Festzeit.ch Forum » Computer » Partitione ufruume
| Autor | Beitrag 1 - 15 |
|---|---|
| dominiicSo 4.11.07, 13:31 | Hy Ich ha es chlises Problem mit mim Vista  Wegeme Defekt hanich mini alti Festplatte 320GB gege e 400GB Festplatte ustuscht. Sit dem isch mini HDD chli komisch partitioniert. Momentan gsehts so us: http://www.festzeit.ch/viewpic.php?id=7012776 Partition Magic 8.0 lauft leider nit unter Vista (Wie no viel anders nit  )Het öper vo euch e Idee wien ich die 2 Schwarze (Unbenutzt) cha zum C: hinzuefüege?? P.S. Bitte hauet mi nit willi Vista ha  |
| TiefenweltenSo 4.11.07, 13:41 | Probiers mol mit "Arconis Disk Director", dä isch besser als Partition Magic Gruess HExe |
| dominiicSo 4.11.07, 13:47 | Ok merci, ich probiers noherd mol Hoffentlich klappts diesmol Gruess |
| TuxSo 4.11.07, 15:28 | Gparted... geils Programm |
| dominiicSo 4.11.07, 15:37 | das empfind ich jetzt als schlag, will ich vista ha |
| dominiicSo 4.11.07, 22:14 | also, ich ha das programm installiert... pc neustart -> bluescreen naja, ha chli in forene umegluegt, und ich bi nit dr einzig wo das problem het... mini frog an euch: het öper vo euch e vista home premium cd für 32-bit system... hp het nämlich sones geils system wo si d os nit mitschicke... wer froh, wennise vilicht vo öperem cha uslehne |
| RheinPiratSo 4.11.07, 22:16 | ziehsch dr eins ussm netz - wennd jone original schlüssel hesch isch das kei problem |
| dominiicMo 5.11.07, 09:05 | ha bis jetzt leider nüt aschtändigs im netz gfunde... het nit öper e 32-bit vista home premium?? |
| d0mEMo 5.11.07, 09:09 | ich glaub nid das du e vista home premium dvd bruchsch, sovil ich weiss isch uf dr dvd sowieso alles druf, und den wird anhand vo dr serial entschiede was genau installiert wird.. also kasch theoretisch au e ultimate cd neh, und mit dim key wird den ebe s home installiert.. ich bi nid sicher obs jetzt so isch, isch mol so plant gsi glaub |
| dominiicMo 5.11.07, 09:41 | das chönt scho si ich lad mols ultimate, denn luegi öbs goht^^ merci für'd ufklärig edit: leider gits au fürs ultimate nüt richtigs... nur so scheiss cracks^^ 1 mal bearbeitet, zuletzt Mo 5.11.07, 09:58 |
| DesaxMo 5.11.07, 14:02 | Gang uf: Start > Systemsteuerung > System und Wartung (in de neue Ahsicht) > Festplattenpartitionen erstellen.... Denne rechtsklick uf C und denne Volume erweitern. Leider chasch so nur immer de Bereich zu ere Partition neh wo direkt rechts vor de Partition isch. |
| dominiicMo 5.11.07, 17:40 | hehe wie willi das mache wenni nur no bluescreen ha?? und usserdem mues den die partition wot willsch afüege hinterem C stoh... |
| SplinterMo 5.11.07, 17:43 | das würd mi imfall grusig... das Problem hani au scho lang! System kopiere, plattmache und Backup lade. |
| EgonMo 5.11.07, 17:45 | und was seit uns das? ? ? ? ? ? neee, i sag nüt zum vista... aber ehm... e systempart, wo grösser isch als 10GB bim Vista?? findi sinnlos... |
| RheinPiratMo 5.11.07, 17:55 | Also wenn me, wies du seisch, nüd richtigs im netz findet, denn suechsch eidütig am falsche ort  1 mal bearbeitet, zuletzt Mo 5.11.07, 17:56 |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©