Festzeit.ch Forum » Politik / Religion » Worum glaubsch du an gott oder ebbe au nid??
| Autor | Beitrag 256 - 270 |
|---|---|
| finelineDo 1.11.07, 10:38 |  Merci. Bi froh wenn moll öpper uff das iigoot woni sag. Und so lütt gitts wenig do inne. Ych will niemerem de Glaube uffzwinge. Ich will nur klar mache, dass de Glaube nid nur Bullshit pur isch. Dass es au sache gitt im Glaube und wo in dr Bible stönd wo sogar rational sind. |
| d0mEDo 1.11.07, 10:41 | hm, ich seh s problem nid in dr bibel, obwohl vil dört drin sicher schlicht erfunde isch, s problem isch eher d fiehrig vo dr kirche, und drmit mein ich vor allem die katholischi, die hän eifach e knall was sie so usselöhn |
| babycakeDo 1.11.07, 10:43 | Ich weiss nid, mir is scho immer schwergfalle zglaube, dass es e höcheri Macht git, allwissend und allmächtig!!! Ich chas nid fasse und nid seh... Ich bi no nie züüg vomene "bewiis" vor existänz vo somene Wäse worde!! Ich bi skeptisch und verloss mi in dem Fall ûf dwüsseschafte!!! |
| babycakeDo 1.11.07, 10:44 | Inquisition, ablasshandel, zensur... isch villes schief gloffe, scho in dr Gschicht!!! |
| finelineDo 1.11.07, 10:47 | Aber jetzt nomoll zrugg zur Entstehigsgschicht vo dr bible: Wenn die gschriibe worde isch duets nid so zur sach. was sicher isch, isch dass es si scho vill länger gitt als d'evolutionstheorie. Vo wo sölle denn die Informatione cho? Fantasie? ne  |
| babycakeDo 1.11.07, 10:50 | Ich weiss nid, aber bis wenn hetts dbible nur uf latein geh, villicht het sich bi dr Übersetzig no chli Evolution drigmischlet???? Chönnt jo sii!!! |
| finelineDo 1.11.07, 10:51 | die isch scho friener übersetzt worde und nei... das glaubi defintiv nid. |
| babycakeDo 1.11.07, 10:59 | äääääähhhhh...... bi halt skeptisch... Aber die lüt sin friener scho sehr wiit fortgschritte gsi!! Aber so wirklich debii gsi sin jo nid vill!!! |
| finelineDo 1.11.07, 11:03 | ebn, es sind nid wirklich vill debii gsi. also vo wo sölle lütt wo keini wüsseschaftler sind scho vor x 100 joore gwüsst ha, dass es zerscht läbewäse im wasser gha hett, die denn usem wasser cho sind und s'landläbe agfange hett und de mensch erscht am schluss entstande isch? das isch genau das wo de darvin au verzellt är stützts eifach uffd wüsseschaft. |
| babycakeDo 1.11.07, 11:15 | Au wider wohr!!! Aber so wüsseschaftlich dönts doch au besser, als verstriggt imene Buech!!! |
| galgenbruderSo 4.11.07, 20:27 | gueti frog, fineline! si händ gar nid gwüsst, pure zuefall... dis argumänt wird entchräftet, weme luegt was suschd no drinstoht. so wärde z.b. d vögel glichzitig mit de fisch gschaffe (en entwickligsgschichtliche witz) und d stärne, mond und sunne wärde erschd noch de pflanze gschaffe (so vill zu fotosynthese). das zügt nid vu grossem verständnis... |
| EdHardySo 4.11.07, 21:07 | word |
| guitardedMo 12.11.07, 20:18 | @galgenbruder: Au dini argumänt lönd sich entchrefte (genau so wi irgendöpper au wider öppis gege mini argumänt finde wird): fisch und vögel sin am gliiche daag entschtande, jetzt muess mr also moll daag definiere. irgendwo in dr bible stoht (sorry i weiss nit wo) dass e daag für gott, millione vo joor für e mensch sin. Also: au wänn fisch am gliche "daag" entschtande sind, ligge trotzdäm hunderti millione vo joor dr zwüsche (d evolution losst widrmol grüesse ) das pflanze liecht fürd photosynthese bruuche isch erwiise und das beschtriite i au gar nit. allerdings stoht in dr bible au das gott, no bevor alles andere erschaffe worde isch, s liecht erschaffe het ("fiat lux"^^). d.h es het also scho liecht geh bevor dänn pflanze cho sin. das d sunne, mond und stärne ersch spöter cho sin hängt woorschinlich eifach mit em letsche schliff vo dr ärde zämme, oder das sich d wulke vo dr urflut erscht spöter vrzooge händ. Aber au dass sind widerum nur hypothese, wo mr nid eidütig ka bewiise (genau so wenig wie mrs gegeteil drvo ka bewiise^^). dorum heisst woorschiinlich au "glaube" |
| galgenbruderMo 12.11.07, 20:29 | hei, ischmer gar nid drum gange irgend en glaube z entchräfte (das hani vor langer zit scho ufgeh). glaubet doch wasder wänd, ich wird nid uf dini argumänt igoh. isch nur drum gange das de fineline irgedwie de idruck het welle erwecke das d genesis sgliche beschribt wie d evolutionstheorie (vude reihefolg här und so). und das isch eifach blödsinn, wasi mit dene argumänt zeigt ha. meh nid. |
| oneofmanyMo 12.11.07, 21:00 | glaubs nit, weiss es nit genau. ha kei bewies derfür, keinä dergegä. wenn i aber kei bewies für öbis ha, denn bruch i keinä, dass es öbis nit git. ganz eifach. es muess au nit alles ä grund ha und wenn, wieso söttä mir dervo wüssä? |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©