Wiso scho lang?

es isch erst 60 Joor her sitmer dFreiheit fast verlore hei... es god drum Ideologiee und Persone zfinde und zneutralisiere wo ihri Meinig dr Masse wei ufzwinge per Gwalt oder Ischüchterig...

mir isch eigentlich egal was öper denkt und macht, ich reg mi drüber uf und diskutier mit dene Lüt lose aber in Rueh... mir hei aber vieli wo das nit möche, wo drischlöhn, Sache azünde, Lüt ischüchtere, drohe, Hass verbreite usw. alles das zerstört dFreiheit will dMensche durch das igschüchteret werde ihri Meinig offe zzeige... somit chane gwaltbereiti Minderheit e Mehrheit kontrolliere...

ich verzeih dir doch alles, smokilein

ich pfläge d'tradition guet gnueg. aber i cha (und will) si niemerem uufdränge. (durch d'konstruktionsart vo mine chnöiglänk fallt's mir relativ schwär, mir e arschtritt z'verpasse. und das spar i würklich lieber für anderi uf)

uswirkige vom freie wareverkehr isch nun emol (leider) de frei personeverkehr. esoo falsch isch doch d'wortwahl "globalisierig" in däm fall nit. oder?

i versuechmi churz z halte

@Reaganomics:
es sin zum teil einzelfäll wode ufzellsch, aber isch okk. i begrüess diä entwicklig logischerwiis au nit.
es het eifach mit sehr viel verschidene faktore z due.
diä problem gits jo nit zum erste moll. dezue chunt de spardruck bi justiz und polizei - si chönne jo schlicht nümm glich kontrolliere wie vor paar johr. "alles wird zämmeglegt und gstriche" - so inöppe.

und du redisch vo "minderheite usschalte" - du chasch jo nit säge "es sin d balkanese", well es sin jo nur e paar vo dene.
und wemme diä denn uswiist (vo däm hesch nüt gseit, i weiss), denn isch s problem jo trotzdem nit glöst, sondern eifach verlageret.

e gsellschaft bringt immer automatisch au minderheite mit. es goht nit ohni. es git nit 1 oder 0. und mit däm muesme sich halt abfinde - schlächte trost, aber immer ufrege tröstet no viel weniger.

Ich gib garnit de Lüt vom Balkan tschuld... es sin nur viel vo dört wo drbi sin bi dene Gruppierige, ich red au vo Neo-Nazis, Kommuniste, Autonime, Anarchiste, Verbecher usw. alli die wo dr Mehrheit ihre Wille wei ufdränge...

Minderheite ansich störe mi gar nit, im Gegäteil... die khöre zunere Demokratie das isch e zeiche das sSystem funktioniert... aber friedlichi Minderheite und gwatlbereiti Minderheite sin e Unterschied.

Jo, gspart wird immer am falsche Ort... eusi Justiz isch völlig überlastet und statt dasme dört ufstockt wird irgendwelche Mist finanziert... ich bi eigentlich für schlanke Staat wo sich wenig imischt ins Lebe vode Mensche, und drum au wenig Stüre verlangt... aber bi dr Sicherheit darf nit gspart werde, die isch elementar füre Friede im Land, au für dWirtschaft und dEntwicklig vom ganze Land...

Und wegem uswise und Problem verlagere... do isch dFrog obme dWelt als ganzes seht oder in Länder ufteilt... solang mr kei Weltregierig hei findis okay weme dProblem vo do irgendwo ane verlageret, dProblem wo die Lüt mit sich bringe und dGründ dasi do ane chöme liege in ihrem Herkunftsland, drum müese mr au dört dLösige entwickle... ich finds ebe nur besser weme dLüt wo Ärger mache dört ane schickt wosi herchöme und den dörte dProblem löst stattse do zphalte und viel Geld usgeh... das isch den wieder Stoff füre neus Thema

ja isch klar, gäld schicke isch heikel wäge korruption und so witter. für e land in afrika würdi das niemolls mache - so zeigts emel d vergangeheit ^^

eifach me polizeipresänz?
jo me chönt jo mitem militär was sinnvolls mache (provokant usdruckt ) und dr polizei bim patroulliere hälfe. eifach presänz zeige und so. wär doch moll e versuech wärt würdi meine.
hmm, grat moll überlege wär diä idee chönt interessiere... i gibere keini grosse chance ^^


no wägder kultur: das isch sone sach. was hesch als sponsor devo wennde d e klassik-konzärt sponserisch? villicht bitz image... aber es lohnt sich überhaupt nit. so sache göhn z grund. oder museä (wo usserdäm au touriste aziehn)... das isch doch klar e ufgob vom staat.

ich gseh de staat als so öppis wie s mami vonere grossfamilie. es luegt das alles guet lauft, nüemerts z churz chunt und das s gäld au moll für ins kino längt. isch doch grundsätzlich nüt schlächts. das eim das nit immer passt ischmer scho klar.

Ebe, dr Staat wird gern als Mama gseh wo Geld innerhalb vo dr Gsellschaft umverteilt... das isch schädlich für dWirtschaft und bremst dr Wohlstand unds Wachstum...

dr Staat het sich so fest wie möglich usezhalte bide meiste Aglegeheite... nämä mr dis Klassik Konzert... die wärdä oft vo Banke gsponseret will dKlientel passt, dört hets vieli wohlhabendi Lüt... also chasch schomol Sponsore sueche, natürlich chasch au Itritt verlange und mit dene Itritt dKünstler zahle und vilicht Gegägschäft mitem Bsiter vom Areal mache in Form vo Kosteloser Werbig oder ere Umsatzbeteiligung... luegsch dUSA ah, vo dört chunt viel Kultur aber dr Staat het praktisch nüt drmit ztue... Angebot und Nachfrage regle das selber