Festzeit.ch Forum » Politik / Religion » Worum glaubsch du an gott oder ebbe au nid??
| Autor | Beitrag 556 - 570 |
|---|---|
| NoobodyFr 30.5.08, 22:40 | Ich finds immer wieder luschtig, wie oft me sich im Internet für sini Religion rächtfertige muess. Do wärde eim d Chrüzzüg und d Entdeckig vo Amerika vorghalte - was geht? Mir läbe im 21. Johrhundert  Ich cha euch au dutzendi durchus chränkeri Sache usekrame, wo Wüsseschaftler früener verbroche hän in ihrem Wahn, sälber Gott spiele z dürfe. Also chömmet bitte mit zitgmässe Sache, sunscht wird die Diskussion nie öbbis. Was mich au erschtunt isch, wie viel Lüt an dr Urknall glaube. Meh het keinerlei Bewiis defür, dass das passiert isch (logisch, deswege heissts au Theorie). Au isch d Erklärig immer no unstimmig (Wohär chunnt das 'Urteili', us däm alles entstande isch? Wieso ischs plötzlich explodiert?). Bi dene riesige Zuefäll, wo do mitspiele, isch es au mehr Glaube als Wüsse (wieso kei Urknallreligion?). Do glaub ich denn halt lieber an Gott als an dr Urknall. |
| elturcoFr 30.5.08, 22:47 | Ich weiss nid es liegt an einem sälber ob me dra glaubt oder nid. Es isch jo scho mol e anderi asischt weni sag es isch mehr e wägwieser statt en maa wo droht. Jede und jedi ka das seh wo er oder sie will. me söt nid vergässe, dass me aber nid zu schnäll söt urteile wenn me kei ahnig het. ( de goht mehr an die wo wirklich kei ahnig händ und trotzdäm schribe) genau us dem grund gits problem und krieg. |
| TabaccoFr 30.5.08, 22:49 | @Noobody: meinsch nit du wiedersprichsch di e biz? du glaubsch nit an d urknall weil es nur e theorie isch, (*ich imfall au nit*). aber an gott scho. obwohl es für das au keini bewies git.  so, ich habe fertig.  guet nacht vom atheist. |
| elturcoFr 30.5.08, 22:52 | [quote:ndrangheta81] du glaubsch nit an d urknall weil es nur e theorie isch, (*ich imfall au nit*). alli wiederspräche sich jo indem fall. wie obe erwähnt mir köne al night long drüber rede git kei lösig. Und ich glaub an ALLAH/GOTT mit und ohni urknall |
| AwesomenessFr 30.5.08, 23:01 | Hm... au e Theorie... Vellech het me dazumals d Technik us "Gott" bezeichnet, wells für die meischte eifach nit logisch gsi isch. Nit e "normali" Technik, sondern die Technik, wo mer höt au bsitzte. Vellech gits usserirdischi wo dazumals uf dere Wält gsi sind. Vellech isch die "Macht" "Gott" gsi! |
| NoobodyFr 30.5.08, 23:32 | @nrdrangheta81: Ich ha nur wölle sage, dass dr Urknall genausowenig bewiese isch wie Gott, und dass Lüt, wo an dr Urknall glaube, sich deswege nit besser fühle müen als religiösi Lüt ("Wills jo wüsseschaftlich isch". Ich ha mini Entscheidig für Gott gmacht, und ich cha Lüt akzeptiere, wo an dr Urknall glaube. Aber go Chrischte fertigmache und sälber blindlings Urknalltheorie z folge find ich es bitz widersprüchlich (womit ich natürlich nid dich mein). |
| MyHopelessDreamSa 31.5.08, 10:05 | genau! |
| AucontraireSa 31.5.08, 12:48 | Zitat: Noobody Das isch s dümmste woni sit längerem ghört ha Was mich au erschtunt isch, wie viel Lüt an dr Urknall glaube. Meh het keinerlei Bewiis defür, dass das passiert isch (logisch, deswege heissts au Theorie).  "Es isch e theorie, meh het keinerlei bewiis defür" Ich zähl mol paar "theorie" uff, und denne wiederholsch dis argument.. THEORY OF GRAVITY-->hmm, demfall stimmt die au nid?Aber irgendwie isch jetz grad mi headset abegfloge...strange.. THEORY OF ELECTROMAGNETISM-->umg mi magnet funktioniert trotzdem... THEORY OF ATOMICS: erklär mol dene hundertuusige vo tote in hiroshima und Nagasaki das es "nur e theorie" isch... THEORY OF HELIOCENTRISM- ah, demfall isch doch d erde im mittelpunkt und d sunne dreiht sich drumm! aaah merci, i ha scho gmeint d sunne isch im mittelpunkt, wie dumm vo mir, es isch jo nur e theorie..haha (achtung sarkasmus) etc etc... |
