Festzeit.ch Forum » Politik / Religion » Ausländer
| Autor | Beitrag 1336 - 1350 |
|---|---|
| lehrmaischterFr 1.2.08, 10:46 | schlimm a däre diskussion find ich folgendes: wär sich als patriot z'erkenne git, wird grad verdammt als eine wo bruuns gedankeguet verbreitet. trotzdäm: ich bi patriot und bi au stolz druf. früeher isch jede, wo sini heimat nit gliebt het als näschtbeschmutzer tituliert worde, und hüt muesch di fascht schämme zum säge: ich bi schwizer, ich lieb mini heimat und bi stolz druf!! (ussländer - au in der schwiiz iigwandereti - sind das jo au. der albanischi adler, der türkischi halbmond, die afrikatische wurzle, etc. wärde jo vo gwüssne kreis au stolz als banner hoch in d'lüft ghobe). |
| ThRiShFr 1.2.08, 10:58 | jo es isch halt schono trurig... |
| PalinGenesisFr 1.2.08, 11:10 | Darum Schweiz den Schweizern Den Rest den Andern.... @ lehrmaister.... es isch scho so wemme zu sim land stoht het me problem mit uusländer will dr uusländer ( natürlich nid ganz alli) s gfühl het er sig jetzt in dr schwiiz und er müess jetzt dr chef markiere..... |
| CalimochoFr 1.2.08, 17:08 | @ lehrmaischter: es het alles e gwüsse maas... Das het den nütmeh mir patriotismus z tue, sondern mit gegesitigem respekt... es seid do keine ihr dürftet nid stolz uf euri schwitz sie... Nur wie scho gseit, es het alles en maas... Jede, wo e gsunde menscheverstand het, weis mit sine mitmensche z läbe... Ich glaub nid,,, das wenn du in es forum schribsch: "Lüt, ich bi stolz uf mis Land, genau wie ihr es hoffentlich au uf euches sind" dass denne agfickt wirdsch... Du merksch eventuell..."Der Ton macht die Musik" und das alles an de art vo dim ufträtte ligt. Nid nur bi däm do, sondern im Ganze läbe... E frog hetti aber...werum säged ihr immer, mer müesst sich scho fast schämme wenn ihr seged ihr seged schwitzer? Oo Werdet ihr usglacht wenn ihr das seget oder was? @ oneofmany: Das was de gschribe hesch isch e zemmefassig vo de letzte 3 sitte... zu dem ergebnis sind mer au scho cho... @ Palin: Dini ussag spricht für sich selber... @ Trish: Schön das wiedermol s gspöch nützlich argumentiert hesch und nid eifach probiert hesch d lüt wieder ufz stichle... 1 mal bearbeitet, zuletzt Fr 1.2.08, 17:09 |
| holysmokeFr 1.2.08, 17:44 | i bi als linke sehr wohl au stolz uf mis land! und i bi au stolz druff dasmer d möglichkeit biete, fremdi do z läbe loo, genauso wies anderi länder uns abiete. und i bi stolz druff dasmer do sozial besseri verhältnis hän als fascht überall sunst. i finds eifach e schand wenn dä über langi johr ufbauti gueti ruef vodr schwiiz flööte goht nur well paar meine das bösi bösi usländer d schwiiz übernämme! (i dänk do and reaktione ufd schöflikampagnie oder de blocher im usland) |
| oneofmanyFr 1.2.08, 18:08 | calimocho ha´s eifach mol wöllä ohni däm persönlichä zügs zämäfassä und ha versuecht es uf en punkt z bringä. |
| TwitchyFr 1.2.08, 18:31 | oneofmany, Du kasch no vill uf e Punkt bringe  Solang me das nid yseht bzw. über si Horizont ka useblicke, könnsch no e Salto ruckwärts inkl. doppelter Rittberger mache... yseh düens gwüssi wäge däm nid. |
| sbabyFr 1.2.08, 18:46 | müemer jo au nit igseh! mr läbe do ime freie land wo mr jedi istellig könne ha wo mr wänn (ok, dr art. 261bis stgb verbietet gwüssi üsserige )typisch links, de andere probiere öbbis ufzwinge (gsehn mr jo in vielne kantön mit dene verbotwälle..rauchverbot, SUV verbot, plastikstuehl verbot)..de ganz seich isch s resultat vo linke politiker wo für e starke staat istönn und d lüt bevormunde wänn...im gegesatz zu de liberale und rächte |
