Festzeit.ch Forum » Computer » Help !!!!! Cha mir öpper wiiterhälfe?!
| Autor | Beitrag |
|---|---|
| decenzaMi 19.9.07, 17:26 | Ich suech öpper wo sich biz mit MSN uskennt... Aso ich ha Live Messenger und me cha plötzlich keini Sofortnochrichte me sände, es goht eifach nit es stoht immer me sölls spöter erneut versueche aber es isch scho sit 2 Tag... Weiss öpper an was das chönnt liege und wasme cha mache? Wär froh über e Antwort  |
| TiefenweltenMi 19.9.07, 17:38 | Wenn du dr PC ufstartisch, startet er normal, oder muesch am afang mit ere taste irgendwas bestätige das es witer goht? ha das problem scho erlebt bi wem wo d batterie wo d Speicherinformatione, also das im BIOS (weiss nit in wiefern du die begriff kennsch) speicheret, bzw. strom git das sie nit glöscht werde/verlore gön. Dört ine isch au d Zit gspeichert vom PC. Wenn di Windows startisch, hesch denne immer die glichi zit wie normal au? ha usegfunde das zitverschiebige vo denn wenn dus installiert hesch und wenns nochert mol vor die zit rutscht, ebe dur sone stromverlust, cha rechti problem gä mit em MSN, wiso weissi au nit, aber jo s chönt jo bi dir si, weiss nit. |
| decenzaMi 19.9.07, 17:40 | Ah hmm...Nei aso er startet normal. Aber was chame jetz genau mache oder probiere? |
| TiefenweltenMi 19.9.07, 17:43 | bisch schomol uf: Start -> Systemsteuerung -> Software -> Windows Live Messenger -> entfernen denne neu installiere... |
| decenzaMi 19.9.07, 17:49 | Jo hani jetz grad gmacht...Es goht glich nit... Voll scheisse, vilicht sötti eifach e ältere MSN installiere als de Live |
| abc123defMi 19.9.07, 18:01 | lueg unte bi dinere uhrzit, isch das die richtigi zit? isch bi mir mol so gsi, denne han ich bemerkt das duhr zit nit stimmt und denne plötzlich ischs gloffe, kei ahnig worum |
| TiefenweltenMi 19.9.07, 18:05 | Silos5, du hesch genau das gschribe wo ich im erschte antwortsbitrag im zweite teil gschribe gha ha.  |
| MinimalTechnikerMi 19.9.07, 18:13 | am beste e ältere msn druf due. hani au gmacht, keini problem me ka gar nüt. scheiss windows live messenger!!! |
| BytemasterMi 19.9.07, 19:31 | www.ebuddy.com und online go chatte^^ das isch eh viel besser als msn live messenger oder suscht e älters msn... |
| TuxMi 19.9.07, 19:54 | oder http://www.pidgin.im/ oder http://www.amsn-project.net/ Gänd sowieso weniger Problem  |
| decenzaDo 20.9.07, 21:05 | e älters MSN installiere goht au nit und mini Uhrzyt stimmt au... Wenn me e älters will installiere chunt bidr Amäldig immer sone Fenster wo stoht dass me s neue installiere muess und jetz ha ich glich immer de Live und sgoht eifach nit, das mit de Uhrzyt checki au nit ganz aso ligt das an däm oder wie? |
| mainwayDo 20.9.07, 21:12 | So schwierig isch das jetzt au wider nid, muesch efach luege was füre Uhrzit bi dir azeigt wird. Wenn die nid mit dr Zit uf diner Armbanduhr überistimmt denn lit viellicht dört s Problem  Kasch susch uf di Account (hotmail nimmi mol ah) zuegriffe? Mach susch mol e Troubleshoot, es zeigt doch die Funktion ah oder? Ev. hilft das...verbinde kasch ganz normal? aso ilogge im msn. |
| decenzaDo 20.9.07, 22:00 | Jooo ICH WEISS WIEME D UHRZYT VERGLICHT Ahso das hani denn nit gmeint mit nit checke, ich frog mi nur wases dermit sött zdue ha Aber das hani jetz gmacht und s hett nüt gnützt...Ha sone alts MSN jetz, super, ohni Azeigbild und so,dr Hammer.. Scheiss MSN, immer Problem  Aber merci fürd Hilf  |
| TuxDo 20.9.07, 22:27 | oder http://www.pidgin.im/ oder http://www.amsn-project.net/ Probier doch eins vo dene, do kasch mindestens Azeigebild ifüege |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©