Festzeit.ch Forum » Sonstiges » Reden über Krankheiten/ Was habt ihr? / Was kennt ihr?
| Autor | Beitrag 61 - 75 |
|---|---|
| babycakeDi 4.12.07, 08:49 | ich ha e ziitli lang ei nierebeggeentzündig noch dr andere gha, ohni vorhärigi bloseentzündig!!! isch au no rächt übel, wenn de ufem klo hoggsch und fascht schreisch, wells der bim pinggle so weh macht!!! Dr Arzt het ufe niereschade tippt, aber bim ultraschall nüd uffälligs gfunde... jetzt heissts halt gaaaaaanz vill tringge und dniere so ständig spiele!!! |
| CarlAlexisDi 4.12.07, 09:07 | kennt öbber vo euch Vitiligo oder auch Weissflecken-Krankheit gnennt? |
| zaggiDi 4.12.07, 09:39 | ja Die Vitiligo oder Weissfleckenkrankheit ist eine fleckförmige Entfärbung der Haut, die durch eine Hemmung oder Zerstörung pigmentbildender Zellen (Melanozyten) hervorgerufen wird. Als Folge dieses Pigmentschwundes hat die Haut fleckenartige weisse Stellen. Dort kann der Pigmentmangel ohne geeigneten Sonnenschutz schnell zu Verbrennungen führen. Die weissen Flecken sind landkartenartig begrenzt. Charakteristischerweise ist die angrenzende Haut im Randbereich stärker gebräunt. Am häufigsten tritt die Vitiligo an Kopf, Hals, Achselfalten, Handrücken und der Genitalregion auf. Die Vitiligo betrifft etwa ein Prozent der Bevölkerung und kann bereits im Säuglingsalter beginnen, setzt jedoch bei rund der Hälfte der Fälle um das 20. Lebensjahr ein. Eine familiäre Häufung ist bei etwa einem Drittel der Fälle festzustellen. Vererbt wird jedoch auch hier nicht die Krankheit selbst, sondern lediglich die Neigung dazu. Eine Heilung ist bis heute nicht möglich. Die Behandlung der Vitiligo ist entsprechend schwierig und vor allem langwierig. Zur Anwendung kommen Behandlungen mit ultraviolettem Licht, äusserliche Therapien oder eine Transplantation von Melanozyten. Oft ist die Besserung allerdings nur vorübergehend. Aus kosmetischen Gründen decken deshalb zahlreiche Betroffene ihre Flecken mit einem wasserfesten Make-up ab oder tönen sie mit Selbstbräunern. Die Vitiligo wurde das erste Mal vor ungefähr 3500 Jahren beschrieben. Diese Erkrankung kommt relativ häufig vor, Schätzungen gehen davon aus, dass insgesamt 0, 5 bis 2, 0 Prozent der Weltbevölkerung von der Weissfleckenkrankheit betroffen sind. 1 mal bearbeitet, zuletzt Di 4.12.07, 09:41 |
| CarlAlexisDi 4.12.07, 09:41 | ich ha das zum glück nit, ha mol gmeint i has aber ischs zum glück nit gse... bi dunkelhütige ischs rächt krass! |
| zaggiDi 4.12.07, 09:42 | cha mr vorstelle... vorallem wes im gsicht hesch! |
| SteffffDi 4.12.07, 23:01 | @ VOCALxxARTISTxxLIV es stimmt imfall nid, dass das nume vo dr lute musik chunt! ha e hörsturz und tinnitus, und bi mir isch das pfiffe nid nachem usgang ko, sondern eifach mol dure dag! vielfach isch au dr stress dr vrursacher odr entzündige im ohr usw.. chasch di jo uf wikipedia zerscht chli go informiere.. |
| heimdallDi 4.12.07, 23:35 | i ha *chli* heuschnupfe, und alergie sodermit. nur was me immer am meischte ufregt isch dassi, wenni starch heuschnuppe ha, zyrtec muen schmeisse. (ab zyrtec isch mer meischtens schlöfrig, desorientiert und berchummt mängisch ganz komischi sache vor auge.dh arbetsunfähig...) und chömet itz ned mit sache wie; statt heu schnupfe, gras rauche...  |
| aliennaDi 4.12.07, 23:44 | ich ha anämie. |
| häxebäseMi 5.12.07, 01:19 | Kennt öpper jemand mit Tourette Syndrom?! Das isch au e harti Krankheit |
| rutschläMi 5.12.07, 07:25 | tschüschmiantoine, tourette hani letschti im tv xeh...dasch anderscht hart gopf... |
| TwinnieMom79Mi 5.12.07, 08:05 | @steffff: das weissi, darum hani jo gschriebe gha das es (meistens) wäge dem isch, aber in de meischte fäll sigs ebe wägem lutte musik loose, stroossegrüsch,diabetes, etc... so ischs uff all fäll vor paar mönet no im 20min. gstande.... zum thread: i ha mini damaligi fründin durch leukämie verlore... dasch bitter gsy denn, sie hett plötzlich e "uffschwung" gha, d.h das ihri bluetwärt uff eimol rasant sich besseret händ und sie eigentlich gueti chance erwartet hätte ( ärzt) und noch 1 monet uff eimol überall im ganze körper metastase! sie hett no öbbe 3 mönet gläbet,wenni mi no rächt mag bsinne,denn isch si gstorbe... mit 16ni....   |
| YelinaMi 5.12.07, 08:06 | Ich ha letscht Früelig en sog. "Röschen-Flechte" gha, sehr interessant, zerscht en 5-Liber-Grosse rote Fleck am Hals, wo usgseh hed wie Huutpilz, denn plötz am ganze oberkörper chlini roti Flecke, wo immer meh worde sind.  Mi Huusarzt hed kei Ahnig gha, nachdem ich 5 Mal bi ihm gsi bin und hed mi zunere Huutärztin gschickt, die hed de gwüsst, was es isch. En chline Troscht isch, wenn mer das einisch gha hed, chund mers nie meh über, will s'Immunsystem dä Virus de cha abwehre. |
| TwinnieMom79Mi 5.12.07, 08:09 | @yelina: dasch aber au chli e depp gsy, dä huusartzt!mein, wenn du 5!!mol zuenem goh muesch bis dä di zum huttartzt schickt! |
| YelinaMi 5.12.07, 08:11 | ja, er hed immer sgfühl gha, es sig en Huutpilz und hed mer Salbi und Tablette verschriebe und statt das es gnützt hed, sinds immer meh worde. Bi etz nüm bi dem. |
| pr0xlmusMi 5.12.07, 13:10 | Isch glaub au nit die dümmst Idee gsi denn dr Arzt wächsle...so ne Eule vo Arzt^^ |
Als angemeldeter festzeit.ch Member kannst du Themen erstellen und auf Beiträge antworten.
Infos/Hilfe » ©