Festzeit.ch Forum » Liebe & Sex » Geheimrezept für eine lange Beziehung
| Autor | Beitrag 16 - 25 |
|---|---|
| SpartanerMo 5.11.07, 14:56 | ich find, sitt ich mit dr fründin zämme wohn hani viel mehr zitt für kollege, do ich si jo jede daag seh... also ich seh s zämme zieh eher als vorteil... ich wohn jetzte denn bald 3 johr mit dr fründin zämme und es klappt super...ich dänk, wichtig isch, dass me glichi hobbies pfäggt, wie z.b sport u.s.w eifach e abwächslig ha im läbe... das duet e beziehig uffläbe loh... |
| babycakeMo 5.11.07, 14:59 | Ich wohn au scho siit über drei Johr mit mim Fründ zäme und es funktioniert im momänt wider besser!! Es isch scho schön, wenn me si partner jede Dag seht, aber es wird schwierig, wenns en sau konflikt git und momentan kei besserig in sicht isch!!!! Ich wär baar mol froh gsi, wenn ich eifach wider zu mir hei hätt chönnte!!!! |
| SpartanerMo 5.11.07, 15:02 | jo guet do hesch rächt, s "sich zruggzieh" isch nit ganz so eifach, aber ich sehs als vorteil, denn "mues" mes fascht ussspräche/ussdiskutiere...  |
| finelineMo 5.11.07, 15:06 | E liebesfüür so lang wie möglich brenne zlo isch e mega schwiirigi uffgob. aber si isch lösbar. ich gses an mine grosseltere. die chönne das sitt 60 joor und ich bi stolz uff se  wie scho so schön erwähnt worde isch isch halt das verliebt sy, flugzüg im buch, hormonussstöss etc e vorübergehendi sach. doch gitts mittel zum das am läbe zbhalte? wenn me länger mitenander zämme isch, foot me sich anenander afo gwöhne, e gwüsse trott bestoot. d'gfohr dass d'beziehig langwiilig wird, wird immer wie grösser. drumm muess d'beziehig immer e chli spannend bliibe. - gänd euch nid immer alles wo dr chönned. wenn dr immer alles gänd weiss de partner, dass är immer alles bechunnt, d'herussforderig isch wäg. (das isch brutal wichtig für männer, die tendiere vill meh zu däm, ich muess au mit däm kämpfe). - läbed näb dr beziehig no eures eigene läbe. ich verglich e beziehig immer mit 2 kreis wo sich überschniide. das gebiet wo si sich überschniide isch das wo me gmeinsam hett. de räscht isch s'eigene läbe. ich sags moll so, wenn die 2 kreis z'fescht ufenander liige isch die beziehig nümm so gsund wie si sött sy. au wenn dä beriich z'chli wird isc hau nid guet. denn foot me sich nämmlich afo distanziere. Mittelwäg finde isch agseit. - im gegezug bewiised immer widr, was eure partner für euch bedüttet. mit ere überraschig, mit emne spezielle ereignis, mit emne romantische erläbnis. - gänd emne partner s'gfühl vom komplette vertraue. Wenn dr am partner nid s'gfühl vom volle vertraue gänd fühlt är/si sich glii iigängt oder kontrolliert. - wichtig: lönd stritt zue! saged euri meinig! schreied euch aa, wenns nötig isch, schletzed d'türe zue! das isch wichtig für e beziehig! Das heisst nid, dass de stritt söll provoziert wärde. aber falls es so witt chunnt, denn lönds zue. wenn dir eurer meinig nid freie lauf lönd denn düend dr si unterdrucke und das bringt au e gfühl vo iigängt sy. s'schönschte isch doch, wenn me sich nach emne stritt widr in de ärm cha lige, nid? e paar aasätz vo minere sitte ich muess au no ganz vill schaffe, dass ich das so cha duurezieh. |
| HateMeNowMo 5.11.07, 15:07 | also ich weiss nur dass wenn mini fründin zu lang bi mir i de wohnig isch (z.bsp. übers gang weekend) denn bekömr schnell mol stritt wäg irgendere kleinigkeit sigs nur wemme öbis umelige lost wo eim nit passt... |
| babycakeMo 5.11.07, 15:07 | Ebbe, das isch s problem, well mir beidi sau sturi sieche sind und uns lieber dzunge würde userisse, als em andre nochezgeh!!! Aber mir häns langsam im griff!!!! Nei, ich will do niemerem Angscht mache... ich und mi bolle sin scho chli extrem, wemmr stritte!!! Lueg eifach din Partner niemols als sälbschtverständlicha!!! Grosse fehler!!!! |
| Nikita75Fr 9.11.07, 17:00 | Hey ich mues sage was Ihr do so schrybed isch no intressant und gröschtetäils kani sogar zuestimme... hätti nit emol dänggt. Es isch aber immer d Red drvo d Liebi vom andere z halte... es ka äim aber niemer sage was me ka mache zum sälber verliebt blybe... (ich red jetzt nit grad vo SChmätterling im Buch... aber drvo as me nit lieber öpper ander hät und as me unterem Strich äifach glügglig isch mitere Person). Me ka jo em Partner nit sage: mach das und das und das as ich Di immer ka liebe! |
| StinsonFr 9.11.07, 17:06 | ganz kurz: Oft ebbis mitenander mache, ufenand loose (damit kei ungliichgwicht entstooht) und offe/ehrlich si  |
| GeKK0Fr 9.11.07, 17:07 | öfters mal poppen kann die beziehung nicht stoppen |
| FiertePreconceptionSa 10.11.07, 16:33 | ganz eifach: ni schluss mache |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©