Festzeit.ch Forum » Liebe & Sex » s schlimste inere beziehig?
| Autor | Beitrag 91 - 105 |
|---|---|
| MBudgetKaugommiSa 12.7.08, 17:03 | betrüüge onds de andere person ned säge.... |
| BoredThingSa 12.7.08, 19:00 | wänn en maa nu na JA seit. i hasse nünt meh als dass en maa sini meinig nüm seit oder vertritt, quasi zumere sklav verchunnt, so dasses einsiitig wird. isch zwar schön dass er sini "liäbi" SO usdücke wot indem er alles für mi macht, aber mit dä zit gaht dnöchi verlore wiil er nüm sich sälber isch. |
| TabaccoSa 12.7.08, 19:04 | @Sha: Nai!!! das stimmt! bi d frau isch das s`glieche. mit jo und amen isches nit gmacht. schlimmste isch aber immer no s`betrüge! es git dänki nüt schlimmers als das... |
| BoredThingSa 12.7.08, 19:13 | Zitat: ndrangheta81 hmm... i bin mittlerwiile so realistisch und abghärtet gnueg, dass i DAS mim maa verzeihe wür, solang er immer na nu mi liäbt. dzit het sich g'ändered, somit au di einzelne moralvorstellige. i weiss, es isch uh schwer nazvollziäh, was i demit säge wot, aber sälbscht diä freiheit (mit gwüssne Regle bzw. Gränze) akzeptier i inere beziähig. i han dErfahrig gmacht, dass dmanne mi erscht rächt niä betroge händ, wänn i ihne diä "wahl" lahn.@Sha: Nai!!! das stimmt! bi d frau isch das s`glieche. mit jo und amen isches nit gmacht. schlimmste isch aber immer no s`betrüge! es git dänki nüt schlimmers als das... |
| TabaccoSa 12.7.08, 19:24 | @Sha: i lueg das e biz andersch a. wenn öpper fremd goht, denn zeigt das scho an e mangel an respäkt. ...aber ebe, jede luegt das andersch a. |
| BoredThingSa 12.7.08, 19:29 | für mi het da nünt mit respäkt ztue, sondern eifach mitem körperliche triib. die einte händ da besser im griff, anderi weniger. entschuldbar isch da trotzdem ned, aber i verbüte oder verurteile nünt, woni sälber driilaufe chönnt. wiä die meischte dErfahrig scho gmacht händ, passiert sowas schnäller als mä sich da amigs vorstelle chan. au wänn's scheisse isch, drum bin i bereit sbetrüge au duregah zlah, solang i immerna sini nr. 1 bin und er kei anderi schwängered! |
| IvySa 12.7.08, 19:40 |   1 mal bearbeitet, zuletzt Sa 12.7.08, 19:49 |
| ArkinaSa 12.7.08, 19:43 | naja vilicht eimol cha me durego loh, aber nid mehrmols  aber ich bi prinzipiell total gege fremdgo, do muess e sehr guete grund do si zum verzeihe! |
| BorstiiSa 12.7.08, 20:09 | Bi mir gäbtis kei gnue guete grund, dass ich ihre chönnt verzeihe... Er/Sie goht neume öbbis go sueche wo in dr beziehig fehlt, dorum gits kei grund die beziehig wiiterzfüere!!! |
| BoredThingSa 12.7.08, 20:25 | es git IMMER öpis, wo de eint am andere inere Beziähig ned chan geh. wäg dem macht mä ned grad schluss. suscht muemer sich sälber mol afange hinderfröge. niemerds isch perfekt, genauso wenig dtätigkeite womer im lauf vo sim läbe macht, aber wämer fängs für jedi einzelni fähler im läbe büesse muen, dä chamer sich grad so guet umbringe, wiil mä ja niä a chance bechunnt öpis guet zmache. verstahn au, dass es unverzeihlich isch, wämer en partner het wo NUR na fremdgaht, da isch was anderes... aber ned wänn's "nume" en Usrutscher isch. |
| TabaccoSa 12.7.08, 20:31 | @Sha: stimmt scho, Aber wenn öppis nit guet lauft, denn redet me drüber. was wie`s usseht die wennigschte mache. Toleranz ghört natürlich au derzue! |
| BoredThingSa 12.7.08, 20:36 | uf da hani use welä. alles insgesamt isch sowieso schwierig z'erkläre oder eim klar zmache. jede mänsch isch und dänkt verschiede, aber wämer öperts mol würklich liäb oder gliäbt het, verstaht me viellicht annöchernd was i mit all dem han welä säge |
| BorstiiSa 12.7.08, 20:37 | ebe wenn me öbber liebt, denn aktzeptiert me dass die person viellicht nit alles chan biete, was me will... und wie scho gsei cha me drüber rede... 1 mal bearbeitet, zuletzt Sa 12.7.08, 20:38 |
| RoimungstruppSa 12.7.08, 21:03 | Also bi mir isches so, s fremdgo an und für sich kanni verzeihe, das isch wirkleg öpis wo JEDEM ka passiere Das ganze aber au nur wenn dr Partner eim diräkt drnoch biichtet, und zwar nid: "Schatz i ha übrigens fremdgfickt!" Sondern wenn i merk dasses wirkleg en fähltritt gsi isch, und dasses im nochhinein EHRLEG Leid tuet. Wenn denn natürleg d beziehig abflaut oder scho scheisse lauft, denn isch ganz klar nomol öpis anders. Abr wenn dr Partner au im Verhalte zeigt, dassme trotzdäm immerno absoluti nummer eins isch bi ihre/ihm, kanni sowas doch verzeihe. Das isch nid so z verstoh, dassis toll oder so find, oder dasses mir egal isch, aber i kas verzeihe. |
| BoredThingSa 12.7.08, 21:06 | Zitat: Mulambo irgendwiä häsch immer na ned verstande was i gmeint han, aber isch etz au egal. Was i allgemein gmeint han isch dass vieles mit erfahrigswert ztue het und wiäviel sich en mäsch sälber wert isch. mä chan ned immer nur stur uf diä alte prinzipiä ufbaue wo üs früehneri generatione biibrocht händ. wämer öperts liäbt, luegt mä au em andere sini siite a. det isch nu mol ned alles heitere sunneschii oder irgend ä perfektion. fehltritt macht jede im läbe. de betrogeni underschätzt meischtens, dass dä betrüger schlussändli um einiges meh drunder liidet. sogar wämer ihm verzeiht. Wämer mol en shit macht, treit mä da sganz läbe lang mit sich mit, und wänn's nu ä unbewussti altlascht isch, de betrogeni aber chan mit some fähler immerna besser klar cho WIIL er dä fähler ebe ned gmacht het un "nu" verzeihe muen. ebe wenn me öbber liebt, denn aktzeptiert me dass die person viellicht nit alles chan biete, was me will... und wie scho gsei cha me drüber rede... i dä meischte fäll macht ma hütztag eifach nu schluss wiils di eifachscht und au die fuulscht lösig isch. Wämer aber mol öperts gfunde het, womer würkli über alles liäbt, teilt mä ned nume sini positive Siite und Tätigkeite. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©