Festzeit.ch Forum » Medien » tierquälerei - wer intressierts - oder au nit?
| Autor | Beitrag 31 - 45 |
|---|---|
| TwitchyMo 19.11.07, 16:07 | Was ich jetzt schrieb, tönt vermuetlig für einig e gli hart. Ich find dr Tierschutz in dr Schwyz und in dr EU völlig usreichend, d'Strofe für nid artgrächti Halti vo Huus- und Nutztier sind happig. Alles was drüber würd usego, isch Luxus. Und wo mir persönlig denn dr Nuggi us dr Schnuure fliegt, isch wenn me unseri weschtlich-prägti Asicht über Tier anderne Länder und Kontinänt wött uffdrucke... In villne Länder isch nid e mol gwährleischtet, dass Kinder in d'schuel könne oder ihrs Glas Milch oder z'ässe bekömme... und solang das nid gwährleischtet isch bzw. solang's au in dr Schwyz zu Kinds-/Menschemisshandlige kunnt, halt ich Tierschutz für e Luxus. |
| TwinnieMom79Mo 19.11.07, 16:29 | es goht aber eh hauptsächlich umm der "tierschutz" (wenn mer däm überhaupt so säge cha) in asie, etc...(vorallem china) wos in mine auge GAR kei tierschutz gitt...do in der schwiz ischs nit schlächt mit dem. abgseh dervo das e buure - futzi (vor es paar wuche im 20min. dinne gsy) über 40 hünd bi sich gha hett, und verwarlose loh hett, z.t. so imene schlächte zuestand sind die hünd gsy, das sie se nur no händ chöne ischlöfere loh!!!  und die hett zu dere frächheit ahne, dörfe 2 hünd bhalte!!! gohts dene no guet? so eini sott NIE mehr IRGEND es tier dörfte bhalte. aber abgseh vo so "kleinigkeite" ischs nit schlecht....... |
| topqMo 19.11.07, 16:55 | Jedi 10 Person het scho Erfahrige mit Sex mit Tier. Fraue vor allem mit Hünd und Katze, Männer (Buure) mit Nutztier. Das nenn ich Tierquälerei. Isch geschter in de Sunntigszitig gstande. |
| TwinnieMom79Mo 19.11.07, 16:58 | jo scho, aber weisch was i mol ha miesse höre binere diskussion über das ? "jo chum, die tier sind jo eh geil - ob sis uff mensche sind oder uff e anders tier - spielts e rolle? si händ jo keini schmärze derbi!!! trurig isch das...sag nit, was ich däm gantwortet ha..isch besser... |
| TwitchyMo 19.11.07, 17:07 | @vocal artist die gueti Frau het 2 hünd dörfe bhalte... für das längt jo dr Hof au. und China isch nid Schwyz. Du kasch nid eifach in e anders land go und dene DINI Mentalität uffdrucke. |
| TwinnieMom79Mo 19.11.07, 18:10 | ah, die loss ihri hünd verrecke vor hunger und durscht, aber dörf no e tier halte???? findsch das normal???? mein, wenn e famillie e kind schändet, fändsch das denn normal, wenn die denn no e pflegekind dörfte becho, nochdem si ihne s kind wäg do häte???? und china isch nit schwiz...jajaja... chum. wenn si die tier NUR ässe würde, (katze,hünd, exote,etc) denn wär mir das scheissegal, wills e ander land isch und die das gwöhnt sind, do sag ich jo au nüt dergege,aber wenni denn seh muess, wie si mit perverser FREUD die tier uffs GRAUSAMSCHTE quäle, well si fruschtriert sind, wäge was au immer, und si niene anders chöne ihre fruscht abloh, denn wird ich stinkesauer uff so "mensche"!!!!!!!!!!!!!!!!!!!!!!!!!!!!!!! scheiss egal, in WELEM land das denn passiert! mit dene söttsch grad s gliche mache. denn das sind erbärmlichi sieche, genau so wie die wo ihri kinder misshandle!wehrlosi wäse, ob tier oder mensch go quäle ischs unterschti niveau wos git. nit mol die wo im dschungel läbe, die sog. "primitive kulture" sind nit mol so, zue de tier wo sie ässe. well sis schätze das sie se ässe dörfe, do si suscht usser es paar pflänzli nüt ander chöne ässe! |
