Festzeit.ch Forum » Sonstiges » Maturbücher
| Autor | Beitrag 1 - 15 |
|---|---|
| atlusSa 25.2.06, 11:17 | Ich ha dies Joor d Matur und ich ha kai Ahnig, was ich für Bicher nä söll!! ich wär froh, wenn ihr mir mol epaar gueti Tipps gännt, oder welli Biecher ihr für d Matru gläse händ? peace  |
| sigmaSa 25.2.06, 12:38 | salü "Das Parfüm" chani empfehle... susch hani no "Die schwarze Spinne" (isch nit schlächt) und "Die Physiker"(isch au no cool). Als Klasselektüre hei mr "Draussen vor der Tür" (mega Scheissbuech) und "Ein perfekter Freund" (solala) Greets Sigma |
| snickerSa 25.2.06, 12:46 | schwarzi spinne findi e seich...! was i no chönd empfehle isch Die verlorene Ehre der Katharina Blum, findi e zimli guets buech |
| visionarySa 25.2.06, 13:09 | Hi Flo! Das Parfüm hani au, aber noni gläse. Eigentlich hani jo no gar nüt gläse  . Cha mol nocheluege was i agäh ha wenns di interessiert.Liebi Griess Nicki |
| PiaSa 25.2.06, 13:14 | aso für im dütsch kani näbem parfüm, falls de none buech bruchsch füre biz älteri epoche "wilhelm tell" vom schiller empfähle - isch ok zum läse und liicht z'intrpretiere. bruch franz und englisch au vorschläg? im franz würdi unbedingt "la haine" vom mathieu kassovitz empfähle, oder "l'adversaire" vom emmanuel carrère und usere ältere epoche "le malade imaginaire" vom molière. und im änglich "clockwork orange" vom anthony burgess odr "of mice and men" vom john steinbeck so, hoff hadr chli chönne hälfe  |
| r2kSa 25.2.06, 14:37 | also kassebüecher siehe sigma  ich ha für dütsch: Die Physiker (nonig gläase) Die schwarze Spinne (find i no guet) Die neuen leiden des jungen W (*kotzwürg*) |
| ScratchSa 25.2.06, 15:14 | ganz geil isch max frisch mit stiller.. bi däm abschluss das joor hani gno - hermann hesse: steppenwolf - wedekind: frühlingserwachen - sven regener: herr lehmann unseri lischte isch leider rächt begränzt gsi :/ hermann hesse isch allgemein rächt edel wenn me gärn liest und interpretiert und drbi gärn gforderet wird tolli schriftsteller sin au no stefan zweig, heinrich böll, theodor fontane, heinrich heine, thomas mann... bine literaturfreak.. ^^ also froget wenner froge händ ^^ greez ;D |
| 00000000000000000Sa 25.2.06, 15:47 | Physiker und Parfüm hani au, die sind toll... |
| rutschläSa 25.2.06, 17:03 | hehe, also i empfil eifach nid d matur z mache, denn müänder au keis läsä nei, im ärnscht! mini sista het au e lischte becho mit büecher...i ha keis einzigs (sind öbe 24ig gsi, wosi het chöne e bar uswähle dävo) no niä im läbä ghört...und wenn denn so scheiss no uf englisch und franz muesch läsä... chapeau und hut sägi numä!!! |
| r2kSa 25.2.06, 17:25 | zum glück hei mir das im Franz und Änglisch nid müesse mache |
| quixSa 25.2.06, 23:50 | empfählenswärt: schachnovelle steppenwolf der besuch der alten dame vom dürrenmatt die verwandlung vom kafka uf änglisch kann i folgendes empfähle: the call of the wild vom jack london hitchhikers guide to the galaxy vom douglas adams alli büecher vom nick hornby (high fidelity, about a boy und nomol eins, has vergässe) |
| ciruelaSo 26.2.06, 00:05 | aso ich ha au die schwarze spinne gha und has super gfunde... findsch vorallem vil infos drzue ussrdäm würdi fascht jedes theaterstück vom brächt empfähle!!!! v.a. der gute mensch von sezuan oder der kaukasische kreidekreis! hesch mega schnäll gläse, eifachi story, massehaft sekundärliteratur franzi würdi "le dernier jour d'un condamné" näh und glichzitig uf dütsch läse, denn ischs meegaaa eifach und vorallem e sehr kurzes buech |
| LucccaSo 26.2.06, 12:14 | Dütsch: Der Besuch der alten Dame (Dürrenmatt) Sansibar oder der letzte Grund (Andersch) Spilt während der NS Zyt in Dütschland isch nit schlächt. Biedermann und die Brandstifter / Das Parfum |
| looraSo 26.2.06, 12:22 | draussen vor der tür isch ämel kei schissbuech... i has ämel gwählt für d'matura...(has abr denn no nie gläse gha)...abr i has no witzig gfunde...mol chli anderst gschriebe...und hesch sälber chli chöne interpretiere wills so logisch gsi isch...und vor allem, es isch sehr sehr kurz... i ha no effi briest gha vom fontane...das isch zum teil chli langwilig und sehr lang (abr mir hän müesse 1 so dicks buech ne)..abr d'gschicht isch eigentlich no sehr idrücklich...au nid schwer zum interpretiere.. denn gits no nora vom ibsen, das isch vom inhalt här ähnlich wie effi briest, eifach vill kürzer... denn schwizer literatur: kalte schulter vom markus werner..sehr schöns und sehr trurigs buech.. und nid z'empfähle isch tod in venedig vom thomas mann |
| r2kSo 26.2.06, 12:32 | @quix hitchhikers guide to the galaxy vom douglas adams das isch fascht Pflicht als IT-Freak |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©