Festzeit.ch Forum » Politik / Religion » Pers. Waffe: Zu Hause oder im Zeughaus?
| Autor | Beitrag 76 - 90 |
|---|---|
| heimdallMi 28.11.07, 20:34 | da het 0 mitere waffelobby ztue, sondern dodrmit an was für persone mer d waffe abgitt. und amene sichere ort heisst immerno nach waffegsetz tresor oder waffeschrank. be merne guete teil cha mer d waffe mitgeh, nur bim gröschte leider ned... |
| iamascientistMi 28.11.07, 20:41 | ich bi au dr meinig das armeewaffe ins züüghus ghört! wär als hobby schiesst de isch doch wohl imene schützeverein. dänä wärde jo keini waffe wäggnoh. dört wird jo gluegt was gmacht wird. usserdem: schwizer bürger wärde s'land mit vilicht eim magazin pro person verteidige...im ärnschtfall miesste doch eh alli go atrabe und bechöme ihri usrüstig bzw. gwehr. also bitte! |
| kevMi 28.11.07, 20:42 | jo imne tresor isch guet....abr wenn se eine eifach ine ecke odr ine schrank stellt ghört d waffe grad weggno...(ich ken es paar wo d waffe so umestoht)...jo ich denk scho das das mitere waffelobby im verbinding zu dere "guete alte tradition" stoht...so vo wäge wenn das a de urne würd go abstimme so meini... und du hesch recht im ne grosse teil kame d waffe nit mitgäh, deshalb entweder waffeschy vorschribe (könnt me jo direkt im militär vom ne unabhängige experte loh abnäh odr so) odr eifach verbiete...das isch eifach unglaublich dasses imme rno lüüt git wo d auge drfo verschliesse....wievill unschuldigi wie die z züri miend no sterbe??? und vo wäge ernstfall!!de wird sowieso nie iträte...das wäri en imarsch ohni grund und d schwiz hätti eh nix z melde, au wenn jede tuusigi vo munition dehei hätt...was wänd milizler gege spezialeinheite und panzer odr luftunterstützig???  1 mal bearbeitet, zuletzt Mi 28.11.07, 20:43 |
| iamascientistMi 28.11.07, 20:46 | jo isch scho klar, wenn krieg wär und d'schwyz betroffe wär chönnte mir e nur mit dr wisse flagge winge! aber weisch d'vorstellig. ich stand denn am strossefänster und knall jede ab wo öbis will vo mir... |
| kevMi 28.11.07, 20:47 |  wenn no zyt defür hesch und die vorher nit bombardiere, was jo standard verfahre isch...zerscht bombardiere denne froge stelle udn imarschiere |
| iamascientistMi 28.11.07, 20:48 | jo hützuetag chasch krieg führe ohni unbedingt sich vom fläck z'bewege. |
| kevMi 28.11.07, 20:52 | ebbe do erübrigt sich die im ernstfall frog eigentlich scho, wenn jede kli dänkt |
| iamascientistMi 28.11.07, 20:54 | jo d'svp renter stöhn denn in garte und schreie: "an mir kunnsch nit vrbi!" |
| heimdallMi 28.11.07, 20:54 | chnöpfli drugge... nei so wies momentan glöst isch, isches ke problem. wenn mer e vorstrof het cha mer ke waffe erwärbe. nume s militär verteilt waffe an alli als wäre se s rotchrüz. mit gwehr und pistole cha mer sport betriibe und sis land verteidige, für das sinds au konstruiert worde. mer muess halt immerno unterscheide zwüsche sötige wo respektvoll drmit chö umgoh und dene wo ke ahnig drfo hei. |
| kevMi 28.11.07, 20:56 | das wäri denne ebbe de moment wome de waffeschy brucht...odr erkennsch du grad eine wo öpperts könnt umbringe??waffeschy mit psychologischem guetachte!! |
| RadioaktivesKindMi 28.11.07, 21:01 | Hm i wirf jetzt mol öbis anders in d rundi. D Bevölkerig komplett entwaffne isch en seich. Grad in dr hütige zyt wo immer wie mehr d überwachig chunt me immer wie mehr in dr Freiheit igschränkt wierd. Wär cha de no gege ä totale überwachigs staat akämpfe wen d bevölkerig kei Waffe meh het? Dgfahr z unterdruckt wärde chan au vo dr eigene Regierig us cho. Sicher hüt muess me no kei angst ha was isch aber in 10-20 Johr? Bi gspannt wies wietergoht. |
| iamascientistMi 28.11.07, 21:02 | söll das heisse me sölli mit de waffe gege d'regierig vorgoh. wär definitiv die falschi lösig! |
| RadioaktivesKindMi 28.11.07, 21:07 | Binere totale unterdrückig gäbts wohl chum ä anderi lösig oder? Wie würdsch du den ä Diktatur oder ä Regierig wo anere Diktatur forme isch ablöse? |
| heimdallMi 28.11.07, 21:09 | wievil gwalttätigi revolutione hets geh?! glaub alli revolutione händ toti gforderet... |
| iamascientistMi 28.11.07, 21:13 | ähm rede mir vo dr schwyz oder vomene sozialistische staat/diktatur? |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©