| TwitchyMo 19.11.07, 18:16 | Du muesch mi gar nid aschreie  Wenn e Richter entscheidet, dass die Frau 2 Hünd dörf bhalte und dr eint no muess kaschtriere lo (so isch im teletext gstande), denn muess me das akzeptiere. |
| TwinnieMom79Mo 19.11.07, 18:22 | i schrei di doch nit a, i bi nur wiedr hässig, welli mer grad alles nomol bildlich muess vorstelle...mängmol wünschti,i hätts NIE gseh.... aber ebe, ich mach d auge nit zue... jo, das weissi, aber sorry die scheiss gricht sind doch au nit ganz suuber!!!! isch doch hirnverbrennt... aber denne go sog. "killerbeschtiene" (kampfhünd) go ischlöfere lo, well si der nochber abällt händ, (isch jetz chli ironisch gmeint! ) das isch denn logisch....oje... die dräcks gsetz sind eh nur unfair meischtens... |
| TwitchyMo 19.11.07, 18:26 | Sowyt ich dr Fall kenn, het die Frau z'vill Hünd ka um sich no normal könne z'kümmere um die Viecher... 2 Viecher het sie dörfe bhalte. Und was Kampfhünd agot... in de meischte Fäll, legt me sich ebbe sone Huend zue um sich sicher z'fühle um drmit z'stänze wie mene auto usw. sprich: also alles andere als artgrächte Umgang. Und wenn wie im Züri Oberland so 'ne Schwachkopf Hünd importiert, sie in dr Wohnig haltet und die Hènd als erschts, sobald sie an dr früsche Luft sind e Kind totbisse, denn bin au drfür, dass me Kampfhünd landeswyt verbietet. Will d'Azahl Schwachköpf, wo mit so Hünd nid ka umgoh, isch leider z'Hoch und in der Schwyz isch es eigentlich no normal, dass me ufm Land sie Kind ka dusse spiele lo  |
| TwinnieMom79Mo 19.11.07, 18:42 | isch au nur e ironischs gmeints bischpiel gsy! |
| TwitchyMo 19.11.07, 18:46 | Ich ha Tier gärn... entweder im Zolli (will die für Arterhaltig sorge) oder im Discovery Channel oder uf'm Grill  Tierschutz isch nid sinnlos, aber wenn me Tier afoht vermenschliche, denn wirds nur unnötig kompliziert. |
| TwinnieMom79Mo 19.11.07, 18:50 | nei, das muess mer nit. aber respektiere und achte. |
| VentiSupportMo 19.11.07, 19:00 | wärdet doch alli vegetarier und machets wie d küeh aber ICH mini herre und dame rauch mis gras lieber anstatt es zfrässe  |
| IvyMi 21.11.07, 15:06 | ich find dass mir mensche eus vo fleisch ernähre ligt in dr natur..goht für mich nit unter tierquälerei. tier unterenand frässe sich jo au. also sött mes eifach druf beschränke dass "läbewäse" alli in einere nahrigschetti stoi und do gilt halt "fressen und gefressen werden" - do gits e tolli stell im film "lion king" wo dr alt leu em chleine verzellt dass sie d antilope frässe..wenn d leue allerdings stärbe wärde si sälber zu gras und das wird vo de antilope gfrässe..kreislauf.. was allerdings ganz klar unter tierquälerei fallt isch wenn me sich huustier haltet, wo me kei ahnig vo het wie me mit ihne umgo söll. wenn me mit dene tier an wettkämpf oder turnier teilnimmt, se nur unnatürlich in e form drillt. wie zum biespiel do.. http://www.youtube.com/watch?v=z_JRzfocp5E&feature=related das isch für mich e klare fall vo tierquälerei.. au zolli..klar wärde dört arte gschützt..aber gang emol in basler zolli..ins vivarium..die grossi schlange..sie wird sich nie in ihrem läbe strecke chönne..nur drmit mit bsuecher se vo allne siite chönne aluege..so sache sötte verbote wärde.. |
| TwitchyMi 21.11.07, 19:29 | Dr Zolli z'Basel wött scho lang s'Vivarium saniere... die hän zweni Gäld. |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©