Festzeit.ch Forum » Computer » Grosses Problem
| Autor | Beitrag 1 - 15 |
|---|---|
| goaLDi 2.10.07, 17:37 | Also, ich ha de PC ufgstartet, den isch bevor das Windows-züg cho isch wo ladet e meldig cho. "windows kann nicht gestartet werden bla bla da die datei /windows/system32/config/system fehlt oder beschädigt ist" zum das behebe muessi original windows cd inekeie den uf R für reparieren.. ha mit dere windows cd alles scho probiert vo repariere bis zum installiere und das mehrmols wiederholt.. wenni jetz pc start ohni cd chunnt die meldig wieder.. wenni cd ine tue.. nomol start.. den gohts.. und bevor ich das problem gha han hani 4 HD's gha.. 2x200gb und 2x120, die 2 200er het de pc erkennt nach de windows installation aber die 2 120er nid die sind so komisch agschlosse het mr de gseit wo mr de pc verkauft het.. SATA oder so.. wie chönnti die 2 wieder aktiviere also bruche.. will döt hät ich no dateie druf.. ich hoff nid das die weg sind.. :S ich ha jo nume s'C: formatiert und neu installiert.. und den no öpis.. ich ha denkt wenn me e Ethernet kabel fürs internet het muess me nix installiere söt internet verbindig automatisch goh.. aber irgendwie seits nur ethernet controller.. aber es isch nid installiert.. was müesst ich für das mache!? danke für's lese und für d'hilf  |
| goaLDi 2.10.07, 19:30 | help? |
| holysmokeDi 2.10.07, 19:35 | sorry, aber das isch nunmal windows, das hättsch dr bim kauf müese besser überlege. kaufder en Mac und alles wird guet. |
| d0mEDi 2.10.07, 19:38 | hm, ich weiss nid so genau, vilicht isch es e RAID fehlconfig, welli platte isch den als primary boot device dinne? nimm vilicht mol alli plattene use und nimm nur eini, den formatiersch sie ganz (luegsch uf dini date), installiersch s windows und den mol luege obs lauft, die andere platte kasch spöter dri due und luege was denn passiert. und SATA isch nid e komische ahschluss sondern dr neui standard (neui mainboards hend zum teil gar kei IDE ahsclüss me)  das mit em ethernet isch wohl e fählende triiber.. wenn dr triiber lauft den hesch normalerwiis au internet edit: au mit eme Mac wird nid alles guet 1 mal bearbeitet, zuletzt Di 2.10.07, 19:39 |
| CemXbrODi 2.10.07, 19:57 | Halt mol d Frässi Holysmoke, du gohsch mit dim Scheiss Macgespamme tierisch ufe Sack!! Start dr PC mit dr CD Duen mol die Datei im Internet abelade oder vo dr CD us direkt in das Verzeichnis, wär weiss, maybe klappts, hans no nie probiert |
| SECToRDi 2.10.07, 19:58 | also, ich schliess mi em d0me a! aber es isch sehr guet möglich, dass du dr pc komplett neu ufsetze muesch! ich ha vor kurzem die gliechi ,äldig ka und denn isch nüt meh gange...!! also, alli platte use und denn neuinstalliere! sparsch dr au e hufe ziit! LAL -> triiber fählt!! hahaha scheiss mac  greez, SECToRah genau: e iitrag seit, söllsch versueche, die datei neu ihne zkopiere, das isch zu 100% nid möglich!!!!! wenn du das machsch, kasch nocherne zu 1000& neuinstalle... scheiss MACSPAM!!!!!!!!!!!!!!!!!!! windows 4 life 2 mal bearbeitet, zuletzt Di 2.10.07, 20:00 |
| holysmokeDi 2.10.07, 20:02 | oh ganz aggo dinne, tolle umgangston jo me sehts, windows ischs bescht |
| goaLDi 2.10.07, 20:04 | also dr pc neu ufsetze? ich ha C formatiert und mit de windows xp pro cd installiert.. und trotzdem die meldig becho.. aber ich versuech das mol mit alles useneh... nur hani ebe 2 hd's wo mit somene SATA kabel verbunde sind.. die erkennt de pc nid grad wie die andere 2 namens C und D.. |
| SpacecowboyDi 2.10.07, 20:07 | CD wo bim Mainboard drbi isch, ilege (oder Trieber vom Internet hole) und de chansch s Ethernet und d SATA-Trieber installiere. Meistens sinds hüt kompletti Setups wo nit muesch in Gerätemanager und alles vo Hand installiere. Nit vergässe no dr Chipset-Trieber z installiere, bi de nVidia-Chipsettrieber isch meistens grad au dr Ethernettrieber drbi. Ah, übrigens wenner dr SATA Trieber nit erkennt, vor dr Windows-Installation ab Diskette installiere (Nachem Formatiere wenn's Setupdateie kopiert, fragt er dich ob no zusätzlichi Trieber willsch installiere -> F6 drücke und Diskette ine mitem SATA-Trieber wo VORHER vo dr CD kopiert hesch. 1 mal bearbeitet, zuletzt Di 2.10.07, 20:10 |
| chillthelonghongbongDi 2.10.07, 20:20 | holy,, biitte halt di eifach druss mi reizts jo au das inezschribe, aber sisch würklig unnötig bi jedem windows-problem-thread inezschribe dasme sich e mac söll kaufe...kaufe duets keine wäge däm, und das isch au guet so, sölle nid alli das bruche und d'platform kaputt mache |
| goaLDi 2.10.07, 20:54 | han e diskette gfunde für das SATA es stoht aber druf ACHTUNG! IDE-HD ausstecken! was das bedütet weissi nid.. chani nid eifach windows cd ine tue vo cd start F6 drucke den diskette ilegge.. isch das Achtung mit dere ide-hd wichtig :S |
| NilsBaselDi 2.10.07, 21:47 | bim 5te Wort weiss ich scho was sProblem isch  ächt, das scheiss Windows isch doch zum kotze... wenns funktioniert isch es jo ganz guet, aber das machts jo ebbe nie.... dorum Mac kaufe! dini Fählermäldig ha ich zu mine Windowszyte au scho paar mol ka... ha für das mini Notfestplatte ka womit ich sWindows ha könne starte und uf dr ander Festplatte die Date rette und sWindows komplett neu installiert. |
| SpacecowboyDi 2.10.07, 22:01 | Ich wött s Windows ufeme USB-Stick installiere, das wär doch geil! Naja, de Stecksch eifach d IDE-HD us, wenn eini agschlosse hesch, chunsch ins Windows ine ? Denn installiersch dr Trieber vo dere Diskette übere Gerätemanager. |
| goaLDi 2.10.07, 23:05 | jo ich chum ins windows nur mit de windows xp pro cd ine ohni cd chunnt ebe die meldig.. was isch den die IDE-HD? |
| NilsBaselDi 2.10.07, 23:06 | das isch e gwöhnlichi Festplatte |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©