Festzeit.ch Forum » Politik / Religion » Worum glaubsch du an gott oder ebbe au nid??
| Autor | Beitrag 1051 - 1065 |
|---|---|
| SlackerbitchSa 7.3.09, 18:03 | jo natürlich. will e kaktus öpis reals isch. wieso sött er nid existiere? wenns statt e kaktus e alien wär, denn würd er nid existiere. denn hätti ächt chli z viel sunne abbecho. (obwohl d chance viel grösser isch, dass mir e alien begägnet, als dass es irgendwo e gott git) |
| DerKleineVampirSa 7.3.09, 18:04 |  |
| phallusimpudicusSa 7.3.09, 18:08 | Und worum ischs öpis reals? Will du inklusive 6 Milliarde anderne Mensche s kenne. Das heisst, wenn alli andere 6 Milliarde Mensche uf eimol grüeni Mänli gsehn und alänge, denn gits se uf eimol, aber wenn nur Eine si gseht und kha alänge, denn gits se nit. Also bestimmt t Masse, was es git und was nit. Und so eifach (isch mini Meinig) sött me sichs nit mache. Oder kurz gseit: Falls mir es grüens Männli wiidererwarte erschiine sött, denn gang ich nit grad zum Psychiater. |
| SlackerbitchSa 7.3.09, 18:11 | ok, chasch du gott alänge? hesch du gott gseh? nei! dr kaktus scho. das sind verschiedeni sache. wenn du droge nimmsch und grüeni menschli sehsch, isch das ok, aber wenn du würklich s gfühl hesch du sehsch e 30cm-grosses männli umehüpfe, dänksch denn würklich, dass es dir guet goht? |
| phallusimpudicusSa 7.3.09, 18:16 | Ich ha das nie, nei. Aber Lüüt wo das angeblich kha hen, die befinde sich vil. in sonere Situation. Zu unrecht als Verrückti abgstempelt, wenns denn dr Fall gseh isch, dass si Gott gseh hen. Wie gseit: Zwiifle due ich au. Oder sage mrs eso. Ich glaubs nit. Aber s würd mr nie eifach in Sinn ko die Lüüt als Vollidiote abzstemple, nur will ichs nit gseh ha. Oder wills kei Foti git. Oder will ihn nit 6 Miliarde Mensche nit gseh hen. Zwifle würd i, als nit wohr abtue würd is nit. Wenn ich Droge gnoh hätt, denne würd ich au en noheliigende Grund drin gseh, dass mir grüeni Männli übere Weg laufe.  |
| SlackerbitchSa 7.3.09, 18:24 | ok, du, will du wahrschiinlich an gott oder so was glaubsch. aber ich bi grundsätzlich gege hirnwösche. das empfind ich als öpis sehr schlächts/böses. und alles was mit gott z tue het isch eifach eso entstande. und ich finds genau gliich dämlich, wenn ein an dr berüemti gott glaubt, oder öb ein irgnedwie inere sekte isch. isch alles s gliiche. usserdäm sind religione grundsätzlich schlächt. also ich kenn mi nid so us, ich glaub in asie gits paar religione, die sind gank ok (die glaube au nid ane gott) aber christetum, islam und so, das isch eifach öpis so sinnloses. es steckt nüt positivs drhinter. finds irgendwie schad, dass es so viel lüt git, wo no so hindedrii sind. ich mein mir sind im 21. johrhundert..  aber jo..dr erschti mensch wo behauptet het d ärde isch rund und dreiht sich, isch au umbrocht worde. naja, vilicht sind d lüüt in 1000 johr vernünftiger. und denn wärde alli dänke "mann, früener isch me so blöd gsi" |
| phallusimpudicusSa 7.3.09, 18:36 | Nei ich glaub nit an Gott. Ich denk eifach, dass me mit vil Froge au vil Hintergründ ufdecke kha. Und erfahre kha, dass es nit immer so eifach isch zum erkläre. Religion isch notwendig gsi zu dere Zyt wo si entstande isch. Und Sache wie "Liebe deinen Nächsten" find ich weder dämlich, no sinnlos. Me muess bi vilem Schlechtem, wo au minere Assicht noche t Religione hervorgruefe hend, au die Guete Sache no könne erkenne. Dr Blick dörf durch so schlechti Sache oder Vorkommniss nit verschleieret werde. Offeheit isch mini Devise. |
| SlackerbitchSa 7.3.09, 18:40 | ich lieb meinen nächsten au ohni gott. ich darf nicht töten au ohni bible! nei, ich find es git keini guete sache. es git schlächti, derb schlächti und neutrali, das sind die, wo christe meine sie lose uf gott, aber normali mensche maches au vonelei. wie zb nicht stehlen usw. aber zb vebrennig vo chatze, "häxe" oder jude find ich nid ganz ok.. |
| phallusimpudicusSa 7.3.09, 18:49 | Nur will dus au ohni Bible machsch bedütet das nit, dass die Istellig an Wert verliert. Es isch öpis guets. Und zur damalige Zyt sind t Lüüt nid so rechtschafe gsi wie hüüt. Wobi mini These isch, dass das nit isch will t Mensche besser sind. Damals sind t Mittel und Weg um Verbrecher z bestrofe halt nit so usgrieft gsi wie hüüte. Do het halt en Bestrofig miesse ufzeigt werde, wo keine drum ume kunnt. Nur so het me t Lüüt könne im Zaum halte. Und notürlich gits ganzi Religione, wo mir högschtgradig zuwiider sind, aber wie gseit. Me muess unterscheide könne. Und nochher abwääge. Aber es isch voll okay, wenn du an nüt glaubsch. Du schadisch dermit keinem (wenn de nit grad anderi als zruckbliibe bezeichnisch, wo Glaube), vo dem her. Ich glaub au an öpis. Aber das isch nit Religiongebunde. Ich ha au keini Ritual oder irgendwelchi Sache verherrliche. Ich glaub eifach, dass es en Macht git, wo uns alli durchströmt und t Ding int Weg gleitet hen. Nüt personifiziert oder irgendöpis, wo uns belohnt, bestroft, sondern eifach nur do isch. Wie Luft könnt me sage. Und ich glaub wege dem au nit, dass ich mit irgendöpisem hindedri bi. Das denk ich eifach. Und bi mit dem eigentlich au guet gfahre. |
| SlackerbitchSa 7.3.09, 18:58 | bestrofe isch öpis anders. du weisch wie ichs mein. d häxe sind nid für e verbräche bestroft worde. d chazte au nid und d jude au nid. die het me eifach so tötet. will sies geil gfunde händ. will chrischte pervers gsi sind. und hüt mache sie so voll uf "ach friide und lieb sii und gott und blüemli und alles isch doch toll". christe finde es git nur 1 gott, und zwar ihre! und das isch schomol e scheiss-ihstellig. wie gseit es git au religione, die sage das nid. und die probiere au niemer z bekhere oder so. und mit däm chani läbe. aber ich wird immer gege gott, und vorallem gege d kirche sii! und d lüüt wo an das glaube.. jo.. sölle sie doch. s git au lüt die stecke sich dr finger in hals, will sie glaube s hilf ihne. so ischs au mit de christe. es isch dumm, aber wenn sie freud händ... ich würd allerdings immer mini meinig sage und ich ha au mini vorurteil. |
| phallusimpudicusSa 7.3.09, 19:15 | Du hesch aber notürlich au grad s Bild vo sonige Christe, wo ebe so schlimmi Sache gmacht hen. Es git au eifach liebi Christe. Ich due immer gern s Bispiel vom Bob Ross afüehre. Vilicht kennsch jo de. Das isch en meeega liebe Mensche gsi, das hesch eifach gmerkt. Wie er gschwätzt het, was er gschwätzt het, und vorallem was er gmacht het. Isch en überzüügte Christ gsi. Die wo e Religion zu ihrne Gunste uslege, dass sind schlechti Type. Und das sind wohrschiinlich au die Mensche wo du öpis gege hesch, verständlicherwiis. Ich red jo vo dr Bestrofig in Form vo dr Höll acnh em Tod ebe. I mein nit menschlichi, sondern göttlichi Bestrofig. Das isch dr Sinn vo dr Religion gsi (mini Meinig) de Mensche sage, dass wenn si nit anch dene Vorgobe lebe (Gebot), denn wird ihne die unuswichlichi göttlichi Strof wiiderfahre. Und vor öpisem wo me nit umweg kunnt het me notürlich Angscht, soferns öpis schlechts isch. Und du machsch en grosse Fehler, wenn ich das so sage dörf: Du duesch wärte. Und das sehr liichtsinnig, wie ich find. Mensche wo Glaube mit Mensche wo sich dr Finger in Hals stecke z vergliiche, das find ich recht dilettant. Und du seischs selber: Du hesch Vorurteil. Vorurteil sind nie guet. |
| MäduSa 7.3.09, 20:01 | I tritt glie mol us, scheiss abzocke für nüt! Ich glaub ehrlich gseit eher an anders Lebe im Al als sone seich! |
| NazarrFUCKERSa 7.3.09, 21:25 | ich glaub nit drah ich find au das d kirche eim richtig abzockt abr ich ha nonig so viel ahnig vo dem thema  |
| martiinSa 7.3.09, 21:28 | 1 mal bearbeitet, zuletzt Sa 7.3.09, 21:35 |
| swordbreackerSo 8.3.09, 02:30 | Wenn dir s Christetum beleidiget denn müend ihr aber zerscht emol öppis devo verstoh. Me cha grad so guet zum e Esse wo ihr no nie kah hend sage das es grusig isch aber öpps wirklich eso isch send ihr erst wenn ihrs gesse hend. Mensche verbrenne und söttigi sache sin erfindige vo Kirche und Sekte aber in dr Bible stoht nüt vo so öppisem. Ich ha nüt gege die Lüt wo nit an Gott glaube, nume gege die wo vorschnelli Urteil fälle. Ich cha nit bewiese das es ihn gitt aber ihr könnet mir au nit bewiese das es ihn nit git. Öpp Öper dra Glaubt oder nit isch sini Sach. Natürlich cha me sage au ohni Gott ohni Bible due ich nit stehle und nit töte aber das isch nit s Haupthema vo dr Bible, es goht um d Erettig nach em Tot. Natürlich cha jetzt jede goh behaupte es git kei Lebe nach em Tot, das cha si ich Weiss es nit und ich wirds wohl erscht denn erfahre wenn ich tot bi. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©