Festzeit.ch Forum » Politik / Religion » Pers. Waffe: Zu Hause oder im Zeughaus?
| Autor | Beitrag 46 - 60 |
|---|---|
| YelinaMi 28.11.07, 10:51 | aber mal abgseh vo dere ganze Waffe deheime oder im Züghuus diskussion, ich finds echt tragisch, wie wiit mer sind mit de menschheit, hocksch nichts ahnend anere bushaltestell und wirsch über de huufe gschosse, das isch chrank! |
| tschugileMi 28.11.07, 12:01 | dr negscht wo do disst wird OHNI Verwarnig DIREKT gsperrt ! Elände Kindergarte ! |
| bladeMi 28.11.07, 12:03 | Ihr sind doch doof, diend nid so blöd.... Hmm Waffe, ich bin immer froh chan ich die abgeh und muess die nid jedesmol Hei neh. Finds chli verantwortigslos wenn eifach e Waffe umeligt schliesslich chöme o au kollege verbie usw. Klar meh chönt au en Tresor chaufe. Jede Sportschützeverein chönt jo sone Waffetresor ha, denn muess nid jede das ding Hei nehm. Das heisst de Chefe und sin Stv het en Schlüssel und wenn was passiert hange die an de scheisse... |
| LoopTroopRockersMi 28.11.07, 12:12 | ey nei, schaffsch du bi festzeit hauptbrueflich?.. personal security forum officer...  hihihi,, nume spass |
| tschugileMi 28.11.07, 12:17 | nei machi nid.. aber wenn niemer für Ordnig sorgt stell dir mol vor wie das usarte würd mit dr Kiddies... ojeoje  |
| LoopTroopRockersMi 28.11.07, 12:34 | das chan ich nur zu gut verstoh! |
| MMVBlerMi 28.11.07, 13:07 | Wenn eine sini Waffe dehai korrekt ufbewahrt (Verschluss getrennt vom Rest), denn isch s'Risiko für e Affekttat relativ chlei. Schliesslich mues är/sie jo den z'erscht no das Teil zämebaue... (Zuedäm würdi nimi Waffe nie im Kleiderschrank ufbewahre, will dört süscht gli alles no Fett stinkt.) S'Problem isch doch unter anderem au, dass d'Strofe für e allfällige Missbruch oder e Munitionsdiebstahl viel z'gring si... Es isch eifach bedänklich, dass sich gwüsse politischi Kreise so uf das Thema stürze. Isch das ächt, will si süscht keini Inhält für Diskussione oder "schnell umsetzbari Forderige" hei...???  Für mi liggts Problem nid in dr Waffe, will diä schiesst nid eifach so, sondern es stoht hinter dr Waffe... |
| RadioaktivesKindMi 28.11.07, 13:13 | @Pinzgauer ja nur d Politiker sueche noch ere eifache lösig. Nimsch däm hinter dr Waffe d Waffe wäg isch dr zuegang drzue scho erschwert. Nur die eifachscht lösig isch nid immer die best. Aber immerhin wierd bi uns noch soöbisem nid drfo gschnurt das d Computerspiel oder so dschuld sind sowie in Dütschland. |
| TwitchyMi 28.11.07, 13:28 | Ghört ins Züghus... will, wenn jede wo sauer oder plemplem isch, eifach sini Dienstwaffe ka neh und drmit ka ummeballere, längts längerfrischtig nid, dass me Taschemunition yzieht, sondern denn müen de Wehrmänner d'Waffe au abgno wärde. Mir isch bewusst, dass sich d'Mehrheit vo de Rekrute/Soldate tadellos benimmt und s'nötige Verantwortigsbewusstsi het..aber es längt pro Johr nur EINE und s'Aseh vo allne isch beschmutzt. Vodämhär würd ich mit Jo stimme, wenn die entsprächendi Initative vor's Volk kunnt. |
| bladeMi 28.11.07, 13:46 | Ich find e Waffe sött meh nid dehei ha. Für Sportschütze sötts en Waffetresor im Verein geh. S Sturmgwehr bruch ich nid dehei, d Knarre au nid. Für mich isches so am sicherste, de Brüeder het mängisch scho so dämmlichi Gedanke darum bin ich sehr froh wenn er kei chance het um an die Waffe zcho. |
| SplinterMi 28.11.07, 13:48 | @Pinzgauer: stimmi zue! s'Problem isch nid d'Waffe und s'Problem hei mer au erscht sitt dem gwüssi Politiker wider ihri berüehmti Symptombehandlig müese durefüehre! Natürlich stimmts dass me nume gege d'Waffe und nid guet gege dr Idiot drhinter chan vorgoh abr gwüssi Übertribes eifach. Dienstwaffe dehei: Nei, völlig unnötig. Für Sportschütze söll me denn bitte abr nid au no schwereri Uflage ifüehre. PS: Es wird immer gmotzt dass mir sone liberals Waffegsetz hän... stimmt überhaupt nid, wer zum Bischpil s'Waffegsetz vo DE aluegt wird erkenne dass dört z.B. Waffe ohni Altersbeschränkig erlaubt sin wo bi eus längscht verbote sin und nid mol mit Spezialgnehmigung inechöme, genau s'gliche mit Frankrich. |
| SplinterMi 28.11.07, 13:49 | @blade: Waffetresor im Schützehuus? gosch du drvo us dass d'Schütze immer am gliche Ort gön go schiesse? und was isch mit de Jäger? |
| MMVBlerMi 28.11.07, 13:58 | Düen mr doch dr Staatsapparat no chli mehr ufblose, das git au Arbetsplätz... Mir schwätze do vo 120'000 Waffe und drbi sin in dr Schwiz öppe 2,5 -4 Mio Waffe süscht no im Umlauf. Diä wird mä nie alli finde... Unmöglich! |
| bladeMi 28.11.07, 13:58 | hmm stimmt. Die sach goht nid ganz uf. Eigentlich chan meh jo gar nüt degege mache. |
| TwitchyMi 28.11.07, 13:59 | @Splinter Zwüsche Jagd- und Armeewaffe bestoht doch wohl e Unterschied? Und es will keine s'Jagd- und s'Schützewäse abschaffe, sondern sie mit in d'Verantwortig neh. Ich ka mi no an Jungschützekurs erinnere... ich ha's Sturmgwehr ka und ufm Schiesstand hät ich ohni Problem mini 30 Schuss könnte zämme ergaunere und das kas doch wohl nid sy! Sicher, s'Waffegsetz vo dr Schwyz isch eins vo de strängschte, aber d'Armeewaffe und's Schützewäse heble's us... |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©