Festzeit.ch Forum » Medien » Nightwish - Dark Passion Play
| Autor | Beitrag |
|---|---|
| ButtersDi 9.10.07, 23:25 | So, d Diskussion isch eröffnet. S neue Album haut mi nid wirklich vom Hocker. Die neui Sängerin ka zwar zwifellos singe aber si klingt halt nid so unverkennbar wie die vorhärigi. D Songs sin gröschteteils guet aber leider nid dr Hammer. Am Beschte isch für mi dr 13 Minute langi Uftakt mitem Song "The Poet and the Pendulum" nid zletscht wägem theateralische Orchester im Hintergrund, wo in de räschtliche Songs nid so guet zur gältig kunnt. Mit e paar Abstrich, im Grosse und Ganze aber doch hörenswärt.  |
| abropriateMi 10.10.07, 13:06 | Ich find si händ alles richtig gmacht. Wenn me sich net total ufd Tarja fixiert het und chli offener a die neu Schiibe ahnegoht bechunt me super Musik zhöre. Klar singt die Neu anders, mir persönlich het s Geträller vode Tarja sehr guet gfalle, aber au die rockig Stimm vode Anette passt sehr guet zu Nightwish. Devo abgseh find au ich s Uftaktlied sbeschte  |
| ButtersMi 10.10.07, 16:11 | Natürlich het d Band s einzig richtige gmacht und versuecht nid eifach d Tarja zu kopiere aber ihre klassisch aghuchte Gsang vermisst me halt doch. |
| XcXcXcXcXc001Mi 10.10.07, 16:19 | Also i muess sage das d'band au ohni Tarja absolut abartig klingt jetzt sogar findi no e spuur besser als sunscht ufem neue album hani nebscht Amaranth no Master Passion Greed als Liebelingssong! die Schiibe isch ine würklich glunge jedoch vu dr benotig wenni miesst wähle vo 1 - 10 gits e 9 1/2 irgendwas fehlt mir doch bitzli |
| SplinterMi 10.10.07, 16:20 | I ha denkt s'wird verschisse mit dr neue Sängerin abr OHA voll geils Album! +++ |
| BloodyMi 10.10.07, 16:22 | jo durch die neui sängerin,tönts chli rockiger was mir sehr guet gfallt. jedoch fällt halt de melodischigothic gsang halt doch au. abr ebn isch trotzdem besser als erwatet. |
| NarrenkönigMi 10.10.07, 17:49 | im EMP ine händ sie gseit das die aktuele schibe rockiger isch het mädem eher wenig mitde neue sängerin z tue d frag isch nume obs vo jeze ah immer e so töne wird Amaranth isch würkli en abartig geile song |
| abropriateMi 10.10.07, 18:01 | Ha jo nur gseit dass ihri Stimm rockiger tönt Amaranth find ich übrigens eine vode wenige schwächere Songs uf de Platte, isch mir zu sehr mainstream. Oder besser gseit, mir persönlich gfallt er weniger, willr halt eher für die breiti Masse gschafft worde isch (wie Nemo halt, obwohl de beileibe net schlächt gsi isch). Mir passe si halt eifach net so. Suscht gfalle mr aber alli Songs vom neue Album, usser s mit Abstand schwächschte Lied Eva :/ 1 mal bearbeitet, zuletzt Mi 10.10.07, 18:36 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©