| kevSa 31.5.08, 13:21 | Zitat: Noobody DAS isch die dümmscht begründig wo für de Kreationismus sell spreche...Ich finds immer wieder luschtig, wie oft me sich im Internet für sini Religion rächtfertige muess. Do wärde eim d Chrüzzüg und d Entdeckig vo Amerika vorghalte - was geht? Mir läbe im 21. Johrhundert Ich cha euch au dutzendi durchus chränkeri Sache usekrame, wo Wüsseschaftler früener verbroche hän in ihrem Wahn, sälber Gott spiele z dürfe. Also chömmet bitte mit zitgmässe Sache, sunscht wird die Diskussion nie öbbis. Was mich au erschtunt isch, wie viel Lüt an dr Urknall glaube. Meh het keinerlei Bewiis defür, dass das passiert isch (logisch, deswege heissts au Theorie). Au isch d Erklärig immer no unstimmig (Wohär chunnt das 'Urteili', us däm alles entstande isch? Wieso ischs plötzlich explodiert?). Bi dene riesige Zuefäll, wo do mitspiele, isch es au mehr Glaube als Wüsse (wieso kei Urknallreligion?). Do glaub ich denn halt lieber an Gott als an dr Urknall. es git imfal sone religion isch mol in de zitig gstande glaubs...ehm bewies???gib mir en bewies für gott, bzw defür das gott uns in 6 täg het selle erschaffe...was sidn die usgstorbene artene???ich ha gmeint gott liebt alli???wurum gits fossilie wo älter sidn als de mensch???ich ha gmeint d bible seit alles isch ebbe in dene 6 täg erschaffe worde??? kaasch du mri das mol erkläre??? |
| j0niSa 31.5.08, 13:35 |  s'einzige wo füre existens vo gott würd spräche, isch das es kei bewis giht das es ihn nid giht, nur gihts variatione vo entstehe vo dr ärde... wo viel warschinlicher sin. i kha au behaupte in mim zimmer hockt e griene gnom wo unsichtbar isch, das isch glich fesch zbewise wie öbs e gott giht, nur isch es total unwarschinlich das e griene gnom in mim zimmer sitzt. wenn meh sich so öbbis aluegt: http://www.youtube.com/watch?v=vEXGKzH0F9c denn mues meh eifach lache... so lächerlich welle zbewise das es goht giht, sproblem isch nur das meh kei gegebewis gihts, obwohl viel warschinlicher isch das es kei gott giht : |
| NoobodySa 31.5.08, 14:08 | Zitat: Atheist Hehe, du hesch mich chli falsch verstande.Das isch s dümmste woni sit längerem ghört ha "Es isch e theorie, meh het keinerlei bewiis defür" [...] Ich meine nit, dass 'Theorie' bedütet, dass es keinei Bewiis defür git - sondern genau anderschume: Wills keini Bewiis git, ischs e Theorie. Zitat: Kratos Wenn du mir e Bewiis für de Urknall gisch, gärn.ehm bewies???gib mir en bewies für ... |
| AucontraireSa 31.5.08, 14:13 | Zitat: Du ritisch di immer wiiter drii...Ich meine nit, dass 'Theorie' bedütet, dass es keinei Bewiis defür git - sondern genau anderschume: Wills keini Bewiis git, ischs e Theorie. "Wills keini Bewiis git, isch es e Theorie. Demfall gits keini Bewies für all die Theorie wo ich ufglistet ha? Bis jetz isch aber alles immer nach unte keit, nid nach oobe. Und und und.. Zerst begriffe was theorie meint, und erst denn kritisiere und behauptige ufstelle bitte.. Falls di hüt bitz wilsch bilde bevor de nomeh so sache uselohsch... do e hilfriche link: http://wilstar.com/theories.htm 2 mal bearbeitet, zuletzt Sa 31.5.08, 14:15 |
| NoobodySa 31.5.08, 14:19 | Zitat: Atheist Üeb dich mol bitz im Textverständnis "Wills keini Bewiis git, isch es e Theorie. Demfall gits keini Bewies für all die Theorie wo ich ufglistet ha? Bis jetz isch aber alles immer nach unte keit, nid nach oobe. Und und und.. "Wills keini Bewiis git, isch es e Theorie." --> Folglich isch öbbis, wofürs kei Bewiis git, e Theorie. Dr Umkehrschluss isch do aber nid möglich - Will öbbis e Theorie isch, heisst das nid, dass es für das keini Bewiis git. Das isch wie mit Schimmel und Pfärd. Ich sag, dass e Schimmel e Pfärd isch - du seisch, dass ich mit minere Ussag mein, dass alli Pfärd Schimmel sin und widerlegsch es mit andere Pfärdearte. Aber mit solche Hoorspaltereie chömme mir im Kärn vom Thema nid nöcher, wenn du verstohsch. |
| kevSa 31.5.08, 15:06 | Zitat: Noobody scho öppis vo CERN ghört???Zitat: Atheist Hehe, du hesch mich chli falsch verstande.Das isch s dümmste woni sit längerem ghört ha "Es isch e theorie, meh het keinerlei bewiis defür" [...] Ich meine nit, dass 'Theorie' bedütet, dass es keinei Bewiis defür git - sondern genau anderschume: Wills keini Bewiis git, ischs e Theorie. Zitat: Kratos Wenn du mir e Bewiis für de Urknall gisch, gärn.ehm bewies???gib mir en bewies für ... ding scho isch de bewies für de urknall gäh |
| MyHopelessDreamSo 1.6.08, 11:08 | "Dr Umkehrschluss isch do aber nid möglich - Will öbbis e Theorie isch, heisst das nid, dass es für das keini Bewiis git." waaaaas?wie chunnsch jetzt do druf? |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©