Festzeit.ch Forum » Politik / Religion » Worum glaubsch du an gott oder ebbe au nid??
| Autor | Beitrag 991 - 1005 |
|---|---|
| phallusimpudicusMi 4.2.09, 14:51 | Me muess aber au sage, dass es würklich Gläubigi git, wo eifach netti Mensche sind, ha sonigi scho atroffe Oder en guets Bispil: Bob Ross kennt me vilicht. Isch en frome Chrischt gsi, aber en herzensgüetige Mensch! Eifach en liebi Person, dass hesch eifach gseh. So vo wege:"we don't have mistakes, just happy accidents" De find ich, han ich, grossartig gfunde. Und es heisst jo scho am Afang vo dr Biible: Dann sagte Gott:" Jetzt wollen wir den Menschen machen, unser Ebenbild, das uns ähnlich ist. Er soll über die ganze Erde verfügen: über die Tiere im Meer, am Himmel und auf der Erde." (okay isch us em alte Testament, aber isch au im neue glaub so) Obwohl das dört stoht, isch er für Tier igstande und het sich igsetzt. Isch aber gläubig gsi. Es git ebe nit nur Schwarz und Wiis. |
| SvartsolMi 4.2.09, 14:55 | Das es nätti Chrischtä git würdi niä bezwieflä. Die meischtä Christä sind eh alles Opfer kindlicher Indoktrination. Diä Lütt känne eifach nüt anders als sChrischtetum, well sie das vo ihrnä Elterä (und früener isch mer im Bezug zur Religion no vell stränger gsi) ighäämmeret kriegt hän. |
| phallusimpudicusMi 4.2.09, 14:59 | Das isch so. Me müessti t Kinder mit de verschiidene (!) Religione bekannt mache, aber ohni Druck oder selbschtverwürklichung. Sondern ganz neutral, dass s Kind ebe entscheide kha. Oder s Kind entscheidet für sin eigene Glaube. Agnoschtiker sind jo die, wo nur das glaube wo si gseh hen. Oder? Und du glaubsch an gar nüt? |
| SvartsolMi 4.2.09, 15:09 | Angoschtiker behauptä nid, dass es e gott git oder keinä. Sie wüssäs eifach nid, wells noni bewiesä isch. Sisch meh so e wartä druf, dass öber e Bewies darlegt, wo diä ultimativ Erklärig git. Wobi i nur zunerä polytheistischä Religion tendier und ned zunerä monotheistischä. |
| phallusimpudicusMi 4.2.09, 15:14 | Nur so en Vermuetig: germanischi Religion? Odin, Thor, Loki etc.?( Wobi me au könnt stuzig wärde: Gott seit "unser" Ebenbild. Er spricht jo au vo unser. Isch es biz verwirrend  ) |
| PhillyonairMi 4.2.09, 15:15 | 1 mal bearbeitet, zuletzt Mi 1.6.11, 10:26 |
| SvartsolMi 4.2.09, 15:19 | jop, Asatru gnaugno. Sisch eifach diä naturverbundenschti Religion und i fend diä Religion entspricht sehr im hüttigä Ziitalter. Döt het Mord und Totschlag gherrscht, döt isch weiss ich wiä gsoffä wordä und e Art Prostitution hets au scho geh  |
| phallusimpudicusMi 4.2.09, 15:29 | In dr Edda ( ha si aber nonig glese) git's sogar glaub en "Lied", dass "Das Saufgelage" heisst. Spricht für sich hmm also so indianischi Religione sind au sehr Natur verbunde. Aber i kenn mi z wenig us mit dr germanische Mythologie, als das ich do mit Bestimmtheit Sache könnt behaupte. Obwohl si mi au sehr interessiert  @Phillyonair: Aber wenn er seit, dass er dr Mensch nach "ihrem" Ebebild erschaffe würd. Ich bi jo en Mensch und er meint wohl kum en Mensch nach em Ebebild voneme Mensch forme. Oder vilicht doch? *händintluftwärf* I Gib uf! So. Gang go lese. Het Spas gmacht z schwatze ciao ciao |
| SvartsolMi 4.2.09, 15:33 | Git e paar Vers wos ume Met goht Findi au Mach jetzt au fürobe. |
| DLOSDaLordOfSkyDo 5.2.09, 19:02 | Isch jo eigetlich egal welli religion me het, (fascht) alli händ gmein, dass me dra glaubt, dass es öbis übr eim stoht und uf ein ufpasst, und das hinderet ein dra - odr hemmt ein debi- sälbr zhändle. |