| oneofmanyFr 1.2.08, 19:25 | ganz ä so eifach isch das au wieder nit bi sälber ä linkä und i ha eifach nummä es paar argument wöllä bring statt eifach nummä umäzhüllä wie schlimm d usländer sigää und wie schlimm as es sig das mä wien ä fascho behandlet wird wenn mä sich wie einä ufführt leider het niemer würklich sachlich druff reagiert.all die verbot interessierä mi nit wirklich, es goht um wichtigeri sachä. es isch eifach ä art, d gsellschaft´s sehä und prioritätä z setzä. und siggä mir ehrlich: wenn mä sich gnueg für politik interessiert um drüber z diskutierä, denn glaubt mä au dra, dass dr eigeni standpunkt richtig isch (als atheist glaub i natürlich nit an konzept wie "richtig" und "falsch". für mi git´s eifach faktisch korrekt und nit korrekt und wie mä das alles interpretiert) |
| SplinterFr 1.2.08, 19:54 | mol rein us neugier... gits bi dir usser faktisch korrekt odr inkorrekt au e gwüssi natürlichi (odr logisch erforderlichi) Balance? 1 mal bearbeitet, zuletzt Fr 1.2.08, 19:56 |
| TwitchyFr 1.2.08, 20:11 | Zitat: o0onaughtygirlo0o Wo hani gschriebe, dass ich Di oder anderi bevormunde? müemer jo au nit igseh! mr läbe do ime freie land wo mr jedi istellig könne ha wo mr wänn (ok, dr art. 261bis stgb verbietet gwüssi üsserige )typisch links, de andere probiere öbbis ufzwinge (gsehn mr jo in vielne kantön mit dene verbotwälle..rauchverbot, SUV verbot, plastikstuehl verbot)..de ganz seich isch s resultat vo linke politiker wo für e starke staat istönn und d lüt bevormunde wänn...im gegesatz zu de liberale und rächte Ich wehr mi nur gäge Pauschaulurteil, das isch alles... Oder isch öppe jede Schwyzer blond, trait e Schnuurbart und ernährt isch nur vo Bier und Klöpfer?  (dörft ich e so au nid sage, d'Antirassismusstrofnorm gilt für alli...)Wenn me mir said, dass me Angscht het usezgoh, wäge kriminelle Usländer oder me sich nümm wohlfühlt, will's in dr Stadt nur no Dönderbude und kum no richtig-schwyzerischi Baize git, kani drmit läbe. Wenn mir aber eine z'verstoh git, dass me als Usländer e Mensch 2. Klass isch, muess är sich über entsprächendi Gegewehr (verbal) nid wundere, vor allem denn nid, wenn gwüssi Fakte (Bilaterali, Globalisierig, wirtschaftlichi Zwäng usw.) schlichtwäg ignoriert wärde. Wenn ich Dini Meinig söll akzeptiere, dörf ich's umgekehrt genauso erwarte, right? |
| oneofmanyFr 1.2.08, 20:20 | sowieso. alles interpretation. es het sehr viel mit gfühl z due. kei politischi richtig isch faktisch korrekt ha nit wöllä arrogant dönnä oder so, ha eifach wöllä sägä dass es für mi nit eifach "richtig" oder "falsch" git, will das die einzellnä lüt bestimmä das isch natürlich nummä mini ahsicht... viellicht irr i mi au |
| SplinterFr 1.2.08, 20:23 | ich han eigentlich nid gmeint dass es mit Gfühl z'tue het sondern dass jede Entscheidig us rein logische Gründ mues Vor und Nochteil bringe und me das in Überlegige au "irechnet". Abr tönt scho mol guet. |
| oneofmanyFr 1.2.08, 20:27 | klar, aber es git zum bispiel au lüt wo findä, gwüssi lüt heigä armuet verdient will sie offäsichtlich fuul müessä si, wenn sie arm si. oder für gwüssi isch es wichtiger, dass d löhn nit zu unterschiedlich usfallä, als wenn riessä gwünn erzielt werdä aber nur sehr wenigi dra verdienä. wie gseit: alles subjektiv *het ä duden gfrässä* was mi aber nervt, isch wenn tatsachä eifach ignoriert werdä oder wenn für unterschiedlichi lüt anderi reglä gältä söllä 2 mal bearbeitet, zuletzt Fr 1.2.08, 20:28 |
| SplinterFr 1.2.08, 20:30 | naja... me chan ganz guet objektiv Beurteile wenn me sich selber nid immer über d'Natur wird stelle abr dass das die ganze Stammtisch duble mol werde chöne isch glaub hoffnigslos.  oke, die Bischpil wod du grad agisch sin mer biz schleierhaft will si ehrlichgseit nid vill mit Logik z'tue hän abr i weis wasd meinsch. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©