Festzeit.ch Forum » Politik / Religion » ...stromsparlampen initiative...
| Autor | Beitrag 16 - 30 |
|---|---|
| SubsonicParkMo 27.8.07, 11:22 | jo das chunt doch nit dure, i mein scho nur die paar reaktione usem forum jetz... |
| niseMo 27.8.07, 11:23 | ebä, also s'natel isch immer derbi... und es isch sicher schlimmer als e lampe?? oder was isch das für strahlig??? |
| SubsonicParkMo 27.8.07, 11:24 | jo und mit dene lampe wäres zuesätzlichi strahlige..... |
| NilsBaselMo 27.8.07, 11:25 | ich weiss leider nit wie schlimm dStrahlige bi de Energiesparlampene (einige mir uns do uf e Abkürzig? ESL ) |
| NilsBaselMo 27.8.07, 11:26 | nit, dass ichs ins lächerliche zieh möcht, aber das immer usschriebe isch miehsam  |
| d0mEMo 27.8.07, 11:31 | hm, die diskussion wird scho länger gfiehrt, in Australie scho umgsetzt, d EU wills au, und d schwiz ziehts au in betracht.. siehe: http://www.blick.ch/news/schweiz/artikel56901 1 mal bearbeitet, zuletzt Mo 27.8.07, 11:33 |
| r2kMo 27.8.07, 11:31 | Ich würdi e biz e andere Wäg ischloh: Wiso nid Stromspaarlampe subventioniere? Günschtiger verkaufe als e normali Lampe, denn kaufe d Lüt das automatisch. Wie bereits gschribe, gits isatzgebiet wo me kei Stromspaarlampe bruche ka. Witer isch s Liecht zittewis sehr unagnähm. So vill ich weiss, sind die jo au türer in dr Produktion. Me müssti dä Faktor natürlich au irächne. |
| MythINCMo 27.8.07, 11:47 | ich unterstütz so energiesparlampe - han au dehei vo dene und i find sie mache nit weniger liecht, no recht es gmüetlichs liecht han aber kürzlich ghört, dass in dene lampe so es gas drinne isch, wo - i bi mr nüm sicher - entweder sehr ufwendig isch zum herstelle oder schädlich fürd umwelt isch. Im grosse und ganze find ich die lampe allemal besser als normali glüehbiire - die hend jo e recht grossi verlusleistig in Form vo Wärmi. Initiative isch aber kei gueti Sach. Dr Bürger loht sich nit gern lo vorschriebe, was er zbruche het. Subventioniere isch eher agseit. Zu dr Strahlig: Han vo dem no nie öppis ghört. Aber simmer doch ernst. Irgendwie strahlt doch alles bzw. me macht de bevölkerig überall angst, s natel führt zu krebs, natelantenne mach dies, hochspannigsleitige mache jenes, w-lan macht no öppis anders - klar chan me jetzt überall angst ha, aber s het mines wüssens no niememer allzu sicheri ergnebnis präsentiert, dass die strahlige öppis bewirke. (ok, Hochspannigskeitige und natelantenne möcht i jetzt au nit immene wohngebiet ha, au wenns nit tuet/würd schade) |
| 00000000000000000Mo 27.8.07, 11:47 | Ich find Stromsparlampe sucke.. Ich han alli Lampe in minere Wohnig ersetzt und nach 1ere Wuche widr normali kauft. Die wärde ned richtig hell oder bruche ewigs defür. Zuedäm hän sie eh ganz anderi liechtfarb, viel kälter. Ich blib bi mini Stromfrässerli.. |
| niseMo 27.8.07, 12:07 | ich ha nur ghört dases in kanada pflicht isch, bi noni sicher öb ab jetzt scho oder erscht nögschtjoor... ich weiss nid, amigs chame öppis nur erreiche wenns pflicht isch... und fallses würd duurecho chönnt me jo nur no die chaufe, denn chratzts schlussändlich niemerts me... @nils: easy wäg der abchürzig...  |
| 00000000000000000Mo 27.8.07, 13:40 | mais oui. Mich würds störe.. Und ich würd mer eifach en riese Vorrat akaufe  Lieber eifach de Strom türer mache. Denne köme d lüt sälber uf d idee strom z spare |
| NilsBaselMo 27.8.07, 13:44 | strom brucht me aber nit nur zum Liecht mache stell dir vor wie dür die Produktione denn wärde was denn wieder uf dKunde abgwälzt wärde... also Subvention vo ESL (  ) isch immerno dr bescht Vorschlag |
| 00000000000000000Mo 27.8.07, 13:47 | Nei. Unternähme kasch jo vonere Stromtüür verschone. Aber im Hushalt könnt me soviel Strom spare. S Liecht isch en kleine Teil devo. Aber worum sött me Strom spare, wenner so billig isch? Usserdäm ka denn jede Entscheide wo är Strom spare will.Ich würd ned uf normali Lampe verzichte, viel mehr uf tv und Grät mit hohe Standbyverbrüch.. 2 mal bearbeitet, zuletzt Mo 27.8.07, 13:49 |
| niseMo 27.8.07, 13:49 | jo kei ahnig wie das mitem subventioniere funktioniert... ich find eifach dases d'lüt nie tschegge wenn me se nid zwingt...und so wär das der eifachschti wäg... @maurice: denn gang go hüle....sau schlimm wenn de dis superwarmeliecht nüm hesch... bisch glich wie die dämliche lüt wo in züri mitem offroader umefahre...sorry, aber so sache mache mi grad chli aggressiv... |
| SamestianMo 27.8.07, 13:55 | ich sparr au strom extra LED gno  http://www.festzeit.ch/viewpic.php?id=5941585&ctx=40490 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©