Festzeit.ch Forum » Medien » Jugendliche und alkohol
| Autor | Beitrag 1 - 15 |
|---|---|
| Schnüggeli87Do 6.9.07, 20:10 | Wie denkt ihr zu diesem Thema ? Soll man etwas dagegen unternehmen? Wenn Ja was ? |
| SunparkDo 6.9.07, 20:14 | ich finds eifach e chli extrem, dass für praktisch alli usgang = alk heisst abr öbis untrnäh? bringt glaub nid viel, denn wärs trotzdäm vorhande, eifach illegal |
| tschugileDo 6.9.07, 20:15 | d Kontrollen sin e Problem.. wenn ich 15 jährigi xeh wo im Coop an Tequilla kömme OHNI e Uswiis zeige zmiesse dene läng ich mir an Kopf und wenn ich vonere Coop Angestellte als Comment hör als se Wodka ane 16-jährigi verkauft het, das ihre das egal sig.. dene kas das doch eifach nid si.. do miesst me PRIMÄR mol asetze |
| finelineDo 6.9.07, 20:16 | I ha am JKF gschafft. Am frittig zoobe so um die 8i sind die erschte bsoffene zwüsche 15 und 17 cho und das hani himmel truurig gfunde. i fänds ansich ok, wenn alli alk trinke chönnte, aber s'mass isch eifach nid do. me besauft sich eifach... dr vodka redbull wird nümm uss em glas mit yswürfel trunke, sondern uss ere Petfläsche wo me alles zämmegmischt hett zum so schnäll wie möglich bsoffe sy. und das findi himmeltruurig. |
| Schnüggeli87Do 6.9.07, 20:18 | jo dass isch eso! I weiss eifach nid was dass bringe sell und denn luegt meh d folge ah aber irgendwie lerne die andere nüt drus |
| SunparkDo 6.9.07, 20:19 | abr wie willschs ändere? mii besseri kontrolle? s git sichr (bispiel) älteri kollege, dies einem kaufe 1 mal bearbeitet, zuletzt Do 6.9.07, 20:19 |
| finelineDo 6.9.07, 20:19 | @ tschugile das mit em verkauf an jüngeri isch problematisch, aber wenn so öppis usschunnt denn wirds tüür für de verkäufer. und zwar im 4 stellige beriich. und jo.. au wenn de alk ab 18 kriegsch, denn schiggt me halt de älteri kolleg. Me miessti duuresetze, dass de alkoholKONSUM und nid ERWÄRB verbotte isch unter emne gwüsse alter. |
| LiebeIstSchönDo 6.9.07, 20:20 | also inde coops sind kontrolle stränger worde bi dem bim bhf aktzeptiere sie NUR id oder pass, es GA oder anderi abonoment vodr SBB aktzeptiere und denne hemmer bier kauft.... |
| Schnüggeli87Do 6.9.07, 20:21 | nei aber so wie e schock therapuie dass sie d folge vo zu hohem konsum gsehn wo das cha hi füre ... |
| ausundvorbeiDo 6.9.07, 20:48 | aso ich bin relativ jung^^ für mich gits jetzt mol nüt grüsigers wie de wodka mix us de pet fläsche.. elei scho de ablick  jo... nach em erschte suff sött me drus glernt ha und bestimmt jede wird eimol im lebe zue si... aber wenn jetzt eine erscht mit 20gi avot mit em alkohol, denn gits velicht de glich chindergarte halt mit 20gi... also das ers denn au "kuul" findet und sich eifach d kante git...  aso vo dem her sött me ned nume die junge kritisiere, well es git au gnueg älteri wo seich mache.. aber ebe trurig ischs wenn sie jung sind, de alk ab 18 suuffe und stocke däne sind... |
| SunparkDo 6.9.07, 20:51 | ich haehrlich gseit bier am afang au nid gärn ka und spötr hani denn gschmack bicho an däm gsöff |
| TuxDo 6.9.07, 21:17 | Zum Teil hani mängisch scho lust dene lüt d'fläsche us de hand zrisse... 15 jährigi wo mit vodka fläschene umelaufe... das kas nit sie... das isch eifach nur truurig.. schuld liegt aber hauptsächlich scho bi de ladene wo kei uuswiis froge.. XD 1 mal bearbeitet, zuletzt Do 6.9.07, 21:23 |
| mintinkDo 6.9.07, 21:35 | dass me alkohol nid an minderjährigi (resp. an u 16 jährigi Bier usw.)verkauft findi guet und au richtig so und ich sälber würd au nie so junge goh dr alk kaufe well dass friener au niemer für mi gmacht het. und grad mol vornewäg: findis au nid guet wenn sich jungi halb ins koma suffe..allerdings find ich dass sich die lütt wo sich drüber ufrege jungi am wucheänd alk dringge zseh - mol frooge was sie in dem alter gmacht hän - die meiste wohrschienlich nid gross was anders..und dr moralapostel zspiele obwohl me dr glich shit sälber au gmacht het find i bitz froogwürdig ohni welle wer azgriffe. |
| TuxDo 6.9.07, 21:40 | Juhu, ka froh sie alles immer legal gmacht zha^^ ;-P wohl eine vo de wenige do wo unter 16 kei alkohol gsoffe het xD |
| AhrimanDo 6.9.07, 21:40 | Cha do nur em Fineline zuestimme, s Mass isch eifach nit do. Grundsätzlich han ich au nüt degege wenn sich 'Minderjährigi' mal chli Alkohol gönne, aber bi de meiste gohts jo wirkli eifach drum, dass es extrem Cool isch wer am meiste kann hindere leere ohni/um bsoffe zsi. Aber was bringts wenn me alkohol für minderjährigi verbietet? I mine Auge eifach nüt, dadurch wird er wie ich find nur no attraktiver, vorallem weckt das wie ich find nur es typischs Trotzverhalte und usserdem kas jo nit si das me de Jugendliche etc. alles immer nume verbietet!  |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©