Festzeit.ch Forum » Computer » Urheberrechtszuschläge auf mp3 Playern
| Autor | Beitrag 1 - 15 |
|---|---|
| archipencilDo 30.8.07, 22:52 | Ich habe mich gehörig aufgeregt, als ich von diesem Zuschlägen für portable Musikplayer (auch Multimediaboxen und Co) gehört habe... Ist es denn nicht ein Frechheit, teilweise das Produkt um bis zu 50% zu verteuern, nur das die Künstler nochmehr davon haben... Wenn ich zum Beispiel Musik im iTunes Store oder anderswo einkaufe, geht doch schon ein grosser Teil vom Preis an die Urheber oder Plattenfirmen soviel ich weiss, wieso dann nochmals eine solche Verteuerung...  Das überhaupt krasseste daran finde ich, dass diese Zuschläge auf den Preisen von 2004 basieren, und da das Bewilligungsverfahren so lange gedauert hat, ist das ganze heute so unverschämt teuer...  |
| quixDo 30.8.07, 22:54 | jup, han i geschter zuefällig dr vo mitbecho... absolut biireweich... |
| RheinPiratDo 30.8.07, 22:56 | ziehnt euch das ihne: http://www.sf.tv/var/videoplayer.php?videourl=http%3A%2F%2Freal.xobix.ch%2Framgen%2Fsfdrs% 2Fvod%2Fkassensturz%2F2007%2F08%2Fkassensturz_20070828.rm%3Fstart%3D0%3A18%3A26.742%26amp% 3Bend%3D0%3A30%3A03.396 Und denn das Mevis produkt  do würd ich als härsteller motze - das kauft jo denn kei sau me ! |
| SpacecowboyDo 30.8.07, 23:05 | Tja, doppelt kassiere findet d SUISA anschienend geil bzw. sie hend nur druf gwartet, dass durezboxe....aber ohni mi!  Kauf mi zügs de grad im Usland wenn ich gseh, dass d Prise türer werde....sölle sie's ruhig spüre. Und ebe, Festplatte allgemein isch ja dr Hammer, genau so mit de Speicherkarte. Wenn me e Speicherkarte oder HD kauft, isch ja nit gseit, dass me dört jetzt explizit Musik drufspeichere will, und trotzdem darf me mehr bleche! |
| RheinPiratDo 30.8.07, 23:08 | Es goht nur um mp3 player. Normali HD's wärde nid tüürer |
| deeleeteedDo 30.8.07, 23:10 | hd recorder au... |
| SpacecowboyDo 30.8.07, 23:12 | Wart nur! Je nachdem gohts im moment "nur" um MP3-Player. Aber so wie ich verstande ha, gahts ja allgemein um ufnahmegrät mit HD. Am Schluss darfsch die abgab au für d HD zahle, wo in PC ibausch machi eh nit mit.... |
| NilsBaselDo 30.8.07, 23:15 | wieso denn au uf HD Recorder??? Do druf nimm ich Filme uf aber keini Songs wo ich due downloade... has cool gfunde wie är das interview gfüehrt het, bsunders dr Afang! Dä vo dr Suisa het grad nit gwüsst was sage  |
| ARK0NFr 31.8.07, 01:01 | Hersteller und Konsumente settet sich gäge Suisa verbünde! Hallo 50% meh uf die Mavis 1000GB Box, wie krank isch das denn? Au uf Harddisk Recorder isches total ungerechtfertigt^^ |
| MaverickFr 31.8.07, 08:32 | Ich find das ebefalls e grossi Schweinerei! Speicherkarte wärde hauptsächlich in digikams verwändet und dört bin ich jo dr Urheber. Dr HD-Recorder wird dorum türer will me jo druf Inhalt könnt ufnäh (z.B. über e Satelit) wo no kei abgab druf isch. Unter em Strich zahlt me sini Songs eifach 3-5 mol. Ich ha jo bis jetzt iTunes e gueti und problemlosi Sach gfunde, ha au e huffe Songs eso kauft aber jetzt sicher nümmi. edit: Für was wärde die neue Inahme eigentlich verwändet? 1 mal bearbeitet, zuletzt Fr 31.8.07, 08:39 |
| MythINCFr 31.8.07, 08:47 | ei grund mehr für Songs nit z bezahle - i zahl doch nit doppelt! |
| ARK0NFr 31.8.07, 10:08 | haha herrlich, suisa zerstört grad eusi Wirtschaft doppelt! Einersits kaufet dLüt mp3s nüme legal, will sie sicher nüme doppelt wönd zahle! Au verständlich, wer will scho zwei mol für öppis zahle ? Zudem wird de absatz in de Schwiz vo dene bestürte Produkt massiv abneh, dLüt werdets garnüme chaufe, oder sich in Dütschland hole! Also ihnahme vode Gschäfter werded zrugg goh und d ihnahme vode legale mp3 verchäuf! Gratulation Suisa, echt BEHINDERT! Und Digitali Speichermedie chan mer eifach nit mit so Gebühre belege, wenn öpper en 8GB mp3 Player het =! 8 GB Musik only, er chan jo no 4GB Feriebilder druf ha? Die Player agiert wie Memory Sticks oder externi Feschtplattene für jegliche Art vo date. Genau sgliche bi dere Multimediabox. STOP SUISA! Wie wärs mitere Petition oder so? |
| NilsBaselFr 31.8.07, 10:14 | das Gäld sött de Künstler zu Guete ko... die meischte Songs stamme jo eh vo Künstler wo scho Millione hän... und ebbe, wohrschinli erreiche sie mit däm grad sGegeteil do's jo sehr gueti Alternativene git... |
| LobsiFr 31.8.07, 11:14 |  Tja, wie handhabemer das denn? Am beschte nur no so 1.- (+Abo) Handys mit MP3 Funktion chaufe, no sparsch dr dr MP3 Player und Suisa Gebühr isch bim Netzabieter blibe hange Es wird sicher e findige Hersteller vo Speichermedie ufd idee cho, spezielli "Foto/Picture" Uffkläber anemache... dass die denn chasch in MP3-Player stecke... ohhh das isch denn komisch  Me findt immer e Wäg! Aber machet das nit mit lüt, dt Suisa bechunnt jo au no Gäld für jede CD/DVD-Brenner und jede Rohling über, das isch denn scho s 3. mol wosi abkassiere und die wenigschte wüsse das offebar... Gruess Lobsi P.S. Back to Vinyl! 4 mal bearbeitet, zuletzt Fr 31.8.07, 11:35 |
| marciFr 31.8.07, 11:45 | dr mp3 verkauf in dütschland und süschtigem usland wird boome ;D so legt me sich selber es ei, super gmacht! 1 mal bearbeitet, zuletzt Fr 31.8.07, 11:45 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©