| TexanDudeDo 5.2.09, 22:12 | dSchwyz waer ohni Glaube gar nit doert wosi huete isch, und das gilt fuere Rest vo dr Westliche Welt... was fuer Wert hei Luet wie dr Calvin oder dr Zwingli brocht (ufd Schwyz bezoge)? Weles sin Wert us dr Bible? Hart Arbeite, sGsetz und dr Staat respektiere, dEltere respektiere, eusi Familiestrukture, fuer dGmeinschaft luege, Einheit, Ehrlichkeit, Sparsamkeit, Bescheideheit, und nit zu letscht das Richtum e Gschenk vo Gott isch wome zverwalte het und so izsetze dases zum Wohl vo dr Gsellschaft isch... usem Protestantismus isch nit umsueschd dr Kapitalismus entstande... Aber sit de 68er meine vieli Luet in dr Schwyz Glaube sig alt und falsch... sResultat isch dasmr meh Kriminalitaet hei, meh Scheidige, meh Mensche mit Depressione, meh Selbstmord, kinder wo dEltere nit respektiere, Luet wo sich nit um Gsetz kuemmere, 12 Jaehrigi wo sich ins Koma trinke, Gier und Egoismus, Familie wo zerruetet sin, und e Jugend wo gar nueme weiss was Liebi isch und lieber Gwalt und Verbreche umjublet... Ich fuer mi Teil glaub an Gott will er zu mir immer guet gsi isch, selbst Ereignis wome als schlecht wuerd bezeichne hei immer zu neuem und besserem gfuehrt, und ich ha vieli Mensche troffe im Lebe, vieli Sache gseh und alli mini Wuensch si bis jetzt in Erfuelig gange... sProblem isch das dMensche kei Verbindig me zu Gott sueche und drum im Lebe umeirre, irgendwelche Trends vonere Popkultur folge, und meine Erfolg sig was dMedie als Erfolg anestelle... Gluecklich werde nit vieli drmit, si ende nur so verroht und dekadent wie eusi Gsellschaft huete ebe isch... herzlos und darwinistisch, wome sich selber dr Noechsti isch... Dr John D. Rockefeller hets richtig gseit, zitiere: "I was early taught to work as well as play, My life has been one long, happy holiday; Full of work and full of play — I dropped the worry on the way — And God was good to me every day. " |
| MisteryouxDo 5.2.09, 22:43 | hehe Zitat: Reaganomics ich hät für alles e plausibleri erklärig als dr atheismus...Aber sit de 68er meine vieli Luet in dr Schwyz Glaube sig alt und falsch... sResultat isch dasmr meh Kriminalitaet hei, meh Scheidige, meh Mensche mit Depressione, meh Selbstmord, kinder wo dEltere nit respektiere, Luet wo sich nit um Gsetz kuemmere, 12 Jaehrigi wo sich ins Koma trinke, Gier und Egoismus, Familie wo zerruetet sin, und e Jugend wo gar nueme weiss was Liebi isch und lieber Gwalt und Verbreche umjublet... 1. Mehr kriminalität? ischs wirklich so? jo! aber wieso? s git für dr mensch immer meh möglichkeite stroffällig z werde ich mein in de 68er hets no kei internet kah,hüslichi gwalt isch au nit zur ahzeig brocht worde.scham spielt do e grossi rolle. usw. usf.Zite und dr technischi fortschritt göhn witter also miend neui gsetz her..s ligt aber au sicher dra, dass delikt wo meh friehner het miesse zur ahzeig bringe, hütte vom staat us verfolgt wärde... 2. Scheidige... tja so laufts halt im zitalter vo dr eifache komunikationsmittel, meh lernt meh lüt kenne und verliebt sich halt, loht sich scheide und punkt. 3.Bi depressione sind d gründ tiefer verwurzlet, (glich wie bim selbstmord) als numme "jä du glaubsch nit an gott". wen du willsch kani spöter druff ihgoh  4. ums gsetz kümmeret sich d polizei...willsch mir nit sage, dass es vor 1968 kei verbrächer kah het oder?? ha-ha mein gott langsam hani kei lust... wend unbedingt erklärige willsch den schribis halt ahne...Gier und egoismus isch halt e charakterzug es git gnueg gläubigi und au wieder mol s gliche argument....vor 1968 war die welt auch nicht in Ordnung... und au nit vor 1950 und au nit vor 1291 und au nit vor 20 n. oder .v. Chr. 1 mal bearbeitet, zuletzt Do 5.2.09, 22:46 |
| phallusimpudicusDo 5.2.09, 23:22 | Ebe wie gseit. I stimm zue, dass t Religione zur Zyt vo ihrer Entstehig sicherlich ihri Dasiinsberechtigung kha hen. Aber es gfallt mr nit, dass en Glaube Lüüt veranlasst bös z si. Und es git ganz tolli Gläubigi, kei Frog. Aber durch Religione passiere eifach z vil Sache wo sötte ufzeige, dass öpis muess gmacht werde. ..... Und ich behaupt vo mir s Gegeteil vo all dem wo du dr hüütige Gsellschaft vorwirfsch, usser, dass i nit gläubig bi. I bi immr lieb und respektvoll zu mine Eltere gsi, ha nie öpis verbroche. Bi kei Süffer gsi mit 12, und nei au nit mit 13. Bi au nit gwalttätig. Wie dr Dardan gseit het glaub ich, dass in vilne Fäll s Problem wo komplexer sind. Und Religione sind scho immer Gründ für Krieg gsi, vo dem her ka me de Religione au vil vorwerfe.Und usserdem glaub i au nit, dass alli die Sache dodurch entstande sind will mehr Mensche halt nüm Glaube. |
| finelineFr 6.2.09, 09:45 | Zitat: Reaganomics ...  Nice Words Man, I Agree...Zitat: phallusimpudicus Bitte unterscheid: Es isch nid de Glaube wo d'Lütt zu schlächte Tate bewegt, sondern die Jewiiligi Institution wo de Lütt vorschribt wie si glaube sölle. Sprich die entsprächendi Religion. aber es gfallt mr nit, dass en Glaube Lüüt veranlasst bös z si. |
| holysmokeFr 6.2.09, 10:20 | Zitat: Reaganomics es het gwaltigi gsellschaftlichi veränderige gäh. und dorum isch das minder meinig noch totale schwachsinn wo du do widrmoll uselosch Aber sit de 68er meine vieli Luet in dr Schwyz Glaube sig alt und falsch... sResultat isch dasmr meh Kriminalitaet hei, meh Scheidige, meh Mensche mit Depressione, meh Selbstmord, kinder wo dEltere nit respektiere, Luet wo sich nit um Gsetz kuemmere, 12 Jaehrigi wo sich ins Koma trinke, Gier und Egoismus, Familie wo zerruetet sin, und e Jugend wo gar nueme weiss was Liebi isch und lieber Gwalt und Verbreche umjublet... gratulation.Zitat: Reaganomics weisch, es störtmi jo nit wemme en glaube het.Ich fuer mi Teil glaub an Gott will er zu mir immer guet gsi isch, selbst Ereignis wome als schlecht wuerd bezeichne hei immer zu neuem und besserem gfuehrt, und ich ha vieli Mensche troffe im Lebe, vieli Sache gseh und alli mini Wuensch si bis jetzt in Erfuelig gange... aber dä denn als urheber alles positiven z gse isch eifach widrmoll total naiv... wie das witterobe au. Zitat: Reaganomics gratuliere, au do widr.sProblem isch das dMensche kei Verbindig me zu Gott sueche und drum im Lebe umeirre, irgendwelche Trends vonere Popkultur folge, und meine Erfolg sig was dMedie als Erfolg anestelle... d medie sin de spiegel vodr gsellschaft. zwangswiis, schliesslich wänsi jo gläse wärde, und müen sich dorum em publikum apasse. Zitat: Reaganomics gratulation. aso es döhnt guet, gohsch zum vatikan go schaffe? wärsch perfekt.Gluecklich werde nit vieli drmit, si ende nur so verroht und dekadent wie eusi Gsellschaft huete ebe isch... herzlos und darwinistisch, wome sich selber dr Noechsti isch. allerdings bini so ehrlich und klärdi au do no uf: hets vor 1968 denn kei armuet, kei überschwängliche riichtum, kei hunger, kei protze, kei ... hey, glaube hii oder här, mir sin mensche, und mir funktioniere so. und mir hän scho immer so funktioniert. übrigens förderet dini dänkwiis genau das, was du em heidetum unterstellsch |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©