie gfahre, aber optisch mit de 4 türe wo sehr vollwärtig sind (also nid so notsitzmässig) isch er scho speziell und machten interessant.. und tunigmöglichkeite hesch glaubs meh usswahl bim mazda.